1 Korint 1:30 - Ekajuk Scriptures NT

³⁰ Ye wo ka-n Jisos Kraist, eji ń lꞌjol go elkpin nꞌne. Kraist wo, Esowo m-e ko, lim-r e ma jol akahnkahn, fere li eno go ege esamahr, fere jol ejahre ejahre. Ye wo ma-r fak yake.

Ekajuk New Testament

³⁰ Ye wo ka-n Jisos Kraist, eji ń lꞌjol go elkpin nꞌne. Kraist wo, Esowo m-e ko, lim-r e ma jol akahnkahn, fere li eno go ege esamahr, fere jol ejahre ejahre. Ye wo ma-r fak yake.

1 Korint 1:30 Referans Kwoze

Efesus 1:7

Alung eme ma wahnge Esowo ma-r fak yake, fere tahm ka-r go egahre abiafem, ma kpꞌtibi afang nya nnoobo enye,

Filipai 3:9

fere jol ajehng a ne, kꞌjol nne no ma li eno jꞌje antahng. Anv, me n li eno go esamahr Esowo, ji nne bahke lehke á lꞌtaame tv Kraist, elkohn eno ji kpo lohng goji Esowo, ji ane ba kpꞌtaame tv-e bahke lehke,

NWER NYI POL NYONO TV ANEB ERO BA LI GO ROM 8:1

Fvfo, ane ba li ka Kraist Jisos nehm kpe li ebi ajehng ajehng go esamahr bi Esowo.

1 Korint 1:2

e kpꞌnyono nwer nyia tv aneb Esowo ba li go Korint, bao ba Kraist Jisos ma ru ntim ebo, fere yehke bo re bo jol ebo ebo ka Esowo, budu ane bao ba kpꞌkake ero edi ajehng ajehng go mbing nyi Ntul a Jisos Kraist ji li ntul abo, a ntul ewahre fvfo.

Efesus 2:10

Wahr ba li eltum ni Esowo limi no. Á lim-r goji Kraist Jisos re wahr lim nnoobo nyi Esowo toobo bum wuku wuku re wahr jo lim.

Kolosa 1:14

ye jio ji ma-r fak yake, fere tahm ka-r go egahre abiafem.

1 Korint 6:11

Egom ejahne jindiki jolo elkohn ane bao. Anv, Esowo ebru ntim enyahne, wahn ebjol ejahne ejahne ka Esowo, wahn ebli eno go esamahr Esowo tib go mbing nyi Jisos Kraist ntul ewahre, a etohko ji Esowo.

NWER NYI JON 14:6

Jisos kehm-e faange re, “Me wo li mbang, me wo li etingitingi, me wo li elkpin. Nnene limm, no bahke sehnge rehng goji Nsoo, tohko tiki jol re á sehnge go egame.

Galesa 3:13

Kraist wo ma-r fak yake go nkuk nyi ntahm ko no ba ka-r, eji á jolo ejum nkuk tib go egahre esi. Tibre nwer Esowo bungu re, “Nkuk li a nne awohng awohng no bo tohk-e go eti.”

Galesa 1:4

no yake elne ka tib go egahre abiafem, eji á lꞌtahr-r yehke go ebi eying jia ji anv, tib ana wo koro Esowo Nso ejahre.

1 Korint 1:24

Go ejang ane bao ba Esowo ma yehke bo, bo li ma jol Jus, bo li ma jol ane baka baka, etib bia ana, Kraist wo, ji li nsahm nyi Esowo, a elkahne.

Jems 1:5

Nne awohng awohng no elkahne lꞌrin-e, nong, á bahb Esowo, á bahke bele. Tibre Esowo kpo wehr abo, ka ane kpee, jol á kpehme memme.

Ellennge 14:4

Ane bao ba li ane ba ki noongo a anebkal, tib eji bo li agol. Bo kpo toono mmon a njoro edi ajehng ajehng ji á lꞌje. Bo ba li agbokombang ane ba bo ma fak bo yake go ellong ane kpee ba li njini, ka Esowo, a mmon a njoro.

2 Pita 1:1

Me Saimon Pita ji li nlokeltum no Jisos Kraist, a ntiingetib ewe, n kpꞌnyono nwer nyia tv ane ba ma bel ekakesehk ji nno a nno ana wahr, tib eno alehke ji Esowo, a ji Jisos Kraist ntꞌtahre ewahre fvfo.

Efesus 5:26

eji á lꞌjo lim bo, bo jol ebo ebo ngare nyi á ma lim bo ma bar, tib eji á ma wohngo bo alahb go ege alum.

Efesus 4:30

Kana jo lim re, Etingi Etohko ji Esowo jo jol ndon ndon, ji Esowo ka-n no ana elliingi ni kpꞌtibi re, efung kpꞌbake bi Esowo bahk-n fake yake.

1 Korint 12:8

Etohko jꞌnehm ji kpo lim nne noko jo bung alum nya nne a ngbere, jꞌnehm ji kpo tob lim nne noko jo bung alum elkahne,

NWER NYI JON 17:8

Tibre me m bung alum enya tong bo, nya a tong-m no. Bobtaame tv alum nyao, fere kahn go etingitingi re, me n lohng go ega ba. Boblohko taame re, wo wo tum-m no.

Hibru 9:12

Kraist yele edi ji sahb bꞌbar nkpelkpel anyehng, fere sa o. Eji á yele no, á koom alung ebul, a alung abon efong. Á ko alung mame yefono antahng, yel a ma, fere fak-r yake go njinanjini.

Taitus 2:14

ye ji yake elne ka tib go egahre esi, eji á lꞌfak-r yake go abꞌbi kpee, fere lim-r, e jol ane ba li saang ka-e, fere jo kak ekpuku go nnoobo alimi.

Efesus 1:14

ji á ko, bom-r esi, tib go ejum ji e bahke lehke elkv, tete ngare rehng nyi á bahk-r fake yake, wahr ji li ane ebe ba á ma-r gunu re wahr jo tehk ellub ene.

1 Korint 12:27

Wahn ane kpee, ngubjing nyi Kraist nyi. Nne awohng awohng ewahne li ejum ngubjing nyio.

NWER NYI POL NYONO TV ANEB ERO BA LI GO ROM 8:23

Nsol nyio nyi nyi sang, wahr ji kpi Etingi Etohko ji Esowo ka-r no ana ngbokambang ayare, e kpꞌtob tahng go egahre atahng, eji e kpꞌsiki Esowo re á lim-r, wahr jol abon ebe, fere fak agubjing enyahre yake.

NWER NYI POL NYONO TV ANEB ERO BA LI GO ROM 8:9

Wo, wahn limm ka ngubjing, ń li ka etohko, lꞌjol nyi etohko ji Esowo lohk-n wob go atahng. Nne awohng awohng no ki kpi etohko ji Kraist, ye nne ewe sang.

NWER NYI POL NYONO TV ANEB ERO BA LI GO ROM 5:21

Ana abiafem jo fili ane go nsahm nyi elkv, ano wo fvfo nnoobo nyi Esowo kpꞌfili ane go nsahm nyi etingitingi, fere ka bo elkpin ni li go njinanjini ni sehnge go abo nya Jisos Kraist Ntul ewahre.

NWER NYI POL NYONO TV ANEB ERO BA LI GO ROM 5:19

Ana nne awohng no ki wuk Esowo limi re ane gbalee jol aneb abiafem, ano wo fvfo nne awohng no wuku Esowo ma tob lim, eji ane gbalee bahke lehke eno.

NWER NYI POL NYONO TV ANEB ERO BA LI GO ROM 4:25

ye ji kpo no tib go egahre abiafem, Esowo fere nyahm-e go elkv, eji e lꞌli eno go ege esamahr.

NWER NYI POL NYONO TV ANEB ERO BA LI GO ROM 4:6

Devid fvfo tob bungu bade elfuulu ni nne kpo bel, no Esowo m-e fange kak go ellong ane ba ma li eno, ba ki lim eltum atahm.

NWER NYI JON 8:12

Jisos kehm kpe kehme elbungu a bo re, “Me wo li ellennge ni njini. Nne awohng awohng no lꞌtoon-m, á nehm kpe jen go ejannge, á bahke bele ellennge ni elkpin.”

NWER NYI JON 1:18

Nnene limm, no ma nyꞌnyehn Esowo, sehngem Mmon mmon awohng no li a Esowo bad bad, ye wo ma lim re wahr kahn Esowo.

NWER NYI LUK 21:15

Tibre m bahk-n kake alum nya ḿ bahke bungu, fere ka-n elkahne, eji anebekv ebahne lꞌkꞌma faange, fere jo ten.

Matiu 1:21

Á bahke jele mmon, no a bahk-e gungu mbing re Jisos (ji lohngo re ntꞌtahre). Tibre á bahke tahre ane ebe yehke go ebo abiafem.”

Ellennge 5:9

Bo jo yimi ese nfenfe re, “A fꞌfuumu re, wo ko nwer nyio, laade alak lennge, tibre bo ma-a wul, wobyake alung ema ka, gunu ane ka Esowo go nnahb anyehng anyehng, a ane ba kpo bung ajahbe nya bo ebo ebo go ejang njini abehng abehng, a ejahbe ajehng ajehng.

1 Jon 5:6

Jisos Kraist wo li nne no ko alahb, a alung ba a ma. Á koom alahb ma ma ba a ma. Á ko alahb ba a ma, a alung. Etingi Etohko ji li ntianse, tibre Etingi Etohko, etingitingi ji.

1 Pita 1:2

Wahn ba li ane ba Esowo Nsoo kahn-n wuku wuku, Etingi Etohko ji ma-n lim, ḿ ma jol ejahne ejahne, eji ń lꞌjo kak Jisos Kraist, fere bar tib go ege alung. Nong, nnoobo nyi Esowo, a elkoono ene jo kpe gbal na go egahne ellong.

Kolosa 3:16

Nong, alum nya Kraist jol a nahne go egahne ellong gbꞌgbal. Jo tiben, wahn fere jo rehke atemtem go elkahne ni Esowo kpee, eji ń kpo yim ase Saams, fere yim ase ero, fere yim ase nyako nya etohko. Jo yimen go egahne atahng ka Esowo, a saam akake.

Efesus 1:10

ngare lꞌbiingi, á bahke gohro lim ejum ajehng ajehng sehng goji Jisos Kraist. Owo á bahke koko nsol kpee nyi li go elbung, a nyi li go ndi, ba fadde edi ajehng go elwo ni Kraist.

1 Korint 12:18

Esowo kake ejum ngubjing ajehng ajehng edi ji kor-e no.

NWER NYI POL NYONO TV ANEB ERO BA LI GO ROM 16:11

Kaken Herodion nnyo, ye ji tob li nne a Jus ana me. Kaken aneb Esowo nnyo, ba li etahk Narsisus.

NWER NYI POL NYONO TV ANEB ERO BA LI GO ROM 16:7

Kaken Andronikus nnyo, a Junias, bo ji e wob ngbekobo ano, ba tob li Jus ana me, bo ji abatiingetib kpo kak bo. Bo ba gbo mbang taame tv Kraist ka me.

NWER NYI POL NYONO TV ANEB ERO BA LI GO ROM 12:5

Ano wo fvfo wahr tob li ngubjing anyehng a Kraist, jol eji e li li egom. Ejum ngubjing ajehng ajehng bobjabbe kono edi ajehng.

NWER NYI POL NYONO TV ANEB ERO BA LI GO ROM 11:36

Nsol kpee lohng go ege. Ye wo wahnge nsol kpee li no. Nsol kpee li ka ye. Nong, ellub jol ka-e go njinanjini. Emen.

NWER NYI POL NYONO TV ANEB ERO BA LI GO ROM 1:17

Tibre nnoobo etib bi kpo lennge ana nne bahke ma li eno go esamahr bi Esowo. Li ka nne no kpꞌtaame, fere soro asi ano. Ana nwer Esowo bungu no re, “Etingi nne bahke bele elkpin tib go ege eltaame.”

Eltum 26:18

A bahke bo amahr lennge, eji bo lꞌfere lohng go ejannge, feere ga ellennge, eji bo lꞌfere lohng go elwo ni nnehm, feere goji Esowo. Bo lꞌfere taame tv-m, bo bahke bele eltahmeka go bo abiafem, fere bel eyake go ellong ane ba Esowo ma yehke.’

NWER NYI JON 17:26

Me n lennge mbing enya ka bo. M bahke soro asi, jo lim ano ano, eji elkoro ni n kp-a koro lꞌwoomo go bo atahng, me n fere tob woomo go bo atahng.”

NWER NYI LUK 11:49

“Owo wahnge Elkahne ni Esowo bungu re, ‘M bahke tumu abanyehnamahr, fere tum abatiingetib tv bo. Bandiki, bo bahke wulu bo. Bandiki, bo bahke nohko bo,’

1 Korint 4:15

Afi ḿ bele atꞌtibi gbalee ba ki li go nfange, ń kpi nde awohng. Me n jol nso ejahne tib go alum nya Kraist Jisos nya m bungu no tong-n.

1 Tesalonaika 5:23

Nong, Esowo bio bi elkoono lim-n, wahn sahb jꞌjol ejahne ejahne, fere lim atohko enyahne, a ntim enyahne, a agubjing enyahne fere jol saang, wahn kꞌbel egahme ajehng ajehng efung bi Jisos Kraist Ntul ewahre bahke bake.