1 Timoti 4:16 - Ekajuk Scriptures NT

¹⁶ Jo kunu elna ekpu, wo fere jo kunu ekpu go eltibi ni a kpꞌtibi. Jo soro asi, jo lim nsol nyio, ka jo naange tv nne awohng awohng. Tibre a lꞌlim ano, a bahke tahre elna, fere tahre ane ba kp-a wuku.

Ekajuk New Testament

¹⁶ Jo kunu elna ekpu, wo fere jo kunu ekpu go eltibi ni a kpꞌtibi. Jo soro asi, jo lim nsol nyio, ka jo naange tv nne awohng awohng. Tibre a lꞌlim ano, a bahke tahre elna, fere tahre ane ba kp-a wuku.

1 Timoti 4:16 Referans Kwoze

Taitus 1:9

Á bahke yiimi tꞌtahne go atingitingi alum nya bo tib-e no, eji á lꞌjo mal rehke ane, fere jo tib etingitingi mbang, fere jo bung, ga ane ba kpo ten mbang nyio.

Taitus 2:7

Wofono antahng jol ano ona go ejum ajehng ajehng, eji ane lꞌleeme nnoobo nyi a kpꞌlimi. A lꞌkehm tibi, ka jo be esamahr ane. Jo tib go mbang nyi ane bahke lohko kahn re, etib eba li etahntahn etib.

2 Timoti 4:2

wo jo bung alum Esowo, kꞌjo be ndon, afi jolo ngare anyi. Jo lennge abiafem tong bo, wo fere jo nyam bo, fere jo rehke bo. Lim nsol nyia kpee go mbang nyi a kpꞌtibi na bo, a elkpuumu.

Efesus 4:14

eji e lꞌkꞌkpe jol abonse ba li ana anyane nya nfeb kpo yehke tv edi ajehng ajehng. Nfeb nyio nyi li ajoobo eltibi nya ane ba kpo nehm ane kpo tib go mbang awak, bo ji kpo seb abang nya bo bahke were ane, fere lim bo, bo tan mbang.

Hibru 13:9

Kana taame, ajoobo ntibi nyindikandiki wer-n tahm a nahne. Tibre nꞌnob re eltim tahn-n tib go nnoobo nyi Esowo, go nsol alehke sang. Tibre ane ba jo toono atahm nya li bada nsol alehke, nnoobo anyehng anyehng joom ka bo.

Hibru 12:15

Jo kunen ekpu, eji nne awohng awohng lꞌkꞌsa nnoobo nyi Esowo, eji nlohk eti nyi kpꞌlulu lꞌkꞌyel go ege eltim, fere jo ko ntong ba, toono o, lim ane gbalee jol eltehb eltehb.

2 Timoti 3:14

Timoti, soro asi, wo jo lim nsol nyi a ma kpili, fere taame tv, eji a kpꞌkahne nne no tib-a no.

NWER NYI LUK 21:34

“Jo baaben elnahne, goji nkak alimi, a amahm awoko a atꞌtiiri nya elkpin nia lꞌki-n gbal go egahna ntim, eji efung bio lꞌki-n gbede na.

1 Timoti 4:6

A lꞌko erehke jia ana, fere jo rehke aneb Esowo, a lohko li nnooba nlokeltum no Jisos Kraist, ana a ma le elna go alum nya ekakesehk, a eltibi ni nno a nno, ni a kpꞌtoono.

1 Timoti 1:3

N kpꞌsebe re, wo jol go Efesus ana n rehk-a no ngare nyi n jo tahm go Masedonia. Ane bandiki baa ona, ba kpꞌtibi eltibi nindikandiki. Tong bo re bo rahke.

NWER NYI POL NYONO TV ANEB ERO BA LI GO ROM 16:17

Abonanee, n kp-n gboongo re, wahn jo gbere ane ba kpo ko nyꞌyabe ba a nyi, fere jo kpan eltum ni Esowo, eji bo kpꞌtibi eltibi nindikandiki, ni bo kal-n tꞌtib. Yaamen a bo.

2 Timoti 2:10

Esi ji ane ba Esowo ma yehke ji wahnge n kpꞌkpuumu ejum ajehng ajehng, eji bo lꞌtob bel eltahre ni li go abo nya Kraist Jisos, ni kpo jen a ellub ni li go njinanjini.

1 Korint 9:27

N kpo fili ngubjing enyame ana nde nne no kpo fili abon ebe nyaame nyaame. Tibre n nehme seb re me m bung alum Esowo tong ane bako, mefono antahng fere gbo.

Eltum 6:4

Wahr bahke rodo ngare enyahre kak go ero akake, fere jo bung alum Esowo.”

NWER NYI MAK 13:9

“Baaben elnahne! Ane bahk-n jo bob, kak esub. Bo bahke jo dv-n dv go ntahk ero. Ḿ bahke jo yiimi go esamahr atubesi, a esamahr atul tib go egame esi, eji ń lꞌjo yiimi ntianse nyi nnoobo etib tong bo.

Jems 5:20

nong, á kahn re, nne no lꞌyehke nne abiafem go mbang nyi á kpꞌtane asongo, feere a ne, á bahke tahre etohko eje yehke go elkv, fere lim Esowo bulu abiafem tvv.

Taitus 2:15

Jo tib nsol nyia, wo jo rehke ane, fere jo nyam bo go nsahm nyi n ka-a no. Nong, nne awohng awohng ki-a jo daange!

Kolosa 4:17

Tongen Arkipus re á jo lim eltum ni Jehova m-e ka go nseenga nseenge.

1 Korint 9:22

N lꞌkehme eljene a ane ba kala tahne, n kpo tob jol ana bo, eji n lꞌmal were ane ba kala tahne ka Esowo. N kpo lim eljini ni nne awohng awohng, eji limi limi kan, n lꞌlub lim egom jindiki lub bel eltahre.

NWER NYI POL NYONO TV ANEB ERO BA LI GO ROM 11:14

eji limi limi kan n lꞌlim ala jo teele ejahbe ejame, n fere tahre egom ebo jindiki.

NWER NYI POL NYONO TV ANEB ERO BA LI GO ROM 2:7

Ane bandiki ba kpi ekakesehk go nnoobo alimi, fere jo seb ellub ni Esowo, a ekpunu, a elkpin ni ki kpi esꞌkohlo, bo ba Esowo bahke tuuru bo, ka elkpin ni li go njinanjini.

Eltum 26:22

“Tete sik anv Esowo kp-m nkake nkake ebo. Owo wahng ka n yim ana go egahne esamahr, kpi ntianse yiimi, fere tong nne awohng awohng, afi jolo mmonse, afi jolo nnenkul. Ejumjum limm, ji n kpꞌbungu, sehngem nyao nya Moses, a anyehnamahr Esowo bungu no re bahke limi, nya nya n kpꞌtob bung,

Failimon 1:19

Me Pol, me wo kpꞌnyono ana go egame ebo re, Me wo bahke gale. Me m bum re, a kpꞌkahne re, a kpi-m mbong nyi elkpin ena ni wofono antahng.

1 Tesalonaika 2:16

tib eji bo kp-r kpane re wahr kꞌkpe bung alum Esowo tong ane ba ki li Jus, nya kehn jolo bo tahre. Eji bo kpꞌlimi ano, abiafem ebo bahke kpe gbal na sehnge eso. Tibre erakatahng ji Esowo ebsi gbꞌgbo tub bo gbalee.

1 Korint 1:21

Tibre Esowo go ege elkahne wo, á kpane ane re bo ki-e kahn go bo elkahne. Kpo kor Esowo re á tahre ane ba lꞌtaame tv etib bi e kpo tiingi, bi kpo jol ane bako ana egboolo ejum.

1 Timoti 4:15

Yake elna ka go nsol nyio, wo jo lim ngare anyehng anyehng, eji ane kpee bahke nyehne ana a ma kehme elmale ejum ajehng ajehng, fere gbal.