NWER NYI POL NYONO TV ANEB ERO BA LI GO ROM 6:14 - Ekajuk Scriptures NT

¹⁴ Tibre abiafem wahn nehm kpe jo fili, eji ń ki kpe wob go elwo ni atahm, ń fere wob go elwo ni nnoobo nyi Esowo.

Ekajuk New Testament

¹⁴ Tibre abiafem wahn nehm kpe jo fili, eji ń ki kpe wob go elwo ni atahm, ń fere wob go elwo ni nnoobo nyi Esowo.

NWER NYI POL NYONO TV ANEB ERO BA LI GO ROM 6:14 Referans Kwoze

Galesa 5:18

Etohko lꞌjol ntubesi ewahne, ń nehm kpe woomo go elwo ni atahm.

NWER NYI POL NYONO TV ANEB ERO BA LI GO ROM 8:2

Tibre ntahm nyi etohko jio ji kpo ka elkpin ni Kraist Jisos, nyi nyi ma-m lim, m ma for go ntahm nyio nyi abiafem, fere for go elkv.

Hibru 8:10

Jehova kehm kpe bung re, “Egbanngalung ji a, ji m bahke limi a abone Israel afung nyao lꞌsehng. M bahke kake atahm enyame go bo a ntir atahng, fere nyon go bo a ntim. M bahke jolo Esowo ebo, bo bahke jolo ane ebame.

NWER NYI POL NYONO TV ANEB ERO BA LI GO ROM 6:12

Fvfo, nong, abiafem kꞌjo fili agubjing enyahne nya bahke kpoko, eji ń lꞌkꞌjo toono abi nsol nya kpo melle ane go bo a ntim.

NWER NYI JON 8:36

Mmon no Esowo lꞌlim-n re wahn for, wahn eblohko for go etingitingi.

NWER NYI JON 1:17

Moses wo ka atahm. Nnoobo, a etingitingi, Jisos Kraist wo ko ba ka.

Galesa 3:23

Re eltaame kehm bake, e woomo go ngbekobo nyi atahm, nya gbaang-r no tete ngare biingi nyi Esowo lennge eltaame tib.

NWER NYI POL NYONO TV ANEB ERO BA LI GO ROM 8:12

Abonanee, e kpi mbong. Ngubjing sang e kpi-e mbong nyi bahke wahnge e jol ka-e.

Matiu 1:21

Á bahke jele mmon, no a bahk-e gungu mbing re Jisos (ji lohngo re ntꞌtahre). Tibre á bahke tahre ane ebe yehke go ebo abiafem.”

Taitus 2:14

ye ji yake elne ka tib go egahre esi, eji á lꞌfak-r yake go abꞌbi kpee, fere lim-r, e jol ane ba li saang ka-e, fere jo kak ekpuku go nnoobo alimi.

Galesa 4:21

Tong-m wahn ana atahm bungu no, wahn jio ji kpꞌsebe re wahn kpe woomo go elwo ni atahm! Ń nehme wuk ji atahm bungu noa?

NWER NYI POL NYONO TV ANEB ERO BA LI GO ROM 11:6

Lꞌfere jol re á yehke bo tib go ege a nnoobo, o lohngo re, go bo eltum sang. Tohko jol ano, nnoobo kpeem li nnoobo.

NWER NYI POL NYONO TV ANEB ERO BA LI GO ROM 4:16

Esowo nyame re, á bahke kake ane ba ma taame tv-e njini, eji lꞌjol ejum ayare ji nnoobo enye ka abon ba Ebraham kpee. Limm ka abon ba kpo bum atahm ba ba, tob li ka abon ba kpꞌtaame elkohn eltaame nio ni Ebraham. Tibre ye wo li nso ejahre, wahr ane kpee.

NWER NYI POL NYONO TV ANEB ERO BA LI GO ROM 6:15

Anv, jen ji e bahke limi? Wahr lim abiafema, tib eji e ki wob go elwo ni atahma, e wob go elwo ni nnoobo nyi Esowoa? Eꞌee! Nong, kꞌjol ano!

NWER NYI JON 1:14

Ellum nio ni ba siingi nne, fere lene tob-r. Wahr ebnyehn ellub ene, ellub nio ni Nde ka Mmon mmon awohng ewe, no ma gbal go nnoobo, a etingitingi.

NWER NYI POL NYONO TV ANEB ERO BA LI GO ROM 5:17

Elsoodo ni nne awohng ni wahnge elkv jo fili ane tib nne awohng noo. Wo anv, ane kpꞌbele nnoobo nyi Esowo nyi ma tv, a ayare enye nya á ka mbol mbol nya li eno alehke. Bo bahke tob bel elkpin, fere jol atul tib nne awohng noo no li Jisos Kraist.

NWER NYI POL NYONO TV ANEB ERO BA LI GO ROM 5:18

Ana elsoodo ni nne awohng wahng re ane kpee li ebi, ano wo fvfo nne awohng no limi ejum ajehng ji jolo go etingitingi ma tob wahnge re ane kpee li eno, fere bel elkpin.