Yosua 8:9 - Eipomek

⁹ Aning nirya akunum nyabukura, Yosua birye el yin talin nang yupa pia weik, 30.000 nang wibuka dopdeibukba, Ai mutuku atam, Betel mutuku otambuk noutam duknulbiyik bukni, sik duknupmekak ara, Ai mutuku keting wekelban barat tam binuka, duknulbiyik. Winibikce, sik mal olan nang ati binuka kalikik. Binuka kalikik bukni, sik deiyoknye Yosua bira, el tam koproba nang, Israel ninye ara, sik tenda aik dopdeiamikak binuka mabik.

Yosua 8:9 Referans Kwoze

Nehemia 7:32

Betel mutuku ap, Ai mutuku ap, ulamik ninye yupa ara 123 nang ara, Yerusalem mutuku tamubuka yayik.

Esra 2:28

Sik apu yapu Betel mutuku nang ap, Ai mutuku nang ap ulamik nang, sikce deiamikba, dadeipdanin yangalamik nang ara, dua ratus dua puluh tiga (223) nang yayik.

Yosua 8:12

Yosua elce wibuk nang ara, mitik weikto nukuka ara 5.000 nang wipdeibukce, adiparyuk amutuku bukni, Ai mutuku ara, keting yangan tam orupmok bukni, sikda keting wekelban tam duknulbiyik. Yosua ap, el yin talin nang ap ara, Ai mutuku dana tam Betel mutuku dana tam, noutamak dungnubik.

Yosua 7:2

Daulamuka ani, aminyan talak aryuk, ninye si Yosua bira, Yeriko mutuku arye, Ai mutuku dilbana ati, ninye ton nukukabukce, wipdeibuk. Ai mutuku dilbana ati ara, tonok mutuku keting yangan tam, Betel mutuku dam, otam mutuku si Bet-Awen mutuku dilbiyik. Ara, Yosua birye, anang wipdeibukce, nyabuk. “'Ai mutuku unyak nang, obuka sirya daknamapʼ tenen, Ai mutuku ulul ning nirya, dilbimunce biknululume,” nyabukopura, anang wibuka deibukce, apil arukukba, biyik. Sik Ai mutuku dilbiyik nang ara, amutuku noutam ulamik nang ap, wilamik ning nirya ap ati, dilbiyikce bikik. Sik anang arye, pil arukamuk ning, akunum dobuka sirya dakikce, tamubuka, Yosua dam yayik.

Kejadian 32:21

Winibuka tenepce, Esau biti arepnamuk ning, menekuka dopdeipmokba, bobinmek bukni, elda, amutuku asukumuk mapmok.

Kejadian 12:8

Yangapdeibukce, asukum panabuka bisik banmoka ani, Betel mutuku bukni, keting yangan tam ara, mutuku kon welebukce binuka, tenda cang kain aik dobuk. Betel mutuku ara, keting wekelban tam, Ai mutuku ara, keting yangan tam noutam ara, el tenda aik dobuk. Asukum ton Allah el si Yahweh ati, el si erena ap, el arena ap ati, keil pala dobukabukce, keil yangapdeibukce, Allah el si Yahweh yukubukce morobuk.

Yosua 8:8

Winipmunce, Ai mutuku akunum ulubuka daklopmunyopura, anyasik nirya ara, adiparyuk uku dongopnamlume. Ara, Allah Yahweh arye, ‘Aning ara, winipnamlume,’ nyapdeibuk touk winipnamlume. Ara, na Yosua birye anggunti, ‘Winipnamlulume, winipnamlume,’ akunum nyapdeipsine. Ara, nun ni Allah arye nyapsuk touk, narye ton anggunti, nyapdeipsine. Aning atouk winipnululume. Yuk ning ton kume. Yosua birye, el yin talin nang ati, nyabuk.

Yosua 8:10

Yosua mapmoka ani, berekukopura, bukuk. Bukukce, winibuk ning ara, el ap mapmek yin talin nang ati, yupu nyapdeibukba, sik ap, sik yuk talye Israel ninye nirya ap, bulubuka wekelyayik. Wibuka wekelyayik ning ara, el ap Israel mutuku noutam talibuka ulamik ninye deiyok nang ap nirya arye, sik yin talin nang nirya ap ara, Ai mutuku asik domikak urasin tam arye biyik.

1 Samuel 30:27

Ara, sik Betel mutuku ulamik nang ap, Yehuda yala nang bukni, Ramot Negeb mutuku nang ap, tonda Yatir mutuku ulamik nang ap ati, Daud birye, abona bokuka, arebukba doprobik.