Matiu 14:25 - Ekajuk Scriptures NT

²⁵ Nkpese efungfu wo, Jisos jene ero alahb, song kpiri bo.

Ekajuk New Testament

²⁵ Nkpese efungfu wo, Jisos jene ero alahb, song kpiri bo.

Matiu 14:25 Referans Kwoze

NWER NYI JON 6:19

Bo fingi kan ejum mmal era, fundiki mmal eni, bo kehm soro nyehn Jisos kpꞌjene go ero alahb, jo kabbe go bo egbang. Bo kehm kehme elfahle.

NWER NYI MAK 6:48

Jisos kehm nyehne re, abatꞌtoono ebe ebbel nfem go egbang, nyi jo lim bo re, bo kꞌma kpe fing egbang. Tibre nfeb jo gbulu bo, feere njahm njahm. Eji ma rehng ejum nkaranka eni nyi efungfu, Jisos kehm kehme eljene go ero alahb asongo goji bo. Á jo jene, are á yahke sehng bo.

Matiu 24:43

Ji fuumu re wahn kahn, li re, nfontahk kꞌkahn ngare nyi nwajv bahke bake atv, kehn á jol baabe, á jolem taame re, bo ba lahm etahk eje ye.

NWER NYI LUK 12:38

Á li ma ba nlum atv. Á li ma ba nkpese efungfu. “Elfuulu li ka alokeltum bao ba, á lꞌba nyehn bo, bo ma toobo ebjing.

Ellennge 10:5

Enjel nyio nyi n nyehn-e no, nyi kunu ekpade jehko go alahb, fere bum ekpade jehko go egbuk, kehm tabe eboblum ebe ton go elbung,

Ellennge 10:2

Á fili mmonwer go ebo, no bo ma lennge. Á rodo ekpade eboblum eje kunu go agburu aya, ekpade ebobkal, á bum go egbuk.

Ellennge 10:8

Ellum ni n wuku go ejahbetul Esowo ni jo bung a name, kehm kpe bung a name re, “Song, wo song ko nwer nyio nyi ma lennge, nyi enjel fili go ebo, ye ji yim, kunu ekpade jehko go alahb, fere bum ekpade jehko go egbuk.”

NWER NYI MAK 13:35

Kunen ekpu, tibre ń nehme kahn ngare nyi nfontahk bahke kehnge. Á li ma ba elgung, á li ma ba nlum atv, á li ma ba ngare nyi ekok kpꞌkuku. Á li ma ba efungfu.