Yosua 15:2 - Eipomek

² Iknapye tam sirya ara, weik laut mekwen, el si Ikan Kam Una Kum Mekwen dam arye, dipdongobuka, iknapye tam biyik. Aliptam ara, el si ton, Laut Mati nyabuka, tuba nyanyake.

Yosua 15:2 Referans Kwoze

Yehezkiel 47:8

Eipseura, malaikat birye nyapnuk. “Amek ara, pu dobuka, keting panalyangan tam mutuku balule. Ara, amutuku noutam arye deiyok koubukce, outam ara, mutuku si Araba mutuku biyuke. Ara, Yordan mek koubuka, otam arye, atam ara, weik asik Yerusalem mutuku domik sukum ubuk. Anoutam arye, amek kebuka balamukce, Yordan mek dukdongamukce, karin sukum outam (arah selatan) ara, weik laut mek, el si Laut Mati, akunum min arye deibuk mek damuk balamukak eipse. Ura, aminyan min arye deibuk laut mek, Laut Mati noutam akunum balamuk ning ara, amek Laut Mati mek deiamukak, yu min-min nyalamuk ning ara, tonap tamubuka, teleb mek kipdeipnamlarya,” nyapnuk.

Yesaya 11:15

Allah arye Mesir mutuku dam weik laut mekwen deiamuk sukum ara, cepdeipliba gelal sepnamle. Allah elce weik ubuk kumanya dopdeipliba yalirye, otam weik balamle mek, el si Efrat mek ara, bokuka kan-kan tekbarye kibuka, mitik mek deiplirye, mek kaurwe kum kipnamle. Mekwen ara, dala upnamle ati, winiplyopura, ninye ara, yan baning arye, amek cepdoplya deice yanibuka, mek koubuka, otam talye mangkaua binamake.

Kejadian 14:3

Ura sik Bera ap, Birsya ap, Sinab ap, Semeber ap, Bela mutuku taleamuknye ap, sik nirya arye, ‘Yuk tam taleamik deiyok nang ati, neika olbinamap’ tenen, Sidim lyu mutuku bulubik. (Sidim lyu mutuku, el si ton, ‘Ua Laut Mekwen mutuku,’ ton nyalamik.)

Yehezkiel 47:18

Tonda, keting panalyangan tam wililonak ati ara, anyapce dipdongobuka binamunya ani, Damsyik mutuku ap, Hauran mutuku ap, atam ubuk bukni, danoutam ara, mek balamlye mek, Yordan mek ara, Gilead mutuku ubuk. Tonda, mek otam ara, Israel nang talipnamak tam aubuk. Amutuku arye iknapye tam (arah selatan) dipdongobuka balamunya ani, wilipdopnamlume. Ati Yordan mek ara, sik Israel nang, sik mutuku tuku wililonak upnamle ning ara, keting komulban tam, Gilead mutuku bukni, keting panalyangan tam binuka wililonamake. Israel nang talipnamak tam, anyapce dipdongobuka, iknapye tam anyapce, dipdongobuka binuka, wilipdopnamlume. Ara, Tamar mutuku binuka wilipdopnamlume. Aning ara, keting palanyangan tam wililonak upnamle.

Yosua 3:16

Winibukopura, mek deice yaribuka balamuk ning ara, baprongobukba, itam arye yangalamuk mek ara, eitam mutuku kilbiyuk. Mutuku si Adam bukni, ton mutuku si ara, Sartan mutuku dam ara, pia cang weik tonun tikukabukce, asukumuk tunim abuk. Winibukura, ton ning ara, utam mek ara, mekwen si ara, Garam Laut mekwen dam balamuk mek ara, bokukabukce, outam kilon, eitam kilon kibuk. Amek nirya ceprobukba, Israel nang nirya, amek balamuk bisik bukni, mikdopmok deice uk, keting yangan tam arye, Yordan mek koubuka, otam keting wekelbalamle tam, Yeriko mutuku tam biyik.

Bilangan 34:3

Selatan tam ubuk mutuku tuku ara, Sin mutuku pata arye dipdongobuka, Edom mutuku tam ap, anyapce ubuka, keting panalyangan tam, garam pia weik ulye weik laut mekwen el si ara Laut Mati, tonda Laut Garam mekwen nyanyak ning, asukum sekdongobuka, deibuka sirya tam ubuk tuku ara, selatan tam sirya tam upnamle.

Yosua 15:1

Yehuda yala nang arye deibikba, dadeipdanin balamik nang nirya, sik ulamik mutuku ati, bokuka doprobik ning ara, ani. Ara, iknapye tam arye, dipdongobuka binamuka ani, Edom mutuku wililamik sukum, arye ubuka, sirya tam biyik ara, Zin mutuku noutam biyuk.

Yosua 15:3

Laut Mati deice tam, iknapye tam bana ati ara, Akrahim mutuku kon tam arye, ubukabikce, Zin mutuku ara, pata mutuku biyik. Ton atouk, Kades-Barnea tam bukni, iknapye tam biyik. Tonda, Ezron mutuku tam kibukabikce, anyapce ubuka, Adas mutuku welebik. Asukum, welebik bukni, Ila tamubuka kepdeibuka, Hakrahim tam yayik.