Ellennge 22:16 - Ekajuk Scriptures NT

¹⁶ “Me Jisos, me wo ma tum enjel enyame tv-n re á ba yiimi ntianse go nsol nyia tong wahn aneb ero. Me wo li nlohk nyi Devid. Me n tob li nne no lohng go ege etꞌtohngo. Me wo li elonlo ji efungfu ji kpo sahb yꞌya.”

Ekajuk New Testament

¹⁶ “Me Jisos, me wo ma tum enjel enyame tv-n re á ba yiimi ntianse go nsol nyia tong wahn aneb ero. Me wo li nlohk nyi Devid. Me n tob li nne no lohng go ege etꞌtohngo. Me wo li elonlo ji efungfu ji kpo sahb yꞌya.”

Ellennge 22:16 Referans Kwoze

Ellennge 5:5

Nnenkul awohng kehm-m tongo re, “Ka kpe ling, nyehnee, egabe ji lohng go etꞌtohngo ji Juda, ye ji li nlohk nyi Devid, ebnok ebta ga anebekv ebe, á bahke ma laade alak nyao na asehma, fere lennge nwer nyio.”

2 Pita 1:19

Ellum nio ebkpe yiimi ebung ji abanyehnamahr Esowo njahm gbalee, ji ji nobo re wahn jo kunu ekpu, tibre li ana etꞌrekahng ji kpꞌyake go edi ejannge tete efungfu se, elonlo ji efungfu kehme elyake go egahna ntim.

Ellennge 1:4

Me Jon, me wo kp-n kake nnyo, wahn aro nyao na asehma nya li go Esia. Elfuulu, a elkoono jol a nahne, ni lohng goji Esowo bi li anv, bꞌnehm o bi jolo mahne mahne, bꞌnehm o bi bahke kpe feere ba, elfuulu, a elkoono ni lohng goji atohko nyao na asehma nya yim go mbuksong eti etul ji Esowo,

Ellennge 22:20

Ye ji kpꞌyiimi ntianse go nsol nyia kpꞌbungu re, “Etingitingi, n kpꞌbake elwaare.” Emen. Ba, Ntul a Jisos!

Matiu 22:42

“Anv, ń kpo tir renan bada Mesaya? Ye mmon a nyehne wo?” Owo bo kehm-e faange re, “Mmon a Devid wo.”

Ellennge 22:6

Á kehm-m tongo re, “Alum nyaa, alum etingitingi nya, li alum nya nne bahke bumu go etingitingi. Jehova no kpo ka abanyehnamahr ebe etohko eje, ye wo ma tum enjel enye re á ba tib alokeltum ebe ejum ji bahke gulu ellimi.”

Ellennge 1:1

Nwer nyia bo nyono nsol nyi Jisos Kraist lennge no, nyi Esowo ka-e no re á tib alokeltum ebe, eji bo lꞌkahn ji bahke gulu ellimi. Jisos jo tumu enjel tv nlokeltum ewe Jon, á jo ba lennge nsol nyio ka-e,

Matiu 2:2

ba kehme elbahbe re, “Mmon no na, no bo m-e jel, no li ntul no Jus? Tibre wahr ebnyehn elonlo eje go ero nfam. Owo wahnge e ba no re wahr ba kak-e.”

Ellennge 3:22

“Nne no lꞌbel atung, nong, á wuk ji Etingi Etohko kpꞌbungu tong aneb ero.”

Ellennge 3:13

“Nne no lꞌbel atung, nong, á wuk ji Etingi Etohko kpꞌbungu tong aneb ero.

Ellennge 3:6

“Nne no lꞌbel atung, nong, á wuk ji Etingi Etohko kpꞌbungu tong aneb ero.

NWER NYI POL NYONO TV ANEB ERO BA LI GO ROM 9:5

Bo lohng etꞌtohngo ajehng a babnso ejahre ba mahne mahne. Go eyaame ji ngubjing, Kraist tob lohng ano a bo, ye ji ejum ajehng ajehng wob-e go elwo, ye ji li Esowo bi e kp-e tehke go njinanjini. Emen.

Ellennge 22:11

Nong, aneb abꞌbi jo lim abꞌbi, aneb eltehb sa ano go bo eltehb. Nong, anobonobo ane jo lim nob nob. Nong, ane ba li saang sa ano saang.”

Ellennge 22:1

Owo á kehm-m tibi aya ma alahb elkpin, ma jo wili ana eltal ni bo kpo lung re ekristel, bomo elfabe go eti etul ji Esowo, a ji mmon a njoro,

Ellennge 2:17

“Nne no lꞌbel atung, nong, á wuk ji Etingi Etohko kpꞌbungu tong aneb ero. “Nne no lꞌga anebekv ebe, m bahk-e kake mmanna nyi li go mbiiri, á li. M bahk-e tob ka mbarebare eltal ni bo nyono mbing a nfenfe, nyi nne awohng awohng kil elkahne, sehngem nne no bahke koko eltal nio, ye wo bahke kahne.

NWER NYI LUK 1:78

Tibre Esowo ebahre kpi egburu ndon nyi bahke lohngo go ero. Ellohngo ni bahke lohngo bahke jolo ana njul kpꞌyake tub-r,

Ellennge 2:7

“Nne no lꞌbel atung, nong, á wuk ji Etingi Etohko kpꞌbungu tong aneb ero. Nne no lꞌga anebekv ebe, m bahk-e kake eti jio ji elkpin, á li, ji li go etahngga ji Esowo.

Matiu 22:45

“Yefono Devid jo lung-e re, ‘Ntul ewame’, bahke limi renan, ntul noo kehm fere jol mmon ewe?”

Matiu 1:1

A wo li nwer nyi etꞌtohngo ji Jisos Kraist lohng no, ji jolo mmon a Devid, Devid ji jolo mmon no Ebraham.

Ellennge 2:11

“Nne no lꞌbel atung, nong, á wuk ji Etingi Etohko kpꞌbungu tong aneb ero. Nne no lꞌga anebekv ebe, etoono elkv we nehm kpe lim ejumjum.

NWER NYI POL NYONO TV ANEB ERO BA LI GO ROM 15:12

Aisaya kpe bung re, “Nlohk nyi Jesi bahke bake, ye ji bo bahk-e mehle wahre re á fili ane baka baka. Ye wo, ane baka baka bahke jo kun-e ekpu.”

Ellennge 1:11

Ellum nio bungu re, “Nyon nsol nyi a bahke nyehne, wo kak go nwer, song tum tv aro na asehma, ero bi li go Efesus, a bi li go Smirna, a bi li go Pergamum, a bi li go Tiatira, a bi li go Sardis, a bi li go Filadelfia, go ero bi li go Laodisea.”

NWER NYI LUK 20:44

Eji Devid lung-e re, ‘Ntul ewame’, anv, á kehm jolo mmon ewe renan?”