Ellennge 7:16 - Ekajuk Scriptures NT

¹⁶ “Njal anyehng anyehng nehm kpe jo yam bo, jol alahb nehm kpe jo kor bo. Njul nehm kpe jo fub bo. Ewannge nehm kpe jo lim bo.

Ekajuk New Testament

¹⁶ “Njal anyehng anyehng nehm kpe jo yam bo, jol alahb nehm kpe jo kor bo. Njul nehm kpe jo fub bo. Ewannge nehm kpe jo lim bo.

Ellennge 7:16 Referans Kwoze

NWER NYI JON 4:14

Nne awohng awohng no lꞌwo alahb mao ma m bahk-e kake, ekor bahk-e tane. Alahb mao ma m bahk-e kake, bahke jo tub mbꞌbehl go ege atahng, fere gbo ebgba bi bahke jo fab, rehng go elkpin ni li go njinanjini.”

Ellennge 21:4

Á bahke fulu bo abonngo kpee go bo amahr. Elkv nehm kpe jol ejolojolo. Ndon anyehng anyehng nehm kpe jol. Aling nehm kpe jol. Ayam nehm kpe jol. Tibre nsol nyi tohko jol ebtan.”

Matiu 5:6

“Elfuulu li ka ane ba kpꞌsahb sꞌseb re bo li eno go esamahr bi Esowo. Tibre bo bahke lehke eno.

NWER NYI LUK 6:21

“Elfuulu li ka wahn ji njal kp-n yame anv, tibre ḿ bahke wohngo.” “Elfuulu li ka wahn ji kpꞌlingi anv, tibre ḿ bahke wolo asol.

NWER NYI LUK 1:53

Ane ba njal ma yam bo, á kpo ka bo anoobo nsol, bo li wohngo, fere yake afang ane, bo song abo abo.

Matiu 13:6

Njul nyaare kan a me, akohdo nti nyao wuudu, fere kpo. Tibre alohk jolem.

Jems 1:11

Njul kpo ya, fere jo fꞌfub, fere fi ajele. Afem enye kum, ano enye mal. Mbang nyꞌnehm nyi efange nne bahke daade ngare nyi á kpꞌlimi nsol enye.

NWER NYI MAK 4:17

Nehm yel rahbe go bo a ntim, lim alohk. Jol nehm tohko kꞌkang, erem lꞌba, a ntong go alum Esowo nya bo wuku no, bo soro gbo tvtv.

NWER NYI MAK 4:6

Njul nyaare kan a me, akohdo nti nyao wuudu, fere kpo. Tibre alohk jolem.

Matiu 13:21

Eji bo ki kpi alohk, bo kpehme kang. Erem lꞌba, a ntong tib go alum Esowo nya bo wuku no, bo soro gbo tvtv.