Hibru 5:8 - Ekajuk Scriptures NT

⁸ Jol eji á jolo jol Mmon no Esowo, á jo kpili ana á bahke jo wuk Nde tib go erem bi á jo nyehn.

Ekajuk New Testament

⁸ Jol eji á jolo jol Mmon no Esowo, á jo kpili ana á bahke jo wuk Nde tib go erem bi á jo nyehn.

Hibru 5:8 Referans Kwoze

Filipai 2:8

Eji á jolo nne, á kpe rede elne, fere jo wuk nde tete rehng go elkv, esabsab elkv ni á kpo go ekros.

NWER NYI JON 4:34

Jisos kehm faange bo re, “Nsol alehke enyame li re, me n lim mbang nyi nne no tum-m no, fere gohro mal eltum ene.

NWER NYI JON 15:10

Ń lꞌbum atahm enyame, ḿ bahke jolo go egame elkoro, jang jang ana m ma bum atahm nya Nsoo, fere jol go ege elkoro.

NWER NYI JON 6:38

Tibre n lohngo go ejahbetul Esowo ba re me m ba lim mbang nyi Nsoo no tum-m no. Mbang nyꞌnyame sang m ba ellimi.

Hibru 3:6

Wo, Kraist bele ekakesehk go eltum ni á limi go ege etahk, ye ji jolo mmon. Etahk eje jio, wahr ba, e lꞌyiimi tꞌtahne go esahb, a elgeere ni e kpꞌgeere kak nsol nyi e kpꞌkunu ekpu tete rehng go esꞌkohro.

Hibru 1:8

fere bung bada Mmon ewe re, “Eti etul eja, o Esowo, li go njinanjini. Á kpo fili ejahbetul eja go etingitingi.

Hibru 1:5

Esowo ka tong a tong enjel anyehng anyehng re, “Wo mmon ewame wo, lela wo, m ma jol Nso.” Jol á ka tong a tong enjel anyehng anyehng re, “M bahke jolo Nso, a bahke jolo mmon ewame.”

Matiu 3:15

Owo Jisos kehm-e faange re, “Nong jol ano! Tibre fuumu re wahr lim nsol kpee nyi Esowo sebe re wahr lim.” Jon kehm taame.

Hibru 1:2

Esꞌkohro ngare nyia á bungu a nahre sehng goji Mmon ewe, ye ji á yehk-e no re á bahke lehke elkv nsol kpee. Ye wo á ko-e no lim njini.

NWER NYI JON 10:18

“Nnene limm, no bahke ma taare elkpin ename, sehngem re no, n ka na antahng. N kpi nsahm nyi m bahke yake elkpin ename ka, fere bel nsahm nyi m bahke fere ko elkpin ename. Tibre ano wo Nsoo tong-m re me n lim.”