Yosua 19:10 - Eipomek

¹⁰ Yosua birye, tuku bokna ati, lake bikilin ning, el si undi dobukba, Zebulon birye deibukba, deipdanin, yangalamikba ulamik nang, sik duweit nirya ati, bokuka arebuk. Zebulon yala nang, sik duweit tuku sirya bokolonak ara, Sarid mutuku tuku arye binuka bokuk.

Yosua 19:10 Referans Kwoze

Yosua 18:11

Minopce sik unamik mutuku bokuka arebuk nang ara, Benyamin tam nang ara, sik yala yuk-yuk ulamik bukni, sik mapu nirya ati arebuk. Ayala nang, sik duweit nirya ati, arebuk mutuku ara, Yehuda yala nang ap, tonda Yusuf yala nang ap, sikti, areamukba, ulamik mutuku, dana-dana ulamika noutam uamuk mutuku, bokuka arebuk.

Yosua 18:6

Sik Israel tekbarye yala nang, talibuka unamak mutuku wilipa nirya ara, anggunce wilipmunce, na Yosua biti, yanuka arepnamnulume. Winipmunyeba, narye, Yata yala nang amutuku dopropnamaka do? Tonda, dan yala nang ton amutuku dopropnamaka do?’ tenen, narye lake bikilin ning, el si ara Undi, dopneba, Allah ati asipnyeura, Allah arye, ‘Sik ayala nang arye talibuka unamak mutuku ara ani,’ nyaplyopura eibibirye, ‘Sik unamak mutuku ara anyakaʼ tenen, biknamabe.

Kejadian 49:13

Zebulon, an yala ninye ara, weik laut mekwen kup-kup binuka unamake. Weik mok piripna doplye talak ara, laut mekwen deice balamle mek lia yo ara, ‘Piripna arye opsilyak’ tenen, sik unamak mutuku wekelbikirye, tia ati yanuka unamake. Sik unamak mutuku sirya ara, Sidon mutuku dam anyapce sekropnamle.

Yosua 19:9

Ara, Yehuda yala nang, sikce talibuka ulamik tuku ara, lo pia weik uamuk bukni, ‘Amutuku nirya ara, sik tuku ton doproptibye,’ kum tenelamik. Ati, Yosua birye, Yehuda yala nang arye dopromik tuku, bokuka Simeon yala nang ati arebuk.

Yosua 19:11

Wilinak ara, Sarid mutuku arye diprongobuka, binamuka ani, keting panalyangan tam mutuku ara, Marala mutuku dam binuka dukdongobuka, keting panalyangan tam bukamuk mutuku ara, Dabeset mutuku dam binukabukce, sekrobuk. Yokneam mutuku dam bukni, keting panalyangan tam ara, mitik mek, Yokneam mekin binuka dukdongobuk.

Yehezkiel 48:26

Isakar yala nang arye unamak mutuku wililonak dam arye ubuka, keting panalyangan tam dipdongobuka, keting kumulban tam mutuku ton, Zebulon yala nang ati, tuku ton bokuka arepnamlume.

Kejadian 35:23

Ura, Yakub birye delilamuk mapu ara, 12 nang ulamik. Yakub ap, Lea ap arye, delilamrik nang ara, sik si ani. Min yuma ara, Ruben deiprikce, aminyan talak Simeon ap, Lewi ap, Yehuda ap, Isakar ap, Zebulon ap, deiamrik.