Yosua 15:14 - Eipomek

¹⁴ Enak birye, deibukba, dadeipdanin biyik ninye ara, ani. Ara Sesai ap, Ahiman ap, Talmai ap deibukba, Ebron mutuku taleamikce, amutuku noutam ulamik. Bukni, Kalep birye, amutuku doprobukce, sik Sesai yala nang ap, Ahiman yala nang ap, Talmai yala nang ap, sikce talibuka ulamik noutam, Kalep birye, aninye nirya yakukce, sik taleamik tuku nirya, alabuka doprobuk.

Yosua 15:14 Referans Kwoze

Hakim-Hakim 1:20

Tonda, Ebron mutuku ara, Kalep ati arebik. Ara, minop talak Musa birye, “Amutuku ara, Kalep arepnamlyame,” nyapdeiamuka ati, anyapdeiamuk touk, Kalep ati arebik. Arebikura, Kalep birye, min talak Enak yalanye birye deiamuk nang, winilye nang amutuku talibuka ulamik buk, Kalep birye anang obuka, bataklamuk.

Hakim-Hakim 1:10

Tonda, Ebron mutuku bukni, minop talak ara, amutuku bukni, mutuku si Kiryat-Arba nyalamik mutuku ulamik. Kanaan mutuku nang ati, binuka obikce, sirya dakik. Amutuku mal olalbiyikce, ninye deiyok nang, sik si ara, ani. Ara, Raja Sesai ap, Ahiman ap, Talmai ap, adeiyok-deiyok nang, sik yin bon nang nirya mal olalbinmekce, obuka sirya dakik. ARaja nang ap, sik taleamik nang ap ara, Yehuda yala nang arye binuka, obikce sirya dakik.

Yosua 11:21

Atalak aryuk, Yosua birye, ninye si Ainakin nang, tonda Enak nang nyalamik ning ara, amutuku noutam ulamik ati, amutuku biyukce, aninye obuka, kum kipdeibuk. Ara, pala weik mutuku el si ara Raksasa, deiyok nyalamik mutuku ara, iknapye tam nirya, Hebron mutuku ap, Debir mutuku ap, Anab mutuku bukamuk noutam nirya ap, tonda Yudea noutam iknapye mutuku ulamik nang nirya ap, Israel tam iknapye mutuku ulamik nang nirya ap, Yosua birye, amutuku-amutuku nirya binuka olbiyuk. Sik amutuku noutam ulamik nang nirya ara, Yosua biryuk obuka, sirya dakuk. Tonda, sik talibuka ulamik weik asik dolamika nirya babye, kum kibikce, sirya dakuk.

Bilangan 13:33

Ton eibupu nang ara, ninye nong cang ap, konoba-konoba nang ap neikirye unyake. Ara Anek birye, deipkirikdop nang, sik yala si ara, Nepilim yala nang anye arye, sikce nunti dilina ara, talye kwising atonun elisinyake. Nunce sikti, aning atonun tenebupe. Sikce, nunti, ‘Ninye nong mitik nanguk,’ tenepsetinge. Ati nunce anang ati, obuka malye kum kiptibye,” nyabik.

Ulangan 9:2

Amutuku noutamak tonok yala ninye, sik ninye yala ara, Anakim ninye. Yuk nang, sik Anakim mutuku ninye ati, yupu nyapdeibikba, anggun akunum kel bikamlume. Ara, sik nong ara, cang pia weik nang nenyaka ati, yuk nang nirya arye, sik Anakim yala ninye ati nyanyake. ‘Se, anang ara, yata ninye arye sikti, obuka malye kipting do? Kum winipmanto,’ nyanyake.

Yosua 11:22

Winibuk talak ara, tonoknye babye, Israel nang ulamik mutuku noutam ara, Enak mutuku nang ton, obikce sirya dakik ati, tonok ton kum batikik. Bukni, Kat tam noutam, mutuku si Gasa mutuku ap, tonda, mutuku si Asdod mutuku ap, asukumuk sirya ton batakikba, Ainakin (Enak) nang mitik tonun tuba aulamik.

2 Samuel 21:16

Winibuk talak ara, weik cang ap, mikip weik ap, ulamik nang, anang arye deibikba, dadeipdanin yangalamik nang kankan noutam arye, tonoknye deiyok tonok, el si ara, Yisbi-Benob yayuk. Ayayuknye, el ninye ona ati, cang taica yo atonun ning, el si tembok tembaga deice arye, deibuka domuk, el ikin ara winilye ap, ton noutam dam ning ap, 3.5 kilo gram atonun uamuk. Atalak ara, Yisbi-Benob babye, winiryuk ya yu pia weik ning ap, bobuka yayuk. Ara, ‘Ninye deiyoknye Raja Daud opnamneʼ tenen, yu ya ton, winiryuk ning bobuka yayuk.