Matiu 14:33 - Ekajuk Scriptures NT

³³ Ane ba woomo go egbang kehm ba jamm-e alahng, kehm bungu re, “Etingitingi, wo Mmon Esowo wo.”

Ekajuk New Testament

³³ Ane ba woomo go egbang kehm ba jamm-e alahng, kehm bungu re, “Etingitingi, wo Mmon Esowo wo.”

Matiu 14:33 Referans Kwoze

NWER NYI JON 11:27

Á kehm-e faange re, “Ee Ntul, me n taame re, wo wo li Kraist ji Mmon no Esowo no bo tong-r re, á kpꞌbake go njini.”

NWER NYI JON 1:49

Natanael kehm bungu re, “Rabbi, a lohko li Mmon no Esowo. Wo wo li Ntul no Israel!”

NWER NYI POL NYONO TV ANEB ERO BA LI GO ROM 1:4

Go eyaame ji Etingi Etohko ji li eje eje, á jolo Mmon no Esowo, Jisos Kraist Ntul ewahre. Esowo tibi jia go ege egburu nsahm, eji á nyahm-e go elkv,

NWER NYI MAK 1:1

Mbomannahb a nnoobo etib bi Jisos Kraist Mmon Esowo bi a.

NWER NYI JON 6:69

Wahr ebtaame, fere kahn re, wo wo li Mbarebara nne no Esowo.”

Matiu 16:16

Saimon Pita kehm faange re, “Wo wo li Mesaya ji Mmon no Esowo bi li go elkpin.”

NWER NYI JON 17:1

Eji Jisos ma bung alum nyao kpee mal, á kehm kpiidi amahr enye go ero, kehm kehme ero kak re, “Nsoo, ngare ebbiingi. Ka mmon ewa ellub, eji mmon ewa lꞌtob ka-a ellub.

NWER NYI LUK 4:41

Abi atohko tob lohngo ane gbalee, jo biingi tiim, fere jo bung re, “Wo wo li Mmon no Esowo!” Jisos jo nyame bo. Á joom taame re bo bung. Tibre bo jo kahne kpee re á li Mesaya.

NWER NYI MAK 15:39

Eji ntubesi a nsoja no yiimi ona wane go ekros nyehne ana Jisos kpo no, á kehm bungu re, “Nne noa ana lohko jol Mmon Esowo!”

Matiu 28:17

Eji bo nyehn-e no, bo kehm gboko, jamm-e alahng, fere kak-e. Egom jindiki jo fꞌfaabe.

Matiu 28:9

Eji bo fi no re bo song tong abatꞌtoono ebe, owo Jisos kehm ba wane bo, kehm bungu re, “N kp-n kake nnyo.” Bo kehm jeere kohl-e, jamm-e alahng, jabb-e akpade, fere kak-e.

Matiu 26:63

Jisos belle na eje. Ntubesi abalimajom kehm-e kpe tong re, “N kpa rehke go esamahr Esowo bi li go elkpin re wo tong-r joare wo Mesaya wo, ji li Mmon no Esowo.”

NWER NYI JON 19:7

Jus kehm-e faange re, “E kpi ntahm, tib go ntahm nyio ona fuumu re á kpo. Tibre yebrod elne bum re, ye Mmon Esowo wo.”

NWER NYI LUK 24:52

Bo kehm feere go Jeusalem, a egburu eyebatahng.

Matiu 27:54

Eji ntubesi a nsoja, a nsoja nyehko nyi jo tob baabe Jisos a ne nyehne ana ndi ma gbehke, fere nyehn nsol nyehko nyi kpe lim budu, bo kehm kehme elfahle, fere kehme elbungu re, “Etingitingi, nne noa lohko jol Mmon no Esowo!”

Matiu 15:25

Owo nnenkal noo kehm ba gbo go ege alata, kehm bungu re, “Nsoo, kak-m ebo!”

Matiu 4:3

Nnehm kehm bake, ba tong-e re, “A lꞌjol Mmon Esowo, tong atal nyaa siingi abred.”

Eltum 8:36

Eji bo jo sehng asongo, bo kehm song rehng go ebgba abehng. Nne noo kehm soro bung re, “Nyehn ebgba ana! Jen ji bahke wahnge n kꞌbel ewohngalahb!”

NWER NYI LUK 8:28

Á nyehne kan Jisos a, á kehm rabe, gbo-e go alata, fere jo bung wahre wahre re, “E li nfem anyi awahr a na, Jisos ji Mmon Esowo bi gbale sehng? N kp-a gboongo re, wo ki-m kak erem.”

NWER NYI MAK 14:61

Jisos belle na belle, jol á faangem ellum anehng anehng. Ntubesi abalimajom noo kehm-e kpe bahb re, “Wo wo li Mesaya, Mmon no Esowo bi gbale sehnga?”

Matiu 27:43

Á kpo bum Esowo go etingitingi, nong, Esowo tahr-e me, á lꞌkor-e. Tibre á kpo bung re, ye Mmon Esowo wo.”

Matiu 17:5

Eji Pita kpi mbungu mbungu, ekparesemsem ji jo ya, kehm tahle ba bulu bo. Owo bo kehm wuku ellum go ekparesemsem jio re, “A wo li akor-m mmon ewame no kpo kor-m sꞌsehng. Wuken ye!”

Matiu 2:11

Bo kehm yele ekpꞌkpa, song nyehn mmon, a Meri nnyehn, gbo jamme alahng, kak mmon. Bo kehm soro lennge abam ebo, yehke agul, frankinsens, a mmir, yare mmon.

Matiu 14:32

Eji bo feere song yel go egbang, nfeb nyio kehm soro naange.