Yosua 21:11 - Eipomek

¹¹ Kehat el tam nang, sik duweit ati arebik mutuku ara, ani. Ara, Kiryat-Arba asik dobuka arebik. Ura, anyasik si ara, Hebron ton nyalamik. Amutuku ara, Yehuda tam bukni, iknapye noutam uamuk. Ninye si Arba nyalamik ara, anye elce deiamuk mi, el si ara, Enak ulamuk. Enak, el li koprop ara, Arba ulamuk. Tonda, amutuku si Kiryat-Arba, dana-dana tam uamuk cang mutuku ara, sik Yehuda yala nang ap, Simeon yala nang ap arye, sik sapi basam ap, domba basam ap, wein mutuku ara, lo weik uamuk mutuku ton bokuka, sik Lewi yala nang bukni, Kehat yala nang ati arebik.

Yosua 21:11 Referans Kwoze

1 Tawarikh 6:55

Ati, sik Kehat yala nang arye taleamik mutuku ara ani. Yehuda tam noutam bukni, anyasik si ara, Hebron mutuku arebik. Tonda, amutuku dam bukni, dipdongobuka, binamuk ani, amutuku dana-dana tam, amutuku dam tukwak maning teleb pamuk mutuku nirya ara, wibuka arebikura, sik Kehat yala nanguk atuku taleamik.

Lukas 1:39

Atalak aryuk, Maria kintinibukura, minopce Yudea noutam weik asik dolamik, mutuku dup awamukce welina ap, koulukuna ap, kipdanin binamuk mutuku biyuk.

2 Samuel 15:7

Absalom birye, aninguk winilamuka ani, keting tamun dumbarye akunum mabukopura, elce tamubuka, Raja Daud biti nyabuk. “Wini talak ara, narye anti, laka nyapkine. Na nio ance, ‘Telebe,’ nyapniminba, nara, Hebron mutuku binamne. Aning ara, urdem ati kume. Allah el si Yahweh ati nyapse. “An si eren ati, winipnamne,” nyabuka, nyalilamse ning ara, ‘Winipnamanʼ tenen, “Hebron mutuku binamne.”

Hakim-Hakim 1:10

Tonda, Ebron mutuku bukni, minop talak ara, amutuku bukni, mutuku si Kiryat-Arba nyalamik mutuku ulamik. Kanaan mutuku nang ati, binuka obikce, sirya dakik. Amutuku mal olalbiyikce, ninye deiyok nang, sik si ara, ani. Ara, Raja Sesai ap, Ahiman ap, Talmai ap, adeiyok-deiyok nang, sik yin bon nang nirya mal olalbinmekce, obuka sirya dakik. ARaja nang ap, sik taleamik nang ap ara, Yehuda yala nang arye binuka, obikce sirya dakik.

Yosua 14:15

Ura, minop talak ninye arye, Hebron mutuku ara, mutuku si Kiriat-Arba mutuku nyalamik. Arba nyalamika deiyok ara, minop talak amutuku noutam pia mikip weik ulamuknye, el si ton Arba nyalamik. Yosua birye, amutuku bokuka, Kalep bak arebukopura, amutuku noutam una ara, mal olana ap, ikin kanye bona ap kumce, pia teleb deice aryuk ulamik.

Kejadian 35:27

Yakub bira, Migdal-Eder mutuku batakuka, tuba tamubuka, el li dam biyuk. Ara, Mamre mutuku bukni, yuk mutuku si, Kiriat Arba dam binuka ulamuk. (Amutuku tonok bukni, mutuku si ton Hebron mutuku nyanyake.) Amutuku ara, el apu Abraham ap, el li Isak ap, ulamdik mutuku.

Kejadian 23:2

El dibuk mutuku si ara, Kanaan mutuku noutamak bukni, Kiryat-Arba mutuku, tonda amutuku bukni, si ton Hebron mutuku ton nyalamik. Dibukba, Abraham arye, ‘Se, na kil dipmanile,’ tenebukce, ikin kanye bobuka, engenmokce, malye yupu nyanmok.

Yosua 21:10

Amutuku asik ara, imam Harun birye deibukba, dadeipdanin yangalamik nang ati arebik. Sik mining nang, Lewi yala nang bukni, ninye si Kehat birye deibukba, deipdanin yangalamikce, ulamik nang, sik duweit nirya ati, arebik. Ara, Yosua birye, lake bikilin ning, el si undi dobukba, minopce sik si lake kibuk ati, sik unamik mutuku nirya ara, doprobik.

Yosua 21:12

Bukni, anyasik Kiryat-Arba nang ara, mining dam uamuk lo, weik tuku ap, tonda, anyasik dolamika dana-dana tam mitik asik dolamik ning ap ara, minop talak, Kalep biti, akunum areamik. Amutuku ara, Kalep el ning koproba ulamuka ati ara, Kehat el tam nang arye, amutuku noutam ton kum doprobik.

1 Samuel 30:31

Tonda, Daud ap, el yin talin nang ap, mutuku-mutuku nirya, neika balamik mutuku ulamik nang nirya ati, abona bokuka arebukba, sik ton doprobik.