1 Korint 5:2 - Ekajuk New Testament

² Bahke limi renan, ń kehm gꞌgeere? Ji ga nob li re, wahn jo guunu. Yehken ye jio ji ma lim elkohn ejum ana jio go egahne ellong!

Ekajuk Scriptures NT

² Bahke limi renan, ń kehm gꞌgeere? Ji ga nob li re, wahn jo guunu. Yehken ye jio ji ma lim elkohn ejum ana jio go egahne ellong!

1 Korint 5:2 Referans Kwoze

2 Korint 12:21

N kpꞌfahle re, n lꞌkpe ba, Esowo ebame bahk-m rede go egahne esamahr, m bahke lingi egom ane gbalee ji limi abiafem wuku wuku, ji kala gbo ndon go asabsab nsol nya bo ma lim, a ebi elkpin, go enoongo ane.

1 Korint 5:13

Esowo bi kpo lam ane baka baka. Tibre nwer Esowo bungu re, “Kamen ebi nne yehke go egahne ellong!”

1 Korint 4:18

Egom ejahne jindiki ebkehme elgeere. Bo kpꞌtiri re, me n nehme kpe ba go egahne.

2 Korint 12:20

Tibre n kpꞌfahle re, n lꞌba, fundiki ń nehm jol ana kor-m no re wahn jol. Mefono antahng nehm jol ana kor-n no re me n jol. Fundiki m bahke ba kpir-n go ntaange, eteelala, erakatahng, elahmetong, afahnge akiimi lake ane, areyi alimi, elgeere, a nsol nyehko kpee nyi ki li nseenge.