Yosua 19:50 - Eipomek

⁵⁰ Allah Yahweh arye, “Aning ara, winibuka winipnamlume,” nyapdeibuk touk, sikce Yosua biti, arebik. Ara, Allah min arye, “Sik Israel nang ara, Yosua birye, “Amutuku tuku ara, na arepnululume,” nyabuka, morobukopura, atuku ara, anggunce el tibuk areplulume,” nyapdeibuk. Tonda, atalak babye, Yosua birye, “Nara, Efraim mutuku tam ubuk mutuku si, Timnat-Serah mutuku uk arepnululume,” nyabuka morobuk. Moropbukba, sik Israel nang arye, amutuku dobuka arebik. Arebikura, Yosua birye, amutuku noutam nirya ara, talibuka ulamuk.

Yosua 19:50 Referans Kwoze

Yosua 24:30

Yosua akunum dibukopura, el nong dobukabukce, weibik. Ara, Allah arye areamukba, Yosua el babye binuka doprobukce, ulamuk mutuku si, Timnat-Serah nyalamik mutuku, weibik. El nong dobuka, amutuku noutamak binuka weibik. Amutuku ara, Efraim yala nang talibuka, ulamik sukum aubuk. Tonda amutuku eitam bukni, outam bukamuk mutuku si ara, Gaas mutuku nyalamik.

Hakim-Hakim 2:9

Dibukopura, el nong bobuka, el minop talak ulamuk mutuku bobiyikce, tuku palibuka weibik. Amutuku ara, minop talak Allah arye elti, areamukba, el Yosua babye binuka aik dobukabukce, ulamuk mutuku si, Timnat-Serah nyalamik mutuku bobiyikce, tuku palibuka, Yosua el nong weibik. Amutuku ara, Efraim yala nang talibuka ulamik mutuku ulule. Yosua bira, Efraim yalanye ulamuka ati ara, amutuku noutam el nong weibik. Tonda, amutuku deice, outam uamuk mutuku ara, Gaas mutuku nyalamik.

1 Tawarikh 7:24

Efraim birye, kilmu ton deibuk. Akilmu el si ara, Sheera nyabuk. Sheera birye, mutuku si Bet-Horon itam mutuku nang ap, Bet-Horon arah utara mutuku nang ap, tonda Uzen-Sheera mutuku ap domuk. Ara, akil arye bulubuka, anyasik winilye domuk.

Bilangan 13:8

Efraim yala nang kan-kan ara, Nun el mi Hosea wipdeibuk.

Yosua 19:49

Amutuku-amutuku noutam uamuk tuku nirya ara, sik Israel nang akunum bokuka doprobikura, ton tuba aubuk mutuku ara, sik dopropmik mutuku tuku ara, sikce bokuka, ninye si Nun, elce deiamuk mi, Yosua biti arebik. Arebikura, elda amutuku tuku talibuka ulamuk.

1 Raja-Raja 4:8

Sik, adua belas (12) Bupati wipdeibuk nang, anirya deiyok kibuka talibukba, anang ara, el amu tam unamika ati ara, ninye deiyok nang kina ati, Bupati nang wipdeibuk. Sik adua belas Bupati nang, sik si ap, sikce taleamik mutuku si ap ara, ani. Ninye si Ben-Hur bira, Efraim mutuku tam taleamuk.