Ellennge 5:13 - Ekajuk Scriptures NT

¹³ N kehm kpe wuk ejum ajehng ajehng ji Esowo limi no go elbung abola ndi, a atahng ndi, go alahb, a nsol kpee, jo bungu re, “Nong, elfuulu, ekpunu, ellub, a nsahm jol ka nne no jehk go eti etul jio, a mmon a njoro go njinanjini.”

Ekajuk New Testament

¹³ N kehm kpe wuk ejum ajehng ajehng ji Esowo limi no go elbung abola ndi, a atahng ndi, go alahb, a nsol kpee, jo bungu re, “Nong, elfuulu, ekpunu, ellub, a nsahm jol ka nne no jehk go eti etul jio, a mmon a njoro go njinanjini.”

Ellennge 5:13 Referans Kwoze

Filipai 2:10

eji nne awohng awohng no li ejahbetul Esowo, a njini, a atahng ndi lꞌjamme alahng enye, fere jo kak mbing nyi Jisos,

Ellennge 5:3

Nnene jolem go ejahbetul Esowo, jol go njini nyia, jol go atahng ndi, no male lennge nwer nyio, fere nyehn atahng.

Ellennge 5:12

Bo kehm kehme elbungu wahre wahre re, “Mmon a njoro no bo m-e wul, fuumu re á bel nsahm, fere gbo afang, bel elkahne, fere bel eko, bel ekpunu, fere bel ellub, a elfuulu.”

NWER NYI POL NYONO TV ANEB ERO BA LI GO ROM 11:36

Nsol kpee lohng go ege. Ye wo wahnge nsol kpee li no. Nsol kpee li ka ye. Nong, ellub jol ka-e go njinanjini. Emen.

1 Pita 5:11

Nong, nsahm jol ka ye go njinanjini. Emen.

NWER NYI LUK 2:14

“Ellub jol a Esowo go ero. Elkoono jol a ane go njini, ba Esowo li a bo yebe yebe.”

Ellennge 6:16

fere jo gboongo awong, a akpartal re, “Mehlen, bul-r, wahn behr-r, eji nne no jehk go eti etul lꞌki-r nyehn, eji erakatahng ji mmon a njoro lꞌkꞌgbo tub-r.

NWER NYI POL NYONO TV ANEB ERO BA LI GO ROM 16:27

Nong, Esowo bi kpi elkahne ntahngtahng bel ellub go njinanjini, ni kpo sehng go abo nya Jisos Kraist. Emen.

NWER NYI POL NYONO TV ANEB ERO BA LI GO ROM 9:5

Bo lohng etꞌtohngo ajehng a babnso ejahre ba mahne mahne. Go eyaame ji ngubjing, Kraist tob lohng ano a bo, ye ji ejum ajehng ajehng wob-e go elwo, ye ji li Esowo bi e kp-e tehke go njinanjini. Emen.

Ellennge 5:6

Owo n kehm nyehne mmon a njoro yim go elka ni eti etul jio. Enyam bio na eni jolo o sennge kak, a anebkul bao fvfo. Mmon a njoro noo jolo are bo m-e wul na. Á bele ntang na esehma, fere bel amahr na asehma nya li etohko na ebsehma bi Esowo tumu no tv go njini kpee.

Ellennge 1:6

fere lim-r re wahr jol atul, fere jol abalimajom ba Esowo Nde. Nong, ellub jol ka-e, a nsahm go njinanjini.

1 Pita 4:11

Nne awohng awohng no lꞌkehm bungu, nong, á jo bung alum Esowo. Nne awohng awohng no lꞌkehm loko, nong, á jo loko go eko ji Esowo kpo ka, eji Esowo lꞌjo bel ellub go ejum ajehng ajehng, ni kpo sehng go abo nya Jisos Kraist. Nong, ellub jol ka-e, a nsahm go njinanjini. Emen.

Efesus 3:21

nong, á bel ellub goji aneb ero, a goji Kraist Jisos ngare anyehng anyehng tete go njinanjini. Emen

Ellennge 5:9

Bo jo yimi ese nfenfe re, “A fꞌfuumu re, wo ko nwer nyio, laade alak lennge, tibre bo ma-a wul, wobyake alung ema ka, gunu ane ka Esowo go nnahb anyehng anyehng, a ane ba kpo bung ajahbe nya bo ebo ebo go ejang njini abehng abehng, a ejahbe ajehng ajehng.

Kolosa 1:23

Esowo bahk-n limi ano, ń lꞌfere soro asi go ege a mbang, fere yiimi tꞌtahne, kꞌren, kꞌyehke ekunukpu ejahne goji Esowo, ye ji ń wuku alum enye nya bo ma bung tong nne awohng awohng go njini, nyao nya me Pol ma jol nlokeltum.

Matiu 6:13

Ka lim, e yel go elgaare. Jo tahr-r yehke go abiafem.

1 Timoti 4:16

Jo kunu elna ekpu, wo fere jo kunu ekpu go eltibi ni a kpꞌtibi. Jo soro asi, jo lim nsol nyio, ka jo naange tv nne awohng awohng. Tibre a lꞌlim ano, a bahke tahre elna, fere tahre ane ba kp-a wuku.

NWER NYI JON 1:29

Etoono efung behko Jon kehm nyehne Jisos kpꞌbake go ege. Á kehm bungu re, “Nyehnen, Mmon a Njoro no Esowo, no bahke ba rod abiafem nya njini.

Ellennge 5:1

Owo n kehm nyehne nwer go eboblum bi nne no jehk go eti etul jio, nyi bo nyono njahm ebal ebal, fehd, fere lake elak edi na ebsehma, bi lohngo re bobbulu nwer.

Ellennge 13:8

Nne awohng awohng no li go njini nyia bahk-e kake, no bo ki nyon mbing enye go nwer nyi elkpin, njini nyia kehm jolo. Nwer nyio li ka mmon a njoro no bo wul-e no.