Galesa 3:21 - Ekajuk Scriptures NT

²¹ Anv, atahm kpehme koono a enyam bi Esowoa? Eꞌee. Li re Esowo ka atahm nya bahke ma ka ane elkpin, kehn ane bahke lehke eno tib go atahm abumu.

Ekajuk New Testament

²¹ Anv, atahm kpehme koono a enyam bi Esowoa? Eꞌee. Li re Esowo ka atahm nya bahke ma ka ane elkpin, kehn ane bahke lehke eno tib go atahm abumu.

Galesa 3:21 Referans Kwoze

Galesa 2:21

N kpehme ten nnoobo nyi Esowo. Lꞌjol re nne kpo li eno go esamahr bi Esowo tib go atahm abumu, lohngo re, elkv ni Kraist kpo no, á kpo mbol mbol.

NWER NYI POL NYONO TV ANEB ERO BA LI GO ROM 9:31

Wo, abon Israel ba Esowo yehke bo, bo jo noko re bo li eno ji ane ba kpo bum atahm kpo li. Jol bo liim.

Galesa 2:19

Wahr ebmal a atahm. Tibre atahm nya wahnge n kpo no, eji n lꞌkpin ka Esowo.

Galesa 2:17

E lꞌgare re wahr li eno go esamahr bi Esowo, tib eji e ma taame tv Kraist, bo fere jo tong-r re, wahr aneb abiafem ba, anv, jia lohngo re Kraist nlokeltum no abiafem woa? Eꞌee, ano á limm!

NWER NYI POL NYONO TV ANEB ERO BA LI GO ROM 3:31

Anv, wahr ebrange na atahm nya Moses tib go eltaame niaa? Eꞌee! E kpꞌyiimi atahm njahm.

NWER NYI POL NYONO TV ANEB ERO BA LI GO ROM 3:4

Eꞌee, ano sang, Esowo li go etingitingi. Ane kpee ba kpo soodo. Ana nwer Esowo bungu re, “O Esowo, alum nya a kpo bung, ane bahke nyehne re, lohko li go etingitingi. Bo lꞌkak-a elam, a bahke lehke eno.”

NWER NYI POL NYONO TV ANEB ERO BA LI GO ROM 3:6

Eꞌee. Li re li ano, kehn Esowo bahke ma lam njini renan?

Hibru 11:7

Eltaame ni wahnge Noa wuku erehke ji Esowo kak-e bada nsol nyi kpꞌbake, nyi á ki nyehn go amahr. Eji Noa ma wuk erehke jio, á kehm kehme elfahle. Owo wahnge á kono egbang bi bahke tahre ane ebe. Eji á ma lim ano, á ka njini ebi, ye li eno ji Esowo, ji nne bahke lehke, á lꞌtaame.

NWER NYI LUK 20:16

Á bahke bake ba wul abayaame etahngga bao, fere faake etahngga jio ka ane bandiki.” Eji ane bao wuku ano, bo kehm bungu re, “Esowo kꞌtaame!”

Galesa 6:14

Me n nehme seb re me n wor nnyo kunu ejum ajehng ajehng, sehngem ekros ji Jisos Kraist Ntul ewahre ji m bahke jo wor nnyo kunu, ji ji wahnge njini li-m ana ekpakv ejum, me n li ana nne no ma kpo, yaame a njini.

Hibru 7:18

Akꞌkulu atahm bobgbake bum go nkpe, tibre nsahm kpimm, ejumjum lohngem.

Hibru 7:19

Atahm nya Moses maam lim ejum ajehng ajehng jol go nseenga nseenge. Anv, wahr ebbel ekunukpu ji ga nob, ji kpo wahng e jeere kohlo Esowo.