Ellennge 7:11 - Ekajuk Scriptures NT

¹¹ Eti etul jio, a anebkul bao, a enyam bio na eni, babenjel yiimi sennge bo kpee kak. Bo kehm gboko kohk asamahr ebo go ndi go mbuksong eti etul jio, kak Esowo,

Ekajuk New Testament

¹¹ Eti etul jio, a anebkul bao, a enyam bio na eni, babenjel yiimi sennge bo kpee kak. Bo kehm gboko kohk asamahr ebo go ndi go mbuksong eti etul jio, kak Esowo,

Ellennge 7:11 Referans Kwoze

Ellennge 4:10

eltahl anebkul ani bao kpo kono elgboko go alata nne no jehk go eti etul jio, jo kak-e, ye ji li go njinanjini, fere jo lennge akpasi eltuuru ebo, ro tv go mbuksong eti etul jio, fere jo bung re,

Ellennge 4:6

Ejum jolo ona, ji jolo ana eto ji jo foongo enyehn, fere sahb wꞌwili, are eltal ni nno a nno ni, ni bo kpo lung re ekristel. Enyam eni noongo sennge eti etul jio kak. Anyehng anyehng jo noongo go ege ejang. Bo bele amahr gbalee go ala, a njahm.

Ellennge 11:16

Eltahl anebkul ani ba ji go nti etul ebo go esamahr Esowo, kehm gboko kohk asamahr ndi, kak Esowo,

Ellennge 4:4

Eltahl a nji etul eni jolo sennge eti etul jio kak. Eltahl anebkul ani ba ji o, ba kake abarebare nsol, fere konngo akpasi agul.

Hibru 1:6

Eji Esowo yahke ba ngbokambang a mmon ewe tum tv go njini, á kpe bung re, “Nong, babenjel nya Esowo kpee kak-e.”

NWER NYI JON 5:23

eji nne awohng awohng lꞌkak Mmon ewe, jang jang ana bo kpo kak Nde. Nne no tohko kak Mmon ewe, lohngo re, á nehme kak Nde no tum-e no.

Matiu 4:10

Owo Jisos kehm-e tongo re, “Nnehm, tahm-m go esamahr! Tibre bo nyono go nwer Esowo re, ‘Esowo, Ntul ewa wo wo, a bahk-e jo kak. Ye ntahngtahng wo, a bahke fere jo lok-e.’ ”

Ellennge 22:9

Enjel nyio kehm-m tongo re, “Nobem re wo lim ano. Jo kak Esowo. Me n tob li nlokeltum ana wo, a abonane ba li abanyehnamahr, a ane ba kpo bum alum nya nwer nyia.”

Ellennge 15:4

Ntul, nne awo lꞌki-a fahl? Nne awo lꞌkꞌka mbing enya ellub? Tibre wo ntahngtahng wo li mbarebara nne. Njini kpee bahke ba kak wo. Tibre atingitingi alam nya a lame no, ane kpee ebnyehn.”

Ellennge 4:8

Enyam bio na eni bele akpungkpung arakera arakera. Amahr saabe na saabe bo kpee ejang ngubjing ajehng ajehng, a atahng atahng. Atv a njul, bo joom tiki rahke ase ayimi re, “Jehova no gbale sehng, ye wo li mbarebare, ye wo li mbarebare, ye ji jolo go mbomannahb, á noa anv, á bahke kpe feere ba.”