Galesa 6:9 - Ekajuk Scriptures NT

⁹ Nong, wahr kꞌlahng go nnoobo alimi. Tibre ngare lꞌbiingi, e bahke kpake, e tohko yini ekpu.

Ekajuk New Testament

⁹ Nong, wahr kꞌlahng go nnoobo alimi. Tibre ngare lꞌbiingi, e bahke kpake, e tohko yini ekpu.

Galesa 6:9 Referans Kwoze

1 Korint 15:58

Owo abonanee, nobo re wahn jo yiimi tꞌtahne, eji nne lꞌki-n ma nyeenge go mbang anyehng anyehng. Yelen kꞌkahb go eltum Esowo, wahn jo lim, eji ń kpꞌkahne re, eltum ni ń kpꞌlimi ka Ntul ewahre, ń nehme lim mbol mbol.

2 Tesalonaika 3:13

Abonanee, nong, nnoobo alimi ki-n kpen.

Hibru 12:3

Jo buumen ye ji ma kpuumu erem bi aneb abiafem jo ko-e ekv, eji lꞌki-n jo kpen, ń fere jo yini ekpu.

1 Pita 2:15

Jo limen agboolo ane ba kil elkahne ejumjum, bo jo belle tib go egahna nnoobo nyi ń kpo lim. Tibre ana wo kpo kor Esowo.

Jems 5:7

Abonanee, owo fvfo nobo re, wahn kpooro tete Ntul a Jisos ba. Nyehnen ana mbahmgbe kpo kpooro, jo sik anoobo nsol nya á bahke kpake go ege egbe. Nya nya wahnge á kpo kpooro sik ngbokambang elahb tete elahb kimi, á song kpa.

1 Pita 3:17

Lꞌfere kor Esowo re nne nyehn erem, ga nob re á nyehn erem, eji á kpi nnoobo lim, sehnge re á nyehn erem, eji á limi ebi.

Ellennge 2:3

Wobnyehn erem go egame esi, fere kpuumu. Eltum wa tikem kpen.

1 Pita 4:19

Owo fvfo nobo re ane ba kpꞌnyehne erem ana koro Esowo re bo nyehn, bo soro na asi, jo lim nnoobo, fere rod atohko ebo, kak Esowo go ebo, bi limi nsol kpee, ye jio ji kpi ekakesehk.

NWER NYI LUK 18:1

Jisos kehm tubu bo elgan, eji á lꞌtib bo ana bo bahke jo kak ero ngare anyehng anyehng, kꞌjo yini ekpu.

Matiu 10:22

Nne awohng awohng bahke jo ko-n ekv tib go egama mbing. Nne no lꞌkpuumu tete rehng go esꞌkohro, ye wo bahke bele eltahre.

Matiu 24:13

Nne no lꞌyiimi tꞌtahne go mbang nyi Esowo tete rehng go esꞌkohro, ye wo bahke bele eltahre.

Ellennge 2:7

“Nne no lꞌbel atung, nong, á wuk ji Etingi Etohko kpꞌbungu tong aneb ero. Nne no lꞌga anebekv ebe, m bahk-e kake eti jio ji elkpin, á li, ji li go etahngga ji Esowo.

NWER NYI POL NYONO TV ANEB ERO BA LI GO ROM 2:7

Ane bandiki ba kpi ekakesehk go nnoobo alimi, fere jo seb ellub ni Esowo, a ekpunu, a elkpin ni ki kpi esꞌkohlo, bo ba Esowo bahke tuuru bo, ka elkpin ni li go njinanjini.

Ellennge 2:17

“Nne no lꞌbel atung, nong, á wuk ji Etingi Etohko kpꞌbungu tong aneb ero. “Nne no lꞌga anebekv ebe, m bahk-e kake mmanna nyi li go mbiiri, á li. M bahk-e tob ka mbarebare eltal ni bo nyono mbing a nfenfe, nyi nne awohng awohng kil elkahne, sehngem nne no bahke koko eltal nio, ye wo bahke kahne.

Hibru 3:6

Wo, Kraist bele ekakesehk go eltum ni á limi go ege etahk, ye ji jolo mmon. Etahk eje jio, wahr ba, e lꞌyiimi tꞌtahne go esahb, a elgeere ni e kpꞌgeere kak nsol nyi e kpꞌkunu ekpu tete rehng go esꞌkohro.

Hibru 3:14

Wahr ebjol ane ba kpꞌkodo eljen a Kraist, e lꞌjabb-e tꞌtahne, fere bum-e go etingitingi tete rehng go esꞌkohro, ana e bomo go mbomo,

Efesus 3:13

Owo wahnge n kp-n gboongo re, ntim ki-n woono tib go erem bi n kpꞌnyehne go egahne esi, bi li ellub enahne.

Hibru 12:5

Anv, wahn ebyini erehke ji Esowo kak-n no, eji ń li abon ebea? Á bungu re, “Mmon ewame, ka jo daange erem bi Esowo lꞌkak-a. Nong, eko ki-a jo tan, Esowo lꞌnyam-a.

Matiu 9:19

Jisos kehm tahme toon-e, a abatꞌtoono ebe fvfo.

Matiu 25:17

Ano wo nne no ko ekpa ebbal tob li nsehng ekpa ebbal fvfo.

NWER NYI MAK 3:3

Jisos kehm bungu tong nne no ebo ebe ma lohng re, “Mehl, wo jeere ba!”