1 Korint 3:23 - Ekajuk New Testament

²³ Wahn, Kraist wo kpi-n. Kraist, Esowo bi kpi-e.

Ekajuk Scriptures NT

²³ Wahn, Kraist wo kpi-n. Kraist, Esowo bi kpi-e.

1 Korint 3:23 Referans Kwoze

Galesa 3:29

Ń lꞌjol ka Kraist, ń tob li abon ba Ebraham, a abalehkelkv ana Esowo nyame no.

1 Korint 15:23

Nne awohng awohng bahke nyahme go ege a ngare. Kraist wo jolo ngbokambang. Ane bao ba li ka Kraist, bo bahke nyahme ngare nyi á lꞌba.

1 Korint 11:3

N kpꞌsebe re wahn kahn re, nne awohng awohng wob Kraist go elwo, nkal a nne wob nlum a nne go elwo. Kraist wob Esowo go elwo.

NWER NYI JON 17:18

Ana a tum-m no tv go njini nyia, ano wo fvfo m ma tob tum bo tv go njini.

2 Korint 10:7

Ń kpo kpur ane ana bo li ga njahm elatahk! Nne awohng awohng no lꞌbum elne re, ye li ka Kraist, nong, á tir antahng re, ana ye li ka Kraist, ano wo fvfo wahr tob li ka-e.

NWER NYI POL NYONO TV ANEB ERO BA LI GO ROM 14:8

Afi e li go elkpin, e li ka Ntul Esowo. Afi e kpo na, e kpo, ka ye. Afi e li go elkpin, afi e fere kpo na, e li ka Ntul Esowo.

NWER NYI JON 17:21

Nsoo, n kpꞌkake ero re bo jol ajehng, bo ane kpee, ana a wob-m go atahng, me n tob wob-a go atahng, eji bo kpe lꞌtob woom-r go atahng, eji lꞌtoono o, njini nyia tob taame re, wo wo tum-m no.

Galesa 5:24

Ane ba li ka Kraist Jisos, bobkum agubjing ebo go ekros, a nsol nyi kpo melle ane go eltim, go nsol nyi kpo sahb kꞌkor bo go ellimi.

1 Korint 8:6

Egahre, li Esowo na abehng abꞌbehng bi li Nso ejahre no limi nsol kpee, ye jio ji e li ka-e, go Ntul na awohng no li Jisos Kraist, ye jio ji wahnge nsol kpee kehm jolo, ye jꞌnehm ji kpꞌwahnge e kpꞌkpini.

1 Korint 7:22

Nne no Ntul Esowo lung-e no, no li nju, á li nne no ma for go ejang bi Ntul Esowo. Nne no ki jol nju ngare nyi Ntul Esowo lung-e no, ye nju nyi Kraist nyi.

Efesus 1:10

ngare lꞌbiingi, á bahke gohro lim ejum ajehng ajehng sehng goji Jisos Kraist. Owo á bahke koko nsol kpee nyi li go elbung, a nyi li go ndi, ba fadde edi ajehng go elwo ni Kraist.

Matiu 17:5

Eji Pita kpi mbungu mbungu, ekparesemsem ji jo ya, kehm tahle ba bulu bo. Owo bo kehm wuku ellum go ekparesemsem jio re, “A wo li akor-m mmon ewame no kpo kor-m sꞌsehng. Wuken ye!”

1 Korint 15:28

Eji nsol kpee bahke woomo Kraist go elwo, ano wo fvfo Kraist bahke tob woomo Esowo go elwo, bi yake nsol kpee kak-e go elwo, eji Esowo lꞌfili kpe kpe.