1 Korint 14:35 - Ekajuk Scriptures NT

³⁵ Ejum ajehng ajehng ji bo lꞌseb re bo kahn, nong, bo jo bahb alum ebo go etahk. Tibre li ejum ndon sehng re, nnenkal jo bung go ekpꞌkpa ero.

Ekajuk New Testament

³⁵ Ejum ajehng ajehng ji bo lꞌseb re bo kahn, nong, bo jo bahb alum ebo go etahk. Tibre li ejum ndon sehng re, nnenkal jo bung go ekpꞌkpa ero.

1 Korint 14:35 Referans Kwoze

1 Pita 3:7

Aneblum fvfo, jo kahnen ana ḿ bahke jo fili akal ebahne, fere jo kak bo, jol eji bo ki bꞌbik a nahne. Tibre anebkal bahke tob bel ayare nya Esowo nya li elkpin a wahn a wahn fvfo. Jo limen ana, eji ero ebahne bi ń kpo kak lꞌkꞌjo kpaake go mbang.

Efesus 5:12

Tibre nsol nyi bo kpo lim mbehr mbehr, ebfili ndon sehng re nne bung bade.

1 Korint 11:14

Anv, go amahr nyaka nyaka, ń nehme ma nyehn re, li ejum ndon ka nnenlum re, alv esi tahb-e jvva?

1 Korint 11:6

Nnenkal no lꞌtong re á nehm bulu ejum go esi, nong, á kpud esi eje. Eji li ejum ndon re nnenkal kpud esi, nobo re á bulu na esi eje.

1 Korint 14:34

nobo re, anebkal jo belle. Fuumem re bo jo bung. Tibre anebkal sang kpo fili aneblum, ana ntahm nyi Moses bungu no.

1 Korint 14:36

Anv, wahn ba, alum Esowo lohng go egahna? Anv, wahn ba wahng ka alum Esowo ba noa?