Yosua 16:2 - Eipomek

² Amutuku wilinak ara, Betel mutuku arye binuka, dukdongopbuka biyukce, Lus mutuku tam dinikilbiyuk. Adinibuka, otam mutuku, Atarot mutuku bisibuka, Arki yala nang ulamik mutuku bisik balamik tamuk, binuka eibik.

Yosua 16:2 Referans Kwoze

Yosua 18:13

Amutuku arye, dipdongobuka binmeka ani, outam (ara selatan tam), Lus mutuku lilun nirya babye dobike. (Lus mutuku atibuk, yuk si ton si nyalamikce, Betel mutuku nyalamik.) Alus mutuku arye koulukuka, Atarot-Adar mutuku ara, utam (ara selatan tam) bukuk mutuku tam babye dobike. Ara, Bet-Horon-Hilir mutuku tam arye kibuka, outam binuka wilipdopnamlume.

Kejadian 28:19

Winibukce, amapmok mutuku si ati, “Betel mutuku,” nyabuka si dopdeibuk. (Ibrani yupu deice ara, Betel deiyok ara, ‘Allah el aik,’ tenebuka nyalamik.) Yakub mapmok mutuku mitik anun otam, ninye aik si ara, Lus mutuku nyalamik bukni, elce amutuku ati winiryuk si dopdeibuk.

1 Tawarikh 27:33

Yuknye el si ara Ahitofel, elce ninye deiyoknye Raja Daud biti, “Winina ara telebe, aning ara malye un ning ulule,” nyabuka, el yupu melina ati nyalamuka deiyoknye, tonoknye ton ulamuk. Aning ara mitik tonun ton, Arki mutukunye, el si ara Husai, elda, ninye deiyoknye Raja Daud, el kwit koproba ulamuka anya arye, Raja Daud el kanye pum tam uamuk ning ara, anye biti laka nyalamukba, el ap yupu sisiklamdikce, sik neika mining damuk ulamdik.

2 Samuel 16:16

Atalak ara, Daud el kwit Husai bira, atalak ara akunum kintinyamukce, Absalom dam binuka epdarikopura, Husai weik yupu arye, “Na ni, na patapmanil ning ara, anda Raja Absalom kam pia unalame. Na ni Raja kam pia unalame,” nyabuk.

2 Samuel 15:32

Nyabuka morobukce, Daud adiparyuk, Zaitun mutuku dup deice biyuk. Ara, amutuku deice ara, mince Israel nang weik, Allah el si erelbalamik. Amutuku deice biyuk talak ara, ninye ton, el si ara Husai, ‘Raja Daud epdananame’ tenen, aupmok. Husai bira, Arki mutukunye ulamuk. Husai bira, el ongon baju kweliklopmokce, el kisok deice ara, tuku butbuta cubuka banapdanmokce, aning nirya winipmok ning deiyok ara, el mambul kanye bopmuka ati, winipmok.

1 Tawarikh 7:28

Efraim birye deibukba, dadeipdanin yangalamik nang ara, sik ulamik mutuku ara ani. Ara, Betel mutuku ap, amutuku dana-dana tam uamuk mitik-mitik asik dolamikak nirya ap, tonda keting yangan tam Naaran mutuku ap, tonda keting koumulban tam Gezer mutuku ap, amutuku dana-dana tam bukamuk mitik-mitik asik dobuka, ulamik mutuku nirya ap, tonda Sikhem mutuku ap, amutuku dana-dana tam uamuk mitik-mitik asik dobuka ulamik mutuku nirya ap, amutuku dipdongobuka arah utara bukamuk mutuku nirya bukni, siryai bira, Aya mutuku ap, amutuku dam mitik-mitik asik dobuka ulamik mutuku ap, amutuku-amutuku nirya ara, Efraim yala nang, sik mutuku uk uamuk.

2 Samuel 15:37

Nyabuka ati ara, Husai kekebukce, tuba tamubukabukce, Yerusalem mutuku uk binuka unmok. Unmokba, Raja Absalom Yerusalem mutuku wekelbinuyuk talak ara, epdarikce, anyaik noutam binuka wekdik.