2 Korint 10:1 - Ekajuk New Testament

¹ Me Pol, mefono antahng wo kp-n gboongo a, tib esi ji Kraist ji jolo soom, fere bel nnoobo eljini, me ji kpo rede elname, n lꞌjol go egahne ellong, n kpo sahb-n, eji n li fee,

2 Korint 10:1 Referans Kwoze

2 Korint 10:10

Tibre bo kpo bung re, “Awer nya Pol kpi nsahm, kpo fere lub-r. Á lꞌjol a nahre, á kpo kooko sehng, alum enye kpehme tohko jꞌjol ejumjum.”

Matiu 11:29

Taamen, wahn woom-m go elwo, fere jo kpili go egame. Tibre me n li soom, fere jol reed. Owo atohko enyahne bahke bele erekekv.

Galesa 5:2

Me Pol, me wo kp-n tongo re, Ń lꞌtaame re bo yehk-n nrur, lohngo re, Kraist, nnoobo anyehng anyehng wahn á nehm ka.

NWER NYI POL NYONO TV ANEB ERO BA LI GO ROM 12:1

Fvfo, abonanee, n kp-n gboongo tib go ndon nyi Esowo re, wahn yake agubjing enyahne ka ana ejum njom ji li go elkpin, ji bahke jolo ka Esowo bi bi, jio ji á bahke koko. Ano wo fuumu re wahn jo kak Esowo.

2 Korint 11:30

Lꞌjol nyi m bahke woro nnyo, m bahke woro nnyo kunu nsol nyi kpo tib ana n kpꞌleenge.

1 Korint 2:3

Eji n jolo a nahne, n leenge sehng, jo fahl, fere jo kꞌkahm.

Ellennge 1:9

Me wo li Jon mmonanne ejahne ji kpꞌtob nyehn erem a nahne, me n tob li etul bꞌnehm bi wahn ma li, fere kpꞌtob kpuumu erem a nahne, eji e li ka Jisos. Bo rod-m rod kak go ejahbe ji li go elka alahb, ji bo kpo lung re Patmos, tib go esi ji alum Esowo nya n jo bung, a ntianse nyi n jo yiimi ka Jisos.

1 Pita 2:11

Akpondahme enyame, n kp-n rehke, eji ń li ajenne, a ajahmjahm go njini nyia, kana jo gbod, toono ejum ajehng ajehng ji kpo mell-n go egahne ntim. Tibre ngubjing, a etohko, bo li go ebta.

Failimon 1:9

n kp-a lub gboongo na tib esi ji elkoro, me Pol ji li nnenkul, anv, m ma fere jol nne a ngbekobo tib go esi ji Kraist Jisos.

2 Tesalonaika 3:17

Me Pol wo kpꞌnyono nnyo akake mia. Ana wo n kpo kak elliingi go nwer anyehng anyehng nyi n lꞌnyon. Mbang nyia nyi n kpo kono elnyono re,

Efesus 4:1

Me ji li nne a ngbekobo tib go esi ji Ntul a Jisos, n kp-n gboongo re, wahn ji Esowo ma-n lung, belen elkpin ni biingi ana ni Esowo kpꞌsebe re wahn bel.

Galesa 4:13

Ń kpꞌkahne re, ngare nyi n gbo mbang bung alum Esowo tong-n, n jo yꞌyam.

2 Korint 12:5

M bahke woro nnyo kunu nne noo. N nehm wor nnyo kunu elname, sehngem elleenge ename ni ni m bahke jo wor nnyo kunu.

2 Korint 11:21

N kpꞌbungu re, a ejum ndon ji. Wo, wahr sahbem lim ano. N kpꞌkpeke bung ana egboolo nne re, Nne awohng awohng lꞌfere sahb wor nnyo kunu ejum ajehng ajehng, me n tob sahb fvfo.

2 Korint 10:7

Ń kpo kpur ane ana bo li ga njahm elatahk! Nne awohng awohng no lꞌbum elne re, ye li ka Kraist, nong, á tir antahng re, ana ye li ka Kraist, ano wo fvfo wahr tob li ka-e.

2 Korint 10:2

n kp-n gboongo re, wahn ki-m lim me m ba, ba bung esahb esahb a nahne ngare nyi n lꞌba go egahne, jol eji n kpꞌkꞌkahn re, m bahke bungu esahb esahb a ane ba kpꞌbungu re, wahr kpꞌjene ana njini.

2 Korint 7:4

N kp-n sahb bꞌbum go etingitingi. N kpꞌsahb gꞌgeere kak-n. Esowo ma-m kak eltim gbalee. Tvtv go erem abehng abehng bi e kpꞌnyehne, n kpꞌbele na eyebatahng budu.

2 Korint 6:1

Eji e kpꞌlimi eltum ano a Esowo, e kp-n gboongo re wahn kꞌjol ane ba ma bel nnoobo nyi Esowo mbol mbol, ba kil rodo lim ejumjum.

2 Korint 5:20

Anv, wahr ba li ane ba Kraist ma-r kak eltum, ba Esowo ma-r ko kpꞌrehke ane, fere jo gboongo bo go esi ji Kraist re, “Limen etem a Esowo!”

2 Korint 3:12

Tib eji e kpi elkohn ekunukpu ana jia, wahr ebbel esahb.

1 Korint 4:10

Wahr agboolo ane ba tib go esi ji Kraist. Wahn akahnkahn ane ba go ejang bi Kraist. Wahr li lenge lenge, wahn kpꞌtahne. Wahr, bo kpo daang-r daange, wahn, bo jo kak-n.

NWER NYI POL NYONO TV ANEB ERO BA LI GO ROM 15:15

Nwer nyia, n nyono esahb esahb, eji n lꞌbuum-n nsol nyimongo tib go nnoobo nyi Esowo ma-m ka re,

NWER NYI POL NYONO TV ANEB ERO BA LI GO ROM 10:20

Aisaya tob bungu a esahb esahb re, “Ane ba ki-m jo seb, bo ma-m nyehn. Me n lennge elname tib ane ba n ki jo lub bo.”

Eltum 8:32

Edi nwer Esowo ji á jo lꞌlung li re, “Á jolo ana njoro nyi bo ma rod, yahke wul. Á jolo ana mmon a njoro no kil biingi, eji bo kp-e kpudu anyar. Á belle na belle, jol ellum anehng anehng á bungem.

Matiu 21:5

“Tong Sayon re, Nyehnen, ntul ewahne kpꞌbake go egahne. Á li soom, á kun go mbvankang. Á kun go mmon a nnyam no kpo sol nsol.”

1 Korint 4:21

Anv, jen ji ń kpꞌsebe? Me m ba go egahne ebti go eboa, afi me m ba go elkoro ana nnaanga nne?

Efesus 3:1

Me Pol, n li nne a ngbekobo no Kraist tib go egahne esi, wahn ane baka baka.

Filipai 4:5

Nong, nne awohng awohng kahn nnaange eljini enahne. Tibre Ntul a Jisos ebkabbe kpidi kpidi.

Kolosa 1:23

Esowo bahk-n limi ano, ń lꞌfere soro asi go ege a mbang, fere yiimi tꞌtahne, kꞌren, kꞌyehke ekunukpu ejahne goji Esowo, ye ji ń wuku alum enye nya bo ma bung tong nne awohng awohng go njini, nyao nya me Pol ma jol nlokeltum.

Failimon 1:19

Me Pol, me wo kpꞌnyono ana go egame ebo re, Me wo bahke gale. Me m bum re, a kpꞌkahne re, a kpi-m mbong nyi elkpin ena ni wofono antahng.