Hibru 4:13 - Ekajuk Scriptures NT

¹³ Ejumjum limm ji li go mbiiri, ji á kil elnyehne. Nsol kpee li gbuul go ege esamahr. Ye wo li nne no bahk-r bahbe.

Ekajuk New Testament

¹³ Ejumjum limm ji li go mbiiri, ji á kil elnyehne. Nsol kpee li gbuul go ege esamahr. Ye wo li nne no bahk-r bahbe.

Hibru 4:13 Referans Kwoze

1 Korint 4:5

Owo wahng ka nobo re wahn kꞌjo lam nne awohng awohng, ngare nyio kehm rehnge, nyi Ntul ewahre bahke bake. Nsol nyi li mbehr mbehr go ejannge, á bahke lohngo a nyi go edi ji li gbuul. Nsol nyi wob go ntim ane, á bahke lennge, nne awohng awohng nyehn. Owo Esowo bahke kehm tehke nne awohng awohng ana fuumu re á tehk-e.

NWER NYI POL NYONO TV ANEB ERO BA LI GO ROM 2:16

Ano wo bahke jolo go efung bi Esowo bahke lame nsol nyi wob ane go atahng sehng goji Jisos Kraist. Ejum jia ji n kpo kono eltiingi go egama nnoobo etib.

Ellennge 2:23

M bahke wulu abon ebe. Ano wo bahke wahnge aneb ero kpee kahn re, me wo li nne no kpo rab atahng ma nne. M bahk-n tuuru go nne awohng awohng jang jang ana ń limi no.

NWER NYI JON 21:17

Jisos kehm-e kpe bahb go nkpel era re, “Saimon ji mmon a Jon, anv, n kp-a kora?” Pita atahng kehm-e moongo, tib eji Jisos bahb-e nkpel era re, “N kp-a kora?” Á kehm faange re, “Ntul, a kpꞌkahne ejum ajehng ajehng. A kpꞌkahne re, a kp-m koro.” Jisos kehm-e tongo re, “Le ejoro ebame!

NWER NYI JON 2:24

Á joom bum bo go etingitingi, tibre á jo kahne bo kpee, ana bo li no.

Eltum 17:31

Tibre yebkunu afung nya á bahke njini nyia kpee lam nob nob go nnyo mi nne no á ma yehke. Esowo eblennge jia ka nne awohng awohng, eji á nyahme nne noo go elkv.”

Matiu 6:4

eji nnoobo enya nyi a kpꞌlimi lꞌkꞌjo jol gbul gbul gbuul. Nso no kpo nyehn nsol nyi ki li gbul gbul gbuul bahk-a tuuru.

NWER NYI JON 4:16

Jisos kehm-e tongo re, “Song, wo song lung nlum ewa, wahn ba!”