Yosua 8:20 - Eipomek

²⁰ Sik Ai mutuku nang ara, balye tam tamubuka dinmek. Dinmek buk, uku arye Ai mutuku sik asik nirya, uku dinmokba, auku tulum im dup welebukba eibik. Ebik bukni, sikce, ‘Se, dan tam bikbik abuka bitibye do?’ tenena pia kum ubuk. ‘Nun asik pum nirya ara, yuk nang arye, akunum uku dongopmasiyake. Tonda, nunce olbinmap nang ara, wini talak tamubuka nun opnusiaka ati, nun dam yangasiake,’ tenebikce, sik kanye walwal ubuk.

Yosua 8:20 Referans Kwoze

Wahyu 19:3

Ayupu nyanmikce, tuba tonap ayupu ton nyanmekba, kekepse. “Haleluya, nun nirya arye, Allah el siuk pia erenamabe. Allah arye Babel mutuku ulamik ninye talye yolalamak kil atonun ulamika ati, wenebukce, uku dopkwetepliba, auku dilirye, tulum welenamle ning ara, pia kum dankunamle. Atulum ara, pia welenamle.”

Wahyu 18:9

Aim deice arye nyanmoknye birye, ayupu tonap dukdongobuka nyabuk. “Allah arye, Babel mutuku ninye ati, wenebuka opliba, uku arye amutuku ulul ning nirya dilirye, weik tulum welepliba, yuk mutuku unyak ninye nirya eipnamake. Yuk mutuku weik ninye deiyok nang, Raja-Raja nang babye eipnamake. ARaja-Raja nang arye, Babel mutuku ninye ap yolalamikce, amutuku noutamak bona weik talin ning ulamuk ning, kanye delilamak ning ap, dekna weik ning ap, talibuka neika ulamik ning ap, uku diplirye, tulum welepliba, sik Raja-Raja nang arye, awelepnamle tulum eibicopura, pia ikin kanye bobuka, weik arye engenamake.

Yesaya 34:10

Aweik uku dinamle ning ara, pia kum bataknamle. Keting noutam babye, lukunyan babye, tuba dinauk unamle. Amutuku nirya, uku dilamlya ani, atulum ara, pia ati tuba panabuka weleplirye banamle. Amutuku tuku ara, malye weik upliba, batakikcopura, talye lo dem upnamle. Ninye kumak oldemuk upnamle. Winiplirye, dadeipdanin banamak nang nirya babye, amutuku noutam pia kum unamake. Tonda, atukwak ara, aminyan talak unamak nang babye, amutuku noutam bisik yanibuka kum banamake.

Mazmur 76:5

Se, nun ni Allah, anda pia telebuk ulyama ati, an dirina ara, pia weik ukulule. Tonda, minop talak bulamuk weik mutuku kon nirya ara, ‘Pia mambule’ tenenyap bukni, dipkoprob aning ara, mitik tonun bukni, anda teleb una ap, mikip una ap, ulyam ning ara, pia nukman kumto ubuka, pia telebuk ulyame.

Ayub 11:20

Bukni, sik malye winin ninguk talibuka, tuba malyeuk wininyak nang ara, sik deice ikin ning yalye babye, sikce, ‘Se, yata deiyok ati, aikin ning ara, yanmasil do?’ tenen, moubuka, pia kum biktinge. Ati sik anang ara, yatanye birye meliptu do? Pia kume. Tonda, sik anang, ikin ning doprobikcopura, aning batakuka, pia binmanto kum unamake. Sik anang arye teninamak ning ara, ‘Se, nunda isin tonok ton kum dasutuba, aning ara adiparyuk minop diptibye,’ tenena uk unamake.

Kejadian 19:28

Ara, el unmok mutuku kon tikmokak arye, weik lyu noutamak ubukba, otam Sodom mutuku ap, Gomora mutuku ap dipdeyuk. Dinmok bukni, aning-aning laka kum ubukba, weik tulum dem welenmokba, eibuk. Ara, weik wa sekenmakiba, tulum weik, welelamle touk wininmokak, eibuk.

Yosua 8:19

Yosua talipmok parang ya, pukuk talak ara, el yin talin nang nirya duknupmek nang ara, minopce tikikce, Ai mutuku asik dam, bikbik abuka biyik. Biyikura, anyasik pum wekikce, amutuku nirya, sik dem doprobik. Tonda, sik Israel mutuku yin talin nang arye, anyasik nirya uku dongobuka, sirya dakik.

Yosua 8:21

Atonun, Yosua ap, el amu tam yin talin nang ap, sik babye, atulum eibikce tenebik. ‘Kume wini talak ara, nun kayapu yin talin nang arye, Ai mutuku nirya ara, akunum obuka batakmakce, dopropmake,’ utenebik. Ati, Yosua ap, el mapu yin talin nang nirya ap, tamubuka, ‘Nun dobolyanmasiyak nang ara, sik Ai mutuku nang olbinuyapʼ tenen, sik aminyan tamubuka dobolbiyikce, nirya obik.

Hakim-Hakim 20:38

Ura, sik Israel tam yin nang arye, min yuma talak akunum yupu talibikce nyabik. “Nun weik tonun yin nang arye, Gibea mutuku nang ap olanmabya ani, anggun yin nang mitik dukunubuka unamlum bukni, lo ton awaplyopura, anyasik donyakak wekmunce, sik asik nirya uku dongopnamlume. Uku dongomunyeba, amutuku nirya ara, uku tulum weleplirya, dilye talak ara, nunce tamubuka anyasik donyaka dam bikbik abuka olyananmabe,” nyabik.

Hakim-Hakim 20:40

Utenebuka, kanye deipmek bukni, Israel nang duknupmek nang arye, Gibea mutuku asik nirya uku dongobikba, bikna kum talak, Gibea mutuku noutam ara, tulum weik welebukba, sik Benyamin yala yin nang arye eibik. Tulum weik welenmokba, sik Benyamin yala nang arye, sik balye tam tamubuka dinmekba, amutuku noutam ara, uku buk weik welebuka dinmokce, sik weik asik dolamika nirya dipmoka ak, eibikce ilil weik ubukce, imun kanye weik bobik.

Hakim-Hakim 20:41

Mambul kanye bobikce, atalak aryuk, sik Israel yala nang, sik yin talena kel weik nang, yupa weik tonun nirya ara, asum ara balye tam tamubuka bikbik abuka banmekce, adiparyuk tamubuka sik Benyamin yala nang tam tamubuka olalyayik. Winibikba Benyamin yala yin talin nang nirya, ilil pia weik ubukce, yok sirim talibuk, ‘Se anango, winira sik Israel yala nang arye, nun Benyamin yala nang ara, akunum opsikirye sirya dakmasiyake,’ tenebikce, ilil pia weik ubuk.