Ellennge 4:11 - Ekajuk Scriptures NT

¹¹ “Esowo Ntul ewahre, fꞌfuumu re, wo bel ellub, fere bel ekpunu, a nsahm. Tibre wo li nne no limi nsol kpee. Ana kor-a no wo, a limi no re jol, fere kpin.”

Ekajuk New Testament

¹¹ “Esowo Ntul ewahre, fꞌfuumu re, wo bel ellub, fere bel ekpunu, a nsahm. Tibre wo li nne no limi nsol kpee. Ana kor-a no wo, a limi no re jol, fere kpin.”

Ellennge 4:11 Referans Kwoze

Ellennge 5:12

Bo kehm kehme elbungu wahre wahre re, “Mmon a njoro no bo m-e wul, fuumu re á bel nsahm, fere gbo afang, bel elkahne, fere bel eko, bel ekpunu, fere bel ellub, a elfuulu.”

Ellennge 10:6

fere nyam enyam go mbing nyi Esowo bi li go njinanjini, ye ji limi elbung, a nsol kpee nyi li go elbung, fere lim njini, a nsol kpee nyi li go njini, fere lim alahb, a nsol kpee nyi wob go alahb. Enjel nyio bungu re, “Esowo nehm kpe laange nkpel anyehng anyehng.

Ellennge 14:7

Owo á kehm bungu wahre wahre re, “Jo fahlen Esowo, wahn jo ka-e ellub. Tibre ngare ebrehng nyi á bahke lame njini. Jo kaken ye ji limi elbung, a ndi, fere lim agburu aya, a adi nya alahb kpo lohng.”

Ellennge 5:9

Bo jo yimi ese nfenfe re, “A fꞌfuumu re, wo ko nwer nyio, laade alak lennge, tibre bo ma-a wul, wobyake alung ema ka, gunu ane ka Esowo go nnahb anyehng anyehng, a ane ba kpo bung ajahbe nya bo ebo ebo go ejang njini abehng abehng, a ejahbe ajehng ajehng.

Hibru 1:10

Esowo kpe bung re, “Wo Ntul, wo wo limi njini go mbomannahb. Elbung ni li ejum ji a limi go ega abo.

NWER NYI POL NYONO TV ANEB ERO BA LI GO ROM 11:36

Nsol kpee lohng go ege. Ye wo wahnge nsol kpee li no. Nsol kpee li ka ye. Nong, ellub jol ka-e go njinanjini. Emen.

Efesus 3:9

fere lim ane kpee nyehn nkpokosi ejum nyi Esowo toobo no, fere behr mahne mahne, ye ji limi nsol kpee,

Eltum 14:15

“Wahn jia, jen ji wahnge ń kpꞌlimi ana? Wahr li ane ana wahn! E ko nnoobo etib ba a bi, eji ń lꞌsennge njahm go nsol nyi li mbol mbol, feere goji Esowo bi li go elkpin, bi limi elbung, a ndi, a aya, go nsol kpee nyi li no.

Eltum 17:24

“Esowo bi limi njini, a nsol kpee nyi li no. Ye wo li ntul no elbung abola ndi. Á kpehme lene go ntahk ero nyi ane si no.

Ellennge 5:2

N nyehne njꞌjoka enjel nyi bungu wahre wahre re, “Nne awo fuumu re á laade alak nyaa, fere lennge nwer nyia?”

Hibru 1:2

Esꞌkohro ngare nyia á bungu a nahre sehng goji Mmon ewe, ye ji á yehk-e no re á bahke lehke elkv nsol kpee. Ye wo á ko-e no lim njini.

Ellennge 1:6

fere lim-r re wahr jol atul, fere jol abalimajom ba Esowo Nde. Nong, ellub jol ka-e, a nsahm go njinanjini.

Ellennge 19:1

Owo n kehm wuku ewahl ana alum ane gbalee go ejahbetul Esowo, ba jo bung wahre wahre re, “Tehken Esowo! Eltahre, ellub, a nsahm li ka Esowo ebahre,