2 Timoti 2:22 - Ekajuk Scriptures NT

²² Jo jahng nsol nyi kpo melle ajangkun go bo atahng re bo jo lim. Nok, eji a lꞌli eno go esamahr Esowo, fere bel ekakesehk, a elkoro, go elkoono, wo fere woomo go ellong ane ba kpo kak ero ka Esowo a ntim ebo saang.

Ekajuk New Testament

²² Jo jahng nsol nyi kpo melle ajangkun go bo atahng re bo jo lim. Nok, eji a lꞌli eno go esamahr Esowo, fere bel ekakesehk, a elkoro, go elkoono, wo fere woomo go ellong ane ba kpo kak ero ka Esowo a ntim ebo saang.

2 Timoti 2:22 Referans Kwoze

1 Pita 2:11

Akpondahme enyame, n kp-n rehke, eji ń li ajenne, a ajahmjahm go njini nyia, kana jo gbod, toono ejum ajehng ajehng ji kpo mell-n go egahne ntim. Tibre ngubjing, a etohko, bo li go ebta.

1 Pita 3:11

á sennge njahm go abiafem alimi, fere jo lim nsol nyi kpꞌnobo. Nong, á jo nok, jo seb elkoono.

1 Korint 6:18

Jahngen asꞌsa! Tibre abiafem nyako kpee lim ka ngubjing. Nne no lꞌlim abiafem nyao nya á noongo a nne, á limi tob ngubjing enye.

1 Timoti 6:11

Wo ji li nne Esowo, jo gbere elna go nsol nyia. Jo gbehd, wo jol go etingitingi, fere jol Esowo Esowo, fere bel ekakesehk, a elkoro, a elkpuumu, go nnoobo eljini.

Hibru 12:14

Jo noken, eji ń lꞌjo bel elkoono a nne awohng awohng, wahn fere jol ejahne ejahne. Nne awohng awohng no tohko jol ano, á nehm nyehn Jehova.

1 Timoti 4:12

Nong, nne awohng awohng ki-a daange, tib eji a li njangkun. Jo tib eljini ni aneb Esowo bako bahke jo leeme, ana alum abungu, eljini atibi, elkoro, ekakesehk, go eljolo saang.

1 Korint 10:14

Akpondahme enyame, owo nobo re wahn yake eblom ajomo.

1 Timoti 1:5

Ejum ji wahnge n kak-a erehke jia, n kak-a, eji ntim ane nyi li saang, a ntir atahng ebo nyi nno a nno, a etingitingi eltaame ebo lꞌjo tib elkoro.

3 Jon 1:11

Ekpondahme ejame, ka jo leeme ebi! Jo leeme ji kpꞌnobo! Nne no kpo lim nnoobo, á li ka Esowo. Nne no kpo lim ebi, á ka nyehn Esowo.

1 Korint 1:10

N kp-n rehke abonanee go mbing nyi Ntul a Jisos Kraist re wahn ane kpee jo bung, bum nnyo amehng, nyꞌyabe anyehng anyehng kꞌkpe jol go egahne ellong. Sahb jolen jol ajehng go eltim anehng, a ntir anyehng.

NWER NYI POL NYONO TV ANEB ERO BA LI GO ROM 14:19

Nong, wahr jo noken, jo lim nsol nyi bahke koko elkoono ba a ni, fere jo kak atemtem ebo, eji e lꞌgbal.

1 Korint 14:1

Jo noken, eji ń lꞌbel elkoro. Gbehden, eji ń lꞌtob bel ayare nyao nya Etingi Etohko, asehngesehnge ayare nya enyehnamahr ji Esowo.

1 Korint 1:2

e kpꞌnyono nwer nyia tv aneb Esowo ba li go Korint, bao ba Kraist Jisos ma ru ntim ebo, fere yehke bo re bo jol ebo ebo ka Esowo, budu ane bao ba kpꞌkake ero edi ajehng ajehng go mbing nyi Ntul a Jisos Kraist ji li ntul abo, a ntul ewahre fvfo.

NWER NYI POL NYONO TV ANEB ERO BA LI GO ROM 14:17

Tibre etul bi Esowo wobem go nsol alehke, wobem go elwoko. Li go mbang nyi nne kpꞌlimi nsol nyi li go etingitingi, fere bel elkoono, a eyebatahng ji Etingi Etohko kpo ka.

Eltum 9:14

Anv ana, á ko nsahm goji atubesi abalimajom, eji á lꞌba bob ane kpee ba kpꞌkake ero go ega mbing.”

1 Timoti 2:8

N kpꞌsebe re, aneblum ba li edi ajehng ajehng jo kak ero, aneblum bao ba ma rod elbo ka Esowo. Bo bahke jo tab abo ton ero, jo kak ero, kꞌbel erakatahng ajehng ajehng, fere kꞌbel nfaabe anyehng anyehng.

1 Timoti 1:14

Jehova guub-m sehng, á lim-m nnoobo sehng, fere ka-m ekakesehk, a elkoro, nsol nyia kpo sehng go abo nya Jisos Kraist.

Eltum 7:59

Eji bo jo tuubu Stiven atal, á jo kake ero re, “Ntul a Jisos, ko-m etohko ejame!”