Matiu 6:9 - Ekajuk Scriptures NT

⁹ Ana wo nobo re wahn jo kak ero re, “Nso ejahre no li go ero, nong, mbing enya jol saang.

Ekajuk New Testament

⁹ Ana wo nobo re wahn jo kak ero re, “Nso ejahre no li go ero, nong, mbing enya jol saang.

Matiu 6:9 Referans Kwoze

Ellennge 4:11

“Esowo Ntul ewahre, fꞌfuumu re, wo bel ellub, fere bel ekpunu, a nsahm. Tibre wo li nne no limi nsol kpee. Ana kor-a no wo, a limi no re jol, fere kpin.”

NWER NYI POL NYONO TV ANEB ERO BA LI GO ROM 8:15

Ḿ belem etohko ji lim-n, ń jol aju, fere kpe jo kehme elfahle. Ḿ bele etohko ji lim-n, ń jol abon ba Esowo, fere jo rabe re, “Abba, Nsoo!”

Galesa 4:6

Tib eji e li abon ebe, owo wahnge Esowo kehm tumu etohko ji Mmon ewe tv-r, ba yel go egahra ntim, ji kpo rabe re, “Abba, Nsoo!”

Ellennge 5:12

Bo kehm kehme elbungu wahre wahre re, “Mmon a njoro no bo m-e wul, fuumu re á bel nsahm, fere gbo afang, bel elkahne, fere bel eko, bel ekpunu, fere bel ellub, a elfuulu.”

Matiu 7:11

Wahn ji li na abi ane, ń kpꞌkahne ana ń kpo ka abon ebahne nsol nyi nno, lꞌlim renan, Nso ejahne no li go ero lꞌki-n tob ka nsol nyi nno, ń lꞌbahb-e?

Matiu 26:29

N kp-n tongo re, N nehm kpe wo alahb avain maa tete efung bio rehng bi m bahke kpe wo a nahne go ejahbetul ji Nsoo.”

Matiu 23:9

Kana jo lung nne awohng awohng go njini nyia re Nso ejahne. Tibre nne awohng wo wo li Nso ejahne, ye jio ji li go ejahbetul.

Matiu 5:16

Nong, ellennge enahne ni ń kpi no jo ya go esamahr ane, eji bo lꞌnyehn nnoobo enyahne nyi ń kpo lim, fere jo tehk nso ejahne no li go ejahbetul.

NWER NYI LUK 15:18

M bahke tahme, song kpiri nsoo, fere tong-e re, Nsoo, me n lim abiafem bade Esowo, fere tob lim bada na.

1 Pita 1:17

Ń kpo lung Esowo re, Nsoo, ń lꞌkak ero ka-e, ye ji kpo lam nne awohng awohng, jang jang ana ji á limi no. Ano wo fvfo nobo re wahn jo jen go ege elfahle, eji ń kpeke li go njini nyia ana ajenne.

1 Timoti 6:16

ye ntahngtahng wo lꞌkꞌtiki kpo. Á lene go edi ellennge. Nnene limm, no bahke ma jen kohl-e. Nnene limm, no m-e nyꞌnyehn. Jol nnene limm, no bahk-e ma nyehn. Nong, ekpunu jol a ne, a nsahm nyi li go njinanjini. Emen.

NWER NYI LUK 15:21

“Owo mmon noo kehm-e tongo re, ‘Nsoo, me n lim abiafem bade Esowo, fere lim bada na. N kpeem fuumu re bo jo lung-m re mmon ewa.’

NWER NYI LUK 2:14

“Ellub jol a Esowo go ero. Elkoono jol a ane go njini, ba Esowo li a bo yebe yebe.”

Matiu 6:14

“Ń lꞌtahm ka ane go bo abꞌbi nya bo lim-n no, Nso ejahne no li go ero bahke tob tahm ka-n go egahne abꞌbi.

Matiu 6:6

A lꞌkehm kake ero, yel go ega nkimi. Eji a ma bam mbu tv elna, wo kehm kake ero ka Nso no ane lꞌki-e ma nyehn. Nsoo no kpo nyehn nsol nyi ki li gbul gbul gbuul bahk-a tuuru.

Matiu 5:48

Jolen saang, wahn kꞌbel elem ajehng ajehng, ana Nso ejahne no li go ero li saang.

Galesa 1:1

Me Pol wo ji li ntiingetib no nne ki-m tum. Jisos Kraist, a Esowo Nsoo bi nyahm-e go elkv, bo ba tum-m. Bo sehngem goji nne.

NWER NYI JON 20:17

Jisos kehm-e tongo re, “Ka ma lak abo, eji n kala tahm go ero goji Nsoo. Song goji abonanee, wo song tong bo re, n kpꞌtahme go ero goji Nsoo, no tob li Nso ejahne. N fi goji Esowo ebame, bi tob li Esowo ebahne.”

Matiu 26:42

Á kehm kpe feere, song kak ero re, “Nsoo, lꞌfere jol nyi m bahke woko go nkob nyia, a tohko fere fak-m nkob nyia go elbohngo, nong, mbang enya lim!”

NWER NYI POL NYONO TV ANEB ERO BA LI GO ROM 1:7

N kpꞌnyono tv wahn ane kpee, ba kpo kor Esowo, wahn ji li go Rom. Á ma-n lung re wahn jol ane babe. Nong, Esowo Nso ejahre, a Ntul a Jisos Kraist ka-n nnoobo, a elkoono.

Matiu 10:29

Nne li ma gunu nruk ebal go are, ka mpene. Abehng abehng limm, bi bahke gboko go ndi, sehngem re no, Nso ejahne taame na.