1 Timoti 1:17 - Ekajuk Scriptures NT

¹⁷ Ntul no li go njinanjini, no lꞌkꞌtiki kpo, no ane kil-e elnyehne, ye ji li Esowo na abehng, nong, wahr jo kak-e, fere jo ka-e ellub go njinanjini. Emen.

Ekajuk New Testament

¹⁷ Ntul no li go njinanjini, no lꞌkꞌtiki kpo, no ane kil-e elnyehne, ye ji li Esowo na abehng, nong, wahr jo kak-e, fere jo ka-e ellub go njinanjini. Emen.

1 Timoti 1:17 Referans Kwoze

Ellennge 19:1

Owo n kehm wuku ewahl ana alum ane gbalee go ejahbetul Esowo, ba jo bung wahre wahre re, “Tehken Esowo! Eltahre, ellub, a nsahm li ka Esowo ebahre,

Ellennge 17:14

Bo bahke noko ebta a mmon a njoro. Mmon a njoro, a ane ebe ba á lungu bo, fere jak bo, bo ji kpi ekakesehk kp-e toono, bahke gake bo. Tibre ye wo li ntul no sehnge atem atul bako kpee.”

Kolosa 1:15

Kraist wo li efꞌtu ji Esowo bi nne lꞌki-e ma nyehn. Ye wo li nne no gbo mbang jini, njini kehm jolo.

Ellennge 19:16

Bo nyono mbing go ege ekpawobo, fere nyon go ege eyo re, “Ntul no gbale sehnge atem atul bako.”

NWER NYI POL NYONO TV ANEB ERO BA LI GO ROM 1:23

Bobfere yaange ellub ni Esowo bi lꞌkꞌtiki kpo, fere ko asowo nya li go elfoongo nne no bahke kpoko, a ni nruk, a ni enyam, a ni enyo, fere kpꞌkake.

Ellennge 19:6

Owo n kehm kpe wuk ewahl ji jolo ana ewahl ji ane gbalee, fere jolo ana elahb ji kpꞌsahb wꞌwahl. Ewahl jio jolo ana aran nya kpꞌsahb tꞌta, nya bungu wahre wahre re, “Tehken Esowo! Tibre Esowo Ntul ewahre no gbale sehng wo kpꞌfili edi.

1 Jon 4:12

Nnene limm, no ma nyꞌnyehn Esowo. E lꞌbel elkoro atemtem, Esowo wob-r go egahra ntim, fere lim elkoro ene gbal go egahre ntim, fere jol go nseenge.

NWER NYI JON 1:18

Nnene limm, no ma nyꞌnyehn Esowo, sehngem Mmon mmon awohng no li a Esowo bad bad, ye wo ma lim re wahr kahn Esowo.

Matiu 6:13

Ka lim, e yel go elgaare. Jo tahr-r yehke go abiafem.

Ellennge 15:3

Bo yimi ese ji Moses ji nlokeltum Esowo, fere yim ese ji mmon a njoro re, “Jehova no gbale sehng, nsol nyi a ma lim ebgbal, fere kpꞌkpo esi. Ntul no njini kpee, mbang nyi a kpo lim nsol enya kpꞌnobo, li go etingitingi.

Ellennge 7:12

fere jo bung re, “Emen. Elfuulu, ellub, elkahne, ekpunu, nsahm, a eko jol ka Esowo ebahre bi e kp-e kake saam go njinanjini. Emen.”

2 Pita 3:18

Jo gbalen go nnoobo nyi Ntul a Jisos Kraist ntꞌtahre ewahre, wahn fere gbal go elkahne ene. Nong, ellub jol ka-e anv tete go njinanjini. Emen.

1 Pita 5:11

Nong, nsahm jol ka ye go njinanjini. Emen.

Hibru 11:27

Eltaame ni wahnge Moses lohngo go Ijib tahm. Á fahlem erakatahng ji ntul. Á jo kpuumu, jol are á nyehne na Esowo bi nne kil ma nyehn.

NWER NYI POL NYONO TV ANEB ERO BA LI GO ROM 16:27

Nong, Esowo bi kpi elkahne ntahngtahng bel ellub go njinanjini, ni kpo sehng go abo nya Jisos Kraist. Emen.

NWER NYI POL NYONO TV ANEB ERO BA LI GO ROM 11:36

Nsol kpee lohng go ege. Ye wo wahnge nsol kpee li no. Nsol kpee li ka ye. Nong, ellub jol ka-e go njinanjini. Emen.

NWER NYI POL NYONO TV ANEB ERO BA LI GO ROM 2:7

Ane bandiki ba kpi ekakesehk go nnoobo alimi, fere jo seb ellub ni Esowo, a ekpunu, a elkpin ni ki kpi esꞌkohlo, bo ba Esowo bahke tuuru bo, ka elkpin ni li go njinanjini.

NWER NYI POL NYONO TV ANEB ERO BA LI GO ROM 1:20

Bomo wuku wuku eji Esowo limi njini, ane ebnyehn nsahm enye nyi li go njinanjini, fere nyehn sange sange ana á lohko li Esowo go nsol nyi á limi no, jol eji nne lꞌkꞌma nyehn Esowo. Owo wahnge bo lꞌkꞌma laange kunu ejum ajehng ajehng.

Matiu 28:20

wahn fere tib bo, bo jo bum ejum ajehng ajehng ji m ma-n tong. Buumen re, m bahke jolo a nahne ngare anyehng anyehng tete eying jia mal.”

Matiu 25:34

Owo ntul bahke kehm tongo ane ba yiim-e go ege ejang eboblum re, ‘Baan, wahn jia ji Nsoo ma-n fuulu! Baan, wahn ba li etul bi Esowo ma toobo bum-n, bi lohng eji njini bomo na bom.

NWER NYI JON 5:44

Bahke limi renan, ń kehm taame tv Esowo, eji ń kpo ko ellub goji ane? Esowo bi li na abehng, ellub ene ń kpehme seb.

NWER NYI POL NYONO TV ANEB ERO BA LI GO ROM 2:10

Wo, nne no lꞌlim ji kpꞌnobo, Esowo bahk-e kake ellub, a ekpunu, go elkoono. Jus ji bahke gboko mbang, Grik toono.

Hibru 2:7

A lim-e á jol rede rede sehnge babenjel mmongare ntiil, a fere ka-e ellub, a ekpunu ji li ka ntul.