Ellennge 5:6 - Ekajuk Scriptures NT

⁶ Owo n kehm nyehne mmon a njoro yim go elka ni eti etul jio. Enyam bio na eni jolo o sennge kak, a anebkul bao fvfo. Mmon a njoro noo jolo are bo m-e wul na. Á bele ntang na esehma, fere bel amahr na asehma nya li etohko na ebsehma bi Esowo tumu no tv go njini kpee.

Ekajuk New Testament

⁶ Owo n kehm nyehne mmon a njoro yim go elka ni eti etul jio. Enyam bio na eni jolo o sennge kak, a anebkul bao fvfo. Mmon a njoro noo jolo are bo m-e wul na. Á bele ntang na esehma, fere bel amahr na asehma nya li etohko na ebsehma bi Esowo tumu no tv go njini kpee.

Ellennge 5:6 Referans Kwoze

Ellennge 5:12

Bo kehm kehme elbungu wahre wahre re, “Mmon a njoro no bo m-e wul, fuumu re á bel nsahm, fere gbo afang, bel elkahne, fere bel eko, bel ekpunu, fere bel ellub, a elfuulu.”

NWER NYI JON 1:29

Etoono efung behko Jon kehm nyehne Jisos kpꞌbake go ege. Á kehm bungu re, “Nyehnen, Mmon a Njoro no Esowo, no bahke ba rod abiafem nya njini.

Ellennge 13:8

Nne awohng awohng no li go njini nyia bahk-e kake, no bo ki nyon mbing enye go nwer nyi elkpin, njini nyia kehm jolo. Nwer nyio li ka mmon a njoro no bo wul-e no.

NWER NYI JON 1:36

Á kehm nyehne Jisos, eji á jo jen abake, kehm bungu re, “Nyehnen, Mmon a Njoro no Esowo!”

Ellennge 1:4

Me Jon, me wo kp-n kake nnyo, wahn aro nyao na asehma nya li go Esia. Elfuulu, a elkoono jol a nahne, ni lohng goji Esowo bi li anv, bꞌnehm o bi jolo mahne mahne, bꞌnehm o bi bahke kpe feere ba, elfuulu, a elkoono ni lohng goji atohko nyao na asehma nya yim go mbuksong eti etul ji Esowo,

Eltum 8:32

Edi nwer Esowo ji á jo lꞌlung li re, “Á jolo ana njoro nyi bo ma rod, yahke wul. Á jolo ana mmon a njoro no kil biingi, eji bo kp-e kpudu anyar. Á belle na belle, jol ellum anehng anehng á bungem.

Ellennge 22:3

Ejum nkuk ajehng ajehng nehm jo jol go ejahbe jio. Eti etul ji Esowo, jꞌnehm ji li ji mmon a njoro bahke jolo o. Alokeltum ebe bahke jo kak-e.

Ellennge 22:1

Owo á kehm-m tibi aya ma alahb elkpin, ma jo wili ana eltal ni bo kpo lung re ekristel, bomo elfabe go eti etul ji Esowo, a ji mmon a njoro,

Ellennge 21:23

Ejahbe jio ona kpehme seb njul, a ebareka re jo ya ona, tibre ellub ni Esowo ni kpꞌyake ejahbe jio, ni ni kpo ka ejahbe jio ellennge. Mmon a njoro wo li etꞌrekahng ji kpꞌyake ona.

Ellennge 17:14

Bo bahke noko ebta a mmon a njoro. Mmon a njoro, a ane ebe ba á lungu bo, fere jak bo, bo ji kpi ekakesehk kp-e toono, bahke gake bo. Tibre ye wo li ntul no sehnge atem atul bako kpee.”

Ellennge 12:11

Bo m-e ga go ebta tib go alung ma mmon a njoro, a atianse ebo nya bo jo yiimi. Tibre elkpin ebo joom kor bo, owo wahnge bo jo taame elkv.

Ellennge 6:16

fere jo gboongo awong, a akpartal re, “Mehlen, bul-r, wahn behr-r, eji nne no jehk go eti etul lꞌki-r nyehn, eji erakatahng ji mmon a njoro lꞌkꞌgbo tub-r.

NWER NYI LUK 1:69

Á ma-r ka ntꞌtahre no kpi nsahm, no lohng go etꞌtohngo ji Devid, nlokeltum ewe.

Ellennge 4:8

Enyam bio na eni bele akpungkpung arakera arakera. Amahr saabe na saabe bo kpee ejang ngubjing ajehng ajehng, a atahng atahng. Atv a njul, bo joom tiki rahke ase ayimi re, “Jehova no gbale sehng, ye wo li mbarebare, ye wo li mbarebare, ye ji jolo go mbomannahb, á noa anv, á bahke kpe feere ba.”

Ellennge 5:11

N kehm seenge, soro wuk babenjel. Bo jolo mbud a nkunu sennge eti etul jio kak, go enyam bio na eni, a anebkul bao fvfo.

Ellennge 5:13

N kehm kpe wuk ejum ajehng ajehng ji Esowo limi no go elbung abola ndi, a atahng ndi, go alahb, a nsol kpee, jo bungu re, “Nong, elfuulu, ekpunu, ellub, a nsahm jol ka nne no jehk go eti etul jio, a mmon a njoro go njinanjini.”

Ellennge 5:14

Enyam bio na eni kehm bungu re, “Emen.” Anebkul bao kehm soro gbo go ndi, kak Esowo.

Ellennge 14:1

Owo n kehm seenge, soro nyehn mmon a njoro yim no go ewong ji bo kpo lung re Sayon. Ane ba jolo a ne o, ba bo nyono mbing a mmon a njoro, a mbing a Nde go bo a mbuk. Bo jolo ane atahltahl nkpel atahlku, a nkpel atahl ara (144,000).

Ellennge 21:22

Etahk Esowo ajehng ajehng nyehnem ejahbe jio. Tibre Jehova antahng antahng no gbale sehng, a mmon a njoro, bo ba li etahk Esowo ji ejahbe jio.