Matiu 9:22 - Ekajuk Scriptures NT

²² Jisos kehm keebe, nyehn-e, kehm-e tongo re, “Mmon ewame, bob eltim! Eltaame ena ni ma-a lim, a ma nob.” Ngare nyꞌnehm ona nyi nnenkal noo kehm soro nob.

Ekajuk New Testament

²² Jisos kehm keebe, nyehn-e, kehm-e tongo re, “Mmon ewame, bob eltim! Eltaame ena ni ma-a lim, a ma nob.” Ngare nyꞌnehm ona nyi nnenkal noo kehm soro nob.

Matiu 9:22 Referans Kwoze

NWER NYI LUK 7:50

Owo Jisos kehm tongo nnenkal noo re, “Song go eyebatahng! Eltaame ena ni ma-a tahre.”

Matiu 15:28

Owo Jisos kehm-e faange re, “Nnenkal, eltaame ena kpꞌgbale gbalee. Nong, lohko jol ana a kpꞌsebe.” Ngare nyꞌnehm ona nyi mmon ewe noo no nkal nobo eyam bio.

Matiu 9:2

Ane bandiki kehm koko mbanne nyi noongo go edilnong ba a ne go ege. Eji Jisos nyehne eltaame ebo, á kehm tongo mbanne nyio re, “Mmon ewame, bob eltim! Abiafem enya, me n tahm ka-a.”

NWER NYI LUK 18:42

Owo Jisos kehm-e tongo re, “Fere jo nyehn anv! Eltaame ena ebwahng, wobnob.”

NWER NYI LUK 17:19

Owo á kehm-e tongo re, “Mehl, wo song, eltaame ena eblim, wobnob.”

NWER NYI LUK 8:48

Owo Jisos kehm bungu re, “Mmon ewame, eltaame ena ni ma-a lim, a ma nob. Song go eyebatahng!”

NWER NYI MAK 10:52

Jisos kehm-e tongo re, “Song, eltaame ena ni ma wahng ka, a ma nyehn.” Tvtv o á kehm soro nyehn, tahm toono Jisos mbang mbang asongo.

NWER NYI MAK 5:34

Jisos kehm tongo re, “Nnenkal, eltaame ena ebwahng ka wobnob. Song go eyebatahng! Woblohko nob eyam eba.”

Matiu 9:29

Jisos kehm kooro bo go amahr, kehm bungu re, “Nong, jol ana ḿ ma taame.”

Eltum 16:18

Alum nyaa á jo kono elbungu nkpel a nkpele. Pol, eltim kehm-e rake, á kehm keebe, kehm bungu tong ebi etohko jio re, “N kp-a tongo go mbing nyi Jisos Kraist re, wo lohng go ege a ngubjing!” Á kehm soro lohng ngare nyꞌnehm o.

NWER NYI JON 4:53

Nde mmon kehm soro buumu tvtv re, ngare nyio nyi Jisos tong-e re, “Mmon ewa bahke kpini.” Yefono antahng kehm taame tv-e, a ane ba lene go ege a nlaaga kpee.

Hibru 4:2

Tibre wahr ebwuk nnoobo etib, jang jang ana bo. Etib bi bo wuku no kaam bo nnoobo anyehng anyehng, tibre bo ji wuku no joom taame.

Eltum 14:9

Á ji, jo wuungu atung go alum Esowo nya Pol jo bung. Pol kꞌkahn re, nne noo ebtaame elkohn eltaame ni á bahke nobo. Owo á kehm-e soro seenge too,

Matiu 17:18

Jisos kehm nyame ebi etohko jio, ebi etohko jio kehm soro lohng mmon noo. Mmon noo lohko nob tvtv.

Matiu 8:13

Owo Jisos kehm tongo ntubesi a nsoja noo re, “Song kehnge! Ana a ma taame, ano wo bahke jolo ka-a.” Ngare nyꞌnehm ona nyi nlokeltum ewe nobo eyam ebe.