Zakaria 14:18 - Eipomek

¹⁸ Aning atonun tonda, atalak ara, sik Mesir mutuku nang arye, na Allah Yahweh dam kum yakirye, na si kum erepnikceura, aning winilamaka ara, anggun dam weik imun nakina yala arepnyeba, sik dam yanamle. Ara, sik yuk mutuku nang babye, weik kwalin talak, el si ‘Mitik Bai Aik Kwalyaʼ, na Allah Yahweh, na si eren ati, kum yanganamak nang, sik wenena ati, weik nakina yala arenamne ning ara, sik deice poupnamle. Mutuku sirya, im sirya nirya yanuka, na si kum erenamniak mutuku nang nirya ara, sik deice anakina yala arepnamne.

Zakaria 14:18 Referans Kwoze

Zakaria 14:15

Tonda, atalak babye, sik yuk mutuku nang, ‘Yerusalem mutuku unyak nang optinyeʼ tenen, unyak nang ati, Allah arye weik nakina arenamle ning ara, aning atonun, sik kuda basam ap, sik unta basam ap, sik keledai basam ap, ura sik anang arye weinyak ning nirya ati, weik nakina yala ning arepnamle.

Zakaria 14:12

Yata yu mutuku nang do nirya, sikce, ‘Yerusalem mutuku noutam unyak nang optinyeʼ tenen, pataplye nang yala-yala nirya ati ara, Allah Yahweh arye, weik imun kanye bobuka, ilil unamle nakina arenamle. Aweik imun nakina yala ning ara, ani. Sik anang ati areplyeba, anang sik asing ap, sitang ap, tonda sik nong bol nirya ap ara, sik kam tuba unamak talak babye, adiparyuk lyupnamle.

Zakaria 14:19

Awinipnamle ning ara, sik Mesir mutuku noutam unyak nang ap, tonda, sik yuk mutuku, im sirya, mutuku sirya nirya unyak nang ap, weik kwalin talak, el si ara, ‘Mitik Bai Aik Kalya sum ara, na dam kum yakcopura, sik wenena ati, weik nakina talin ning sik deice deipnamne.

Imamat 23:34

Israel ninye ati nyapnamlyame. Wala tekbarye ning, akunum uplirye, awala noutam tanggal 15 deice ara, Barasik Dolin Aik ati kwalina sum upnamle. Aning babye, na si erena ati, weik sum upnamsile. Asum deice deiyok koupmunce, anirye tekbarye sum deice ton, tabakuka pia upra banamlulume.

Yesaya 60:12

Wininamak talak noutam arye, ninye deiyok kibuka talinyakce unyak Raja nang ap, ninye ayala-ayala daunyak ninye nirya ara, anggun Israel ninye amu tam yanuka bukikirye, anggun amu tamuk pil kum dobikcopura, na Allah arye aninye ap, sik talinyak ning ap, sik mutuku ap ati obuka sirya daknirye, uku sice kiplopnamnarya. Aninye nirya ara, narye obuka kum kipdeipnamne.

Yesaya 66:23

Aning atonun, yata winiryuk ning kiplye talak arye, owala winiryuk wala kipnamle talak, anoutam talak nirya ara, ninye nirya yanuka, na si erenamniyake. Tonda, talye pil dona kumce, na si eren sum, Sabat sum kiplye talak arye dipdongobuka, ominggu kipnamle Sabat sum, anoutam talak nirya ap nirya ara, tukwak nang mutuku sirya, im sirya nirya unyak nang noutam ara, ton nang bulubukabikirye, na si erena ati, Yerusalem mutuku noutamuk bukni, na dam yanamakirye, na siuk erenamake. Na Allah Yahweh arye nyapmasina anya arye, aning nirya ara dipkoprob nong upnamlarya!

Mika 5:8

Atalak ara, Allah pia weik arye, el mikip dobuka Israel ninye deice deiplyopura, Israel ninye arye, sik mal olan nang nirya obuka, sirya daknamake. Winibikirye, sik mal olan ninye nirya ati, malye kibikirye, pia kum kipdeipnamake.