Yosua 10:42 - Eipomek

⁴² Yosua birye, tonok talak aryuk, amutuku noutam nirya ara, biyukce obuka ara, ninye deiyok Raja-Raja nang ap, sikce talilamik nang ap nirya ara, biyukce obuk. Israel nang nirya arye, amutuku noutam ulamik nang obik. Ara, sik mikip deice aryuk kume. Sik ni koproba Allah Yahweh arye, melibukce, el mikip sik Israel nang deice deibukba, obuka sirya dakik.

Yosua 10:42 Referans Kwoze

Yosua 10:14

Asum arye winibuk ning ara, minop talak arye diprongobuka, wini talak noutamak nirya, pia kum winilamuk. Aning ara, Israel ninye ap, Amori ninye ap, olanmek talakuk winibuk. Ara, Yosua birye, ‘Naio aning adiparyuk winipsutume,’ nyabuka morobuk touk, adiparyuk Allah el si Yahweh arye, talye tukwaknye bukni, Yosua moropmok touk, kekebukce winibuk. Atalak tonok aryuk winibuk. Winibuk ati ara, nun kele, atalak ara, dipkoprob Allah el si Yahweh arye, Israel ninye ati weik arye melibukba, sikce Amori ninye obuka, sirya dakik.

Mazmur 46:7

Tukwak mutuku-mutuku nirya unyak ninye arye, mal olanmakirye, weik lelim nyapliba, ngaluklamak touk, winibuka ngalukunyake. Ton tam ninye arye, yuk tam ninye ati, obuka sirya dakikiba, kum danalule. Allah arye tenepsilye sum, akunum kiplyopura, el yupu weik arye nyapliba, tukwak mutuku nirya, atu atonun ubuka kum danamle.

Mazmur 80:3

An mikip ap, dirina ap ara, Manasye yala ninye ap, Benyamin yala ninye ap, Efraim yala ninye ap, deice delinamsilyame. ‘Tonda an mikip ara, nun deice yan deipsimince, ancuk yanuka lyelonamsilam’ tenen, moropkine.

Yesaya 43:4

Winipsa deiyok ara ani. Narye anggun Israel ninye ati, pia bico tenesunune. Na kanye ara, anggunda ‘Naʼ tenen, ninye ululume. Anggunda akunum wipdeiamsa ati, narye lukparabuka wenebuka kum oplopsise bukni, anggun pununa ati, yuk pera mutuku ninye wenepsirye oplopse. ‘Israel ninye tuba kam unamak’ tenen, yuk mutuku ninye weik, punubuka wenepse.” Allah arye nyabuk.

Mazmur 118:6

Aning ati ara, na ilil upniliba, yok sirim kum talipnamnile. Ara, Allah Yahweh aryuk, pia tuba melinilyame. Ati ninye yuk nang, sik mikip deice arye, na damak yanuka, asilen ning ton kum winipnitinge. Ara, Allah arye tuba melinulula ati nyapne.

Mazmur 46:11

Allah Yahweh arye, ninye tukwak ninye nirya ati nyasulule. Anggunce, ngalukuka malye yupu nyamunye ning nirya ara, tunim aplulume. Nara, Allah Yahweh ununa ati, na siuk kel kipnululume. Yata ninye do, mutuku-mutuku nirya, daunyak ninye nirya arye, na siuk kel biknumunce, na siuk erenamnulume. Tonda, mutuku-mutuku nirya ululum ninye arye, na siuk erebuka, si erenamnululume.

Mazmur 46:1

Mot nyana ati deiyoknye bira, Daud deiyok kipnaba, sik Korah mutuku deipkirikdop nang nirya ara, Allah ati mot nyabuka, si erelamik.

Ulangan 20:4

Anyapmasin yupu ara, talye ati kum nyapsine. Deiyok ara, anggun ni koproba Allah Yahweh, elce melipra binamsile. Elce melipra banamsil deice arye, el mikip anggun deice deipsiliba, anggun mal olan nang nirya ati, obuka sirya dakanamlume. Ati ilil una meme.”

Keluaran 14:25

Tonda Allah arye arebukba, Mesir ninye sik kuda basam deice bukuka balamik ning yan nirya bental pum bisik wekukce, ben arye bibukba, yane kwinipman kum kibuk. Bibukopura, sik tuku deice bana ning nirya ikin kibukce, kum binmanto ubukba, Mesir ninye arye nyabik. “Nun kanye imun upsile. Allah el si Yahweh arye ‘Na mapu arye Mesir ninye obuka sirya daknamak’ tenen, Israel ninye ati melipmale. Ati, Israel nang binmakak batakuka, pia yukak bitibye. Anang asukumuk batakuka bindoptibye,” nyabuka ngalukunmek.

Keluaran 14:14

“Allah el si Yahweh arye sikti, Mesir ninye nirya obuka malye kipnamale. Elcuk aning nirya winilisulula ati, anggunce yata tenebuka winiptum do? Kum ati ara, anggunce kanye lamapdongobuka dinauk unamalulume.” Musa birye Israel ninye ati nyabuk.

Yosua 10:43

Anirya akunum winibikopura, Yosua ap, el yin talin nang nirya ap ara, sik Israel nang nirya, adiparyuk tamubuka, sik mutuku koproba, Gilgal mutuku uk, tamubuka yayik. Ara, sik tenda arye memebuka dolamik aik domik sukumuk, tamubuka yayik.