Kolosa 2:3 - Ekajuk Scriptures NT

³ Goji Kraist wo Esowo behre afang nya elkahne ene kpee, ni á kpꞌkahne.

Ekajuk New Testament

³ Goji Kraist wo Esowo behre afang nya elkahne ene kpee, ni á kpꞌkahne.

Kolosa 2:3 Referans Kwoze

1 Korint 1:24

Go ejang ane bao ba Esowo ma yehke bo, bo li ma jol Jus, bo li ma jol ane baka baka, etib bia ana, Kraist wo, ji li nsahm nyi Esowo, a elkahne.

1 Korint 1:30

Ye wo ka-n Jisos Kraist, eji ń lꞌjol go elkpin nꞌne. Kraist wo, Esowo m-e ko, lim-r e ma jol akahnkahn, fere li eno go ege esamahr, fere jol ejahre ejahre. Ye wo ma-r fak yake.

NWER NYI POL NYONO TV ANEB ERO BA LI GO ROM 11:33

Afang nya Esowo, elkahne ene, a elgbere ene ebsehnge eso. Nne awo bahke ma ko Esowo elfono? Nne awo bahke ma kahn mbang nyi Esowo kpo lim nsol enye?

Kolosa 1:9

Bomo go efung bi e wuku bada nsol nyio, e ka tiki rahke ero akake ka-n, fere jo gboongo Esowo, eji ń lꞌgbal go elkahne ni Etingi Etohko kpo ka, fere tob jol anebe ngbere, fere kahn mbang enye.

Efesus 1:8

nyi á ma gare ka-r, ma rur wꞌwohng, nyi li elkahne, a ngbere,

Matiu 10:26

“Kana jo fahl ane! Ejum ajehng ajehng limm, ji bo bulu no, ji Esowo lꞌkꞌlennge. Ejum ajehng ajehng limm, ji bo behre no, ji ane lꞌkꞌkahn.

Kolosa 3:16

Nong, alum nya Kraist jol a nahne go egahne ellong gbꞌgbal. Jo tiben, wahn fere jo rehke atemtem go elkahne ni Esowo kpee, eji ń kpo yim ase Saams, fere yim ase ero, fere yim ase nyako nya etohko. Jo yimen go egahne atahng ka Esowo, a saam akake.

Ellennge 2:17

“Nne no lꞌbel atung, nong, á wuk ji Etingi Etohko kpꞌbungu tong aneb ero. “Nne no lꞌga anebekv ebe, m bahk-e kake mmanna nyi li go mbiiri, á li. M bahk-e tob ka mbarebare eltal ni bo nyono mbing a nfenfe, nyi nne awohng awohng kil elkahne, sehngem nne no bahke koko eltal nio, ye wo bahke kahne.

Kolosa 3:3

Tibre wahn ebkpo. Bobbehr elkpin enahne goji Kraist ji li goji Esowo.

Kolosa 1:19

Tibre jo yebe Esowo atahng sehng re, á rod ellub ene kpee, ba woomo Kraist go atahng.

NWER NYI LUK 11:49

“Owo wahnge Elkahne ni Esowo bungu re, ‘M bahke tumu abanyehnamahr, fere tum abatiingetib tv bo. Bandiki, bo bahke wulu bo. Bandiki, bo bahke nohko bo,’

Kolosa 1:28

Ye wo, e kpo bung bada ne, fere jo rehke nne awohng awohng, fere jo tib-e ajoobo nsol nya elkahne, eji e lꞌko nne awohng awohng ba ka Esowo ana nne no ma gbal go ejang bi Kraist.

2 Pita 1:5

Esi jꞌnehm ana ji, nobo re wahn jo nok mbang anyehng anyehng, jo ko nnoobo budu go egahne eltaame, fere ko elkahne budu go egahna nnoobo,