1 Korint 16:15 - Ekajuk Scriptures NT

¹⁵ Abonanee, ń kpꞌkahne re, Stefanas, a nlaaga enye, bo ba gbo mbang taame tv ntul a Jisos go Akaya. Bobrod elbo kak go eltum Esowo, eji bo lꞌjo kak aneb Esowo ebo.

Ekajuk New Testament

¹⁵ Abonanee, ń kpꞌkahne re, Stefanas, a nlaaga enye, bo ba gbo mbang taame tv ntul a Jisos go Akaya. Bobrod elbo kak go eltum Esowo, eji bo lꞌjo kak aneb Esowo ebo.

1 Korint 16:15 Referans Kwoze

1 Korint 1:16

Oo, n tꞌtob wohngo Stefanas alahb fvfo, a aneb etahk ebe. N nehme kpe buumu, joare n kpꞌkpe wohngo nne nondiki alahb budu.

NWER NYI POL NYONO TV ANEB ERO BA LI GO ROM 16:5

Kaken aneb ero ba kpo kono nkon go bo etahk nnyo. Kaken Epanetus ekpondahme ejame nnyo, ye ji gbo mbang taame tv Kraist go Esia.

1 Pita 4:10

Ana wahn, nne awohng awohng ma bel ayare nyanye, nya Esowo m-e ka. Nobo re wahn ko, jo lim nnoobo ka atemtem, ana ane ba kpꞌmale ajoobo ayare nya Esowo go elkuuru nob nob.

NWER NYI POL NYONO TV ANEB ERO BA LI GO ROM 16:2

Á lꞌba, koon ye go mbing nyi Ntul a Jisos, ana fuumu re aneb Esowo jo lim, wahn jo kak-e ebo go ejum ajehng ajehng ji á lꞌseb. Tibre yebkak ane gbalee ebo, a mefono fvfo.

NWER NYI POL NYONO TV ANEB ERO BA LI GO ROM 15:25

Anv, n yahke ba eltahme go Jeusalem re me n song kak aneb Esowo ebo.

NWER NYI POL NYONO TV ANEB ERO BA LI GO ROM 12:13

Jo kaken aneb Esowo ebo, ba li go elehng nsol, wahn fere jo vvrv ajenne.

Ellennge 14:4

Ane bao ba li ane ba ki noongo a anebkal, tib eji bo li agol. Bo kpo toono mmon a njoro edi ajehng ajehng ji á lꞌje. Bo ba li agbokombang ane ba bo ma fak bo yake go ellong ane kpee ba li njini, ka Esowo, a mmon a njoro.

Hibru 6:10

Esowo li etingi nne. Á nehm yini eltum enahne ni ń kpꞌlimi, a elkoro ni ń tibi no, ni mbing enye kp-n koro, eji ń jo loko aneb Esowo, jol anv, ń kpi nlimi nlimi ano.

Failimon 1:7

Mmonannee, wahr ebbel egburu eyebatahng, fere bel ekakeltim tib go ega elkoro. Tibre wo wo ma lim re eltim yebe abon Esowo.

1 Timoti 5:10

Etingitingi nkalebun bahke bele elgahm ni á jo lim anoobo nsol, ana abon aleke tete bo gbal, fere jo vvrv ajenne, fere jo ru akpade nya aneb Esowo, fere jo kak ane ba nfem ma gbo tub bo ebo, fere yake elne ka, jo lim eltum anehng anehng ni nno.

1 Korint 16:17

Eltim ma-m yebe sehng, eji Stefanas, a Fortunatas, go Akaikus bo ma ba. Tibre bo ba li ane ba limi re, me m bel eyebatahng, eji ń ki li.

NWER NYI POL NYONO TV ANEB ERO BA LI GO ROM 15:31

eji Esowo lꞌtahr-m yehke go abo nya ane ba kala taame tv-e ba li go Judea, eji aneb Esowo ba li go Jeusalem lꞌko ekakebo ji m bahke bo ka go eyebatahng.

Eltum 18:12

Ngare nyi Gallio jolo ntubesi go Akaya, nyi nyi aneb Jus na, bulu Pol, bob-e tahm a ne go ekpꞌkpa esub.

1 Korint 16:1

Bade akpohko nya ń kpꞌtahbe re wahn song kak aneb Esowo bako ebo, ana n tongo aneb ero ba li go Galesa, tob limen ano fvfo!