Zakaria 4:5 - Eipomek

⁵ Asipdesiba, na ap neika yupu talipmanumu malaikat arye, nati nyapnuk. “Aupmal ning ara, anda min kum bikmamu do?” nyabuka, nati asipdenukba, narye tamubuka, “Kume na nio, nara min kum biksa ati, na walwale,” nyapse.

Zakaria 4:5 Referans Kwoze

Zakaria 4:13

Asipdesiba, na ap neika yupu talipmanumu malaikat arye, nati nyapnuke. “Aning abitinye aupmal ning ara, anda bita moubuka kum bikmamu do?” nyabuka, nati asipdenukba, narye tamubuka, “Kume na nio, nara min kum biksa ati, na walwale,” nyapse.

Markus 4:13

Ayupu nyabukopura, Yesus arye el mapu 12 nang ati nyabuk. “Narye winipmanto yupu deice, yala ning doknin banmok yupu nyapmanu ning, nong noutamak ning kum kekepmalum do? Winipmanto yupu nyapmanua kum kekepmaluma ati, aminyan talak domon yupu nyapnamne ning babye, yata ubuka kekepnamlum do? Ati ara, na domon yupu nyapmanua ara, nong laka nyapnusine,” nyabuk.

Zakaria 1:9

Akuda basam yanuka tikmekba, narye amalaikat ati asipdese. Ara, ‘Naio, anda na deiyoknye, ayanuka tikmak kuda basam yala nirya ara, yata deiyok ati aunmak do?” nyabuka asipdese. Nyapsiba, elce tamubuka laka nyapnuke. “Aminyan talak winipnamle ning nirya ati, lak sukum arye, laka nyapdeipnamakine,” nyapnuke.

Daniel 2:30

Nara, an pil donanye birye, duknuna yupu ati, lak nyapnukine. Ara, nara kel weiknye kume. ‘Nara weik kelnye unune, sik yuk nang nirya ara, mitik kel nang unyake,’ tenena deice arye, kum nyapnune. Bukni, ‘Ance lengdar maplum ning, nong kel kina ap, tonda an kanye talima pum tam tenelyam ning ap, moubuka kel kipnulyam’ tenen, aning-aning nirya, lak lena deiyoknye, Allah arye nyapnuk ning ara, lak nyapnukine,” Daniel birye, Nebukadnesar ati, nyabuk.

Mazmur 139:6

Allah ance tenebuka, biklyam ning ara, narye aning nirya, kum tenebuka kel kipmanto unune. Allah an tenelyam ning, ‘Kel biktinye’ tenen, tenipdetinya babye, dipkoprob pia kum kel biktinye.

Kejadian 41:16

Nyabukura, Yusup birye nyabuk “Kume, na mikip deice aryuk, kum laka nyapkitinye. Bukni, ance, ‘Se, na lengdar deice eibsi ning deiyok dan do?’ tenen, ‘Se,’ tenenmalam ning ara, Allah elcuk laka nyapnamkutue,” nyabuk.

Zakaria 4:1

Asum na ap neika yupu talipmanumu malaikat ara, tuba tamubuka, na dam yayuk. Yayukopura, winipmanto ninye mapmakiba, yakirye bulilamaka atonun, yanuka bukeipnukce, nyapnuke.

Zakaria 4:4

Nyapsopura, narye adiparyuk, atikmok malaikat ati, asipdese. “Naio, awinipmal ning nirya eipman bukni, narye aning eipmana nirya ara, el deiyok ara, yata laka kin ning ati, upmal do?” nyabuka asipdese.