Matiu 24:22 - Ekajuk Scriptures NT

²² “Tohko jol re Esowo tele afung nyao kahbe, nnene nehm jol no bahke bele eltahre. Tib go esi ji ane ba Esowo ma yehke, owo wahnge Esowo bahke tele afung nyao kahbe.

Ekajuk New Testament

²² “Tohko jol re Esowo tele afung nyao kahbe, nnene nehm jol no bahke bele eltahre. Tib go esi ji ane ba Esowo ma yehke, owo wahnge Esowo bahke tele afung nyao kahbe.

Matiu 24:22 Referans Kwoze

NWER NYI MAK 13:20

“Tohko jol re Jehova tele afung nyao kahbe, nne awohng awohng nehm jol no bahke bele eltahre. Tib go esi ane ba Esowo ma yehke, ji ji bahke wahnge Esowo tele afung nyao kahbe.

2 Timoti 2:10

Esi ji ane ba Esowo ma yehke ji wahnge n kpꞌkpuumu ejum ajehng ajehng, eji bo lꞌtob bel eltahre ni li go abo nya Kraist Jisos, ni kpo jen a ellub ni li go njinanjini.

Matiu 24:31

Owo enjel bahke woro ntang wahre wahre. Á bahke tumu babenjel tv ejang njini abehng abehng, a ejang elbung abehng abehng, eji bo lꞌsong ko ane ba á jake bo, ba a bo edi ajehng.

Matiu 24:24

Akimfahnge ane bahke lohngo ba, jo ba bung re, Bo ba li Mesaya. Egom jindiki bahke jo bung re, Bo ba li abanyehnamahr Esowo. Bo bahke kehme nliingi tib, fere jo lim akpokosi, eji limi limi kan, bo lꞌnehm aneb Esowo, ba Esowo ma jak.

NWER NYI POL NYONO TV ANEB ERO BA LI GO ROM 9:11

Ngare nyio á ka jel abon bao. Jol ejumjum bo ka lim ji kpꞌsabe, a ji kpꞌnobo. Esowo tongo Rebekka re, “Ngbokambang a mmon bahke jo loko nkalla,” eji ntoobo nyi Esowo lꞌyiimi, ye ji kpo lung ane ba á ma yehke bo. Esowo kpehme yehke ane tib go eltum ni bo kpꞌlimi.

Matiu 22:14

“Tibre ane gbalee ba bo tiingi no. Abon amohk ane abik abik ba bo ma jak.”

NWER NYI LUK 18:7

Anv, Esowo nehm tob lam elam ji nno ka ane ba á yehke no, ba kpo gboong-e atv a njula? Anv, á bahke tohko laange, kehm kake bo eboa?

1 Pita 1:1

Me Pita ji li ntiingetib a Jisos Kraist, me wo kpꞌnyono nwer nyia tv ane ba Esowo ma yehke bo, ba ma yaame, song jol ajahmjahm go ajahbe nya bo kpo lung re Pontus, Galesa, Kapadosa, Esia, a Bitinia.