2 Korint 1:12 - Ekajuk New Testament

¹² Ejum ji ana, ji e kpꞌgeere kak. Tibre ntir atahng enyahre kp-r yiimi ntianse re, elkpin enahre ni e li a ni go njini nyia, asehngesehnge ngare nyi e jolo a nahne, e jo toono mbang anyehng, a eltim ni li saang. E tonngem go elkahne ni njini nyia, e tonngo go nnoobo nyi Esowo.

2 Korint 1:12 Referans Kwoze

1 Korint 2:13

E kpehme bung alum nya nne tib-r no go ege elkahne. E kpo bung alum nya Etingi Etohko tib-r no, eji e kpꞌtooro nsol nyi etohko, tong ane bao ba kpi etohko ji Esowo.

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

1 Tesalonaika 2:10

Wahn ba li atianse enyahre, ano wo fvfo Esowo tob li ntianse enyahre, ana e jo lim eljini ni Esowo go egahne ellong, wahn ane ba ma taame tv Esowo, fere jol go etingitingi, egahme ajehng ajehng e belem.

1 Pita 3:21

Alahb mao ma kpꞌtibi ewohngalahb ji kp-n tahre. Ewohngalahb jia lohngem alahb awuumu yehke ndahn ndahn go ngubjing, lohngo ntir atahng nyi nno nyi ḿ bahke jo gboongo Esowo re wahn bel, tib go elnyahme ni Jisos Kraist nyahme no,

Hibru 13:18

Jo kaken ero tv-r! Tibre e kpꞌkahne re, ntim enyahre li saang, eji e kpꞌsebe re wahr lim ji kpꞌnobo ngare anyehng anyehng.

2 Korint 8:8

N nehme bung ana nne no kpꞌjehke ntahm. Eji m ma nyehn eko ji ane bako kpꞌkake, owo wahnge n kpꞌsebe re me n wuung-n, joare elkoro enahne li etingitingi elkoro.

2 Korint 4:2

Wahr ebyake nsol ndon nyi ane kpo lim mbehr mbehr. E kpehme lim awak, fere jo yaange alum Esowo. E kpo lennge etingitingi, fere jo tib nne awohng awohng elnahre, eji bo lꞌjo kahn go bo a ntir atahng re, e kpꞌjene go esamahr bi Esowo.

1 Korint 15:10

Nnoobo nyi Esowo nyi wahnge n li ana li li a. Nnoobo nyi á ka-m no, me á kaam mbol mbol. Ń lꞌfere nyehn, ga, me n lim eltum sehnge nne awohng awohng go ellong abatiingetib Jisos. Jol me sang na, nnoobo nyi Esowo nyi li a name nyi.

Eltum 24:16

N kpo nok mbang anyehng anyehng re, atahng ala enyame jol saang go esamahr bi Esowo, a bi ane.

Eltum 23:1

Pol kehm seenge ellong ane bao too, fere kehme elbungu re, “Abonanee, atahng ala enyame kpꞌbare saang go esamahr Esowo, bomo wuku wuku tete sik anv.”

1 Pita 3:16

Nong, atahng emahne jol saang, eji ane ba lꞌjo su-n, fere jo bung abꞌbi bada nnooba mbang nyi ń kpꞌtoono Kraist lꞌfere riki elbo ndon.

1 Timoti 1:5

Ejum ji wahnge n kak-a erehke jia, n kak-a, eji ntim ane nyi li saang, a ntir atahng ebo nyi nno a nno, a etingitingi eltaame ebo lꞌjo tib elkoro.

Filipai 1:10

nyi ḿ bahke ma jo liingi nsol nyi ga nob, eji ń lꞌjol saang, kꞌbel ebi ajehng ajehng efung bio bi Kraist,

Efesus 6:14

Anv, yiimen ana ane ba ma gbaange egbaange ji li etingitingi go ebun. Kaken ngbanggbang nyi nsoja kpo ko bam ngang, nyi li eno ji ḿ ma li go esamahr bi Esowo.

Galesa 6:4

Nong, nne awohng awohng jo wuungu eltum ene nyehn. Ano wo bahke wahnge á kehm bele ejum ji á bahke jo wor nnyo kunu. Bahke jolo eltum ni yefono antahng, nehm jol ni nne noko ma lim.

2 Korint 11:3

N kpꞌfahle re eltim bahk-n bvvrv, ń fere dulu, ń nehm kpe seenge Kraist wo wo, ana Iv ji nnyo nehm-e no go ege awak.

2 Korint 1:17

Anv, eji n jo tir ano, n li nnyaangannyo a nnea? Anv, n kpo toobo ntoobo enyame ana nne a njini no kpo taame, fere ten tvtva?

1 Korint 5:8

Nong, wahr kꞌko ebred jio ji kpi nkꞌkulu eyist nyio nyi eblum alimi, a abꞌbi, li elkak nio. Nong, wahr ko ebred ji ki kpi eyist, li elkak nio. Ebred jio ji li saang, ji li etingitingi.

1 Korint 4:4

Jol n nehme kahn ebi ejum ji m ma lꞌlim. Jia lohngem re, me n li eno. Tibre Ntul Esowo ntahngtahng wo bahk-m lame.

NWER NYI POL NYONO TV ANEB ERO BA LI GO ROM 9:1

N kpꞌbungu go etingitingi. N li ka Kraist, efahnge sang n kpꞌkimi. Ntir atahng enyame nyi Etingi Etohko wob no kp-m yiimi ntianse re,

Jems 4:6

Esowo kpꞌkake nnoobo gbalee budu. Owo wahnge á bungu re, “N kpo ten aneb elgeere, fere rod nnoobo enyame ka ane ba ma rede elbo.”

Taitus 2:7

Wofono antahng jol ano ona go ejum ajehng ajehng, eji ane lꞌleeme nnoobo nyi a kpꞌlimi. A lꞌkehm tibi, ka jo be esamahr ane. Jo tib go mbang nyi ane bahke lohko kahn re, etib eba li etahntahn etib.

1 Korint 1:17

Tibre Kraist me tumem re me m ba wohngo ane alahb. Á tum-m re me n song tiingi nnoobo etib. Limm re me m bung ana nne no kpo mal alum abungu go elkahne ni ane, tib eji nsahm nyi elkv ni Kraist kpo no go ekros lꞌkꞌgbod.

1 Korint 12:8

Etohko jꞌnehm ji kpo lim nne noko jo bung alum nya nne a ngbere, jꞌnehm ji kpo tob lim nne noko jo bung alum elkahne,