Ellennge 7:10 - Ekajuk Scriptures NT

¹⁰ Bo jo rabe wahre wahre re, “Eltahre enahre lohng goji Esowo ebahre bi jehk go eti etul, a mmon a njoro.”

Ekajuk New Testament

¹⁰ Bo jo rabe wahre wahre re, “Eltahre enahre lohng goji Esowo ebahre bi jehk go eti etul, a mmon a njoro.”

Ellennge 7:10 Referans Kwoze

Ellennge 19:1

Owo n kehm wuku ewahl ana alum ane gbalee go ejahbetul Esowo, ba jo bung wahre wahre re, “Tehken Esowo! Eltahre, ellub, a nsahm li ka Esowo ebahre,

Ellennge 12:10

N kehm wuku ellum go ejahbetul Esowo ni jo bung wahre wahre re, “Anv, eltahre ebba. Esowo ebahre ebtib nsahm enye. Etul ebe ebba. Anv, Mesaya enye nyi ma kehme edi fili. Tibre nne no jo bung ebi bade abonane ejahre, bo m-e rod tub go njini, ye jio ji jo ka bo ebi go esamahr Esowo ebahre atv a njul.

Ellennge 22:3

Ejum nkuk ajehng ajehng nehm jo jol go ejahbe jio. Eti etul ji Esowo, jꞌnehm ji li ji mmon a njoro bahke jolo o. Alokeltum ebe bahke jo kak-e.

Efesus 2:8

Tibre nnoobo nyi Esowo nyi wahnge ḿ ma bel eltahre tib go egahne eltaame, wahn sang wahnge, ayare nya Esowo nya.

NWER NYI JON 1:29

Etoono efung behko Jon kehm nyehne Jisos kpꞌbake go ege. Á kehm bungu re, “Nyehnen, Mmon a Njoro no Esowo, no bahke ba rod abiafem nya njini.

Ellennge 21:5

Nne no jehk go eti etul jio kehm bungu re, “Anv, n kpꞌlimi nsol kpee, fere jol nyi nfenfe.” Á kpe bung re, “Nyon alum nyaa, tibre alum nyaa, alum etingitingi nya, li alum nya nne bahke bumu go etingitingi.”

NWER NYI LUK 3:6

Nne awohng awohng bahke nyehne eltahre ni Esowo.’ ”

Ellennge 5:7

Mmon a njoro noo kehm tahme song taare nne no ji go eti etul jio nwer nyi á fili go eboblum.

Ellennge 4:6

Ejum jolo ona, ji jolo ana eto ji jo foongo enyehn, fere sahb wꞌwili, are eltal ni nno a nno ni, ni bo kpo lung re ekristel. Enyam eni noongo sennge eti etul jio kak. Anyehng anyehng jo noongo go ege ejang. Bo bele amahr gbalee go ala, a njahm.

NWER NYI JON 4:22

Wahn aneb Samaria, ń kpo kak ejum ji ń kil elkahne. Wahr Jus, e kpo kak ji e kpꞌkahne. Tibre eltahre kpo lohng goji Jus.

NWER NYI JON 1:36

Á kehm nyehne Jisos, eji á jo jen abake, kehm bungu re, “Nyehnen, Mmon a Njoro no Esowo!”