Yosua 1:17 - Eipomek

¹⁷ Nunce Musa nyapsuk yupu kekelamupu atonun, an yupu babye kekepnamabe. Winipnamap bukni, nun patapsilye ning ara, Allah el si Yahweh arye, Musa melilamuk atonun, ‘Yahweh arye an damnye biti, melinamkile’ tenen, patasulule,” nyabik.

Yosua 1:17 Referans Kwoze

Yosua 1:5

Tonda, Yosua an kam unalam talak nirya ara, tonoknye babye anti, kum opyaknamkile. Narye Musa meilyamse atonun, anti pia melipnamkine. Narye anti, pia kum bataknamkine. Neika ubirye, pia melinamsine. Tonda, anggun batakuka, yukak kum binamne. Neika uk unamabe,” Allah arye, Yosua biti nyabuk.

1 Raja-Raja 1:37

Na Raja Daud, Allah el si Yahweh arye, meliamnukba, teleb aryuk pil dolamse atonun, Salomo babye melipliba, teleb ubuka nun talibuka unamsile. Allah melisilya deice arye, ance taleamsulum talak ara, teleb ulamupu bukni, ‘Salomo birye talinamsil talak, pia teleb unamsil’ tenen, nyapne,” Benaya birye, Raja Daud biti nyabuk.

Yosua 1:9

Narye akunum nyapkise touk, pia teninamlyame. Ara, an adiparyuk, dib tenebuka, ilil pia kum aryuk, mikip arye unamlyame. Ilil una meme. Pia kanye lamapdongobuka unamlyame. Tonda, ikin upkiliba, ‘Se, na tuba kum winiptinye’ tenen, kanye mitang upkiliba, kanye talima lik una kume. Anggun binamlum mutuku nirya ara, nara Yahweh, anggun ni Allah, na si Yahweh arye melipsinirye, pia kalikinamsina ati, anggun ilil una ap, lik tenena ap, meme. Allah arye, Yosua biti nyabuk.

Matius 21:9

Yesus banmokak menekuka banmek ninye ap, aminyan yanganmek ninye ap, ‘Yesus ara nun weik ninye deiyoknye Raja upnamsile’ tenen, Allah yupu laka nyalamik nang, nabi nang arye minop talak sekamik yupu dobuka, ayupu weik arye nyapra banmek. Nyapra banmek yupu ara ani. ‘Daud el yala nang arye deibiknye bira, el pia telebe. Hosana. ‘El si erebuka gisal dobabe. Allah el mikip ap, el si ap deice arye yanmasilnye bira, Allah weik arye melipliba, telebuk ulule. Elda weik mambule. Allah anda, im deice umince, weik mikip ulyamnye bira, an si weik arye erepmakiyaba ati, hosana nyababe.’ (Mazmur 118:26) Nyabuka Allah ati weik arye si erenmek.

Mazmur 20:9

Nun mal olan nang ara, nunce obibiba, sik anang ara, yan dum dukliba, sakuka tuku deice poulbinamake. Bukni, nun Israel yala nang ara, opsitinga babye, tamubuka bukibirye, tikilongonamabe.

Mazmur 20:4

Tonda, nun ni Allah, el si erebuka kina ati, anggunce kam ning obuka, elti, areamlumce, uku dongolamlum ning nirya ara, ‘Allah arye tuba tenelirye, kanye delinamsil’ tenen, moronune. Diba, sik malye un ning kum daneibuka kilina ati, sikce kam ning obuka, elti, areamlumce, uku dongolamlum ning nirya ara, ‘Allah arye tuba tenilirye, kanye deilinamsil’ tenen, moronune.

Mazmur 20:1

Ninye deiyoknye Raja Daud birye Mazmur mot sekuk. Ara, Allah yupu mot nyana deiyoknye arena ati, sekuka arebuk.

1 Tawarikh 28:20

Ura, Raja Daud birye el mi Salomo biti ayupu ton nyabuk. “An talima noutam arye tenepmince, mikip kipnulyame. Tonda, ilil tenena kumce, aning ara pil dona ap, una ap uk unamlame. Ati ara, an ilil una ap, ilil arye, ‘Se,’ tenena ap, pia kum unamkile. Deiyok ara, na ani birye, el si eremnun Allah, Yahweh, elce an ap pil melibuka dopnamkile. Ati, an ni koproba Allah Yahweh arye pia kum bataknamkile, melinamkile. Atonun, ance Allah el si eren aik ap, anyaik pil donamak ning ap, anyaik dongopnamak ning ap nirya ara, tuba kintinibuka deilinamlam talak nirya ara, Allah elcuk, melinamkile. Winipnamkila deice arye, anyaik dona ati, pil donmaminya ani, aning nirya ara, sirya daknamlyame.

1 Samuel 20:13

Bukni, na ni birye, ‘Daud opnamne,’ tuba teneplye ning, kel biknyopura, na dipkoprob laka nyapkinirye, teleb kibuka kum opnamkiyak tenenakuk dopdeipnamkine. Aning kum winipnyopura, nun ni Allah weik arye wenepnilirye, pia ikin ning, na nong deice deipnamnile. Bukni, na patapnil ning ara, nyapnukine. ‘Allah el si Yahweh arye, anti pia weika arye melipnamkile’ tenen, Allah moronamkine. Ara, minop talak Allah arye, na ni koproba ati, weika arye meliamuk touk, wini talak ara, an Daud biti, ‘Weika arye melipnamkile’ tenen, ‘Se,’ tenenune.” Yonatan birye, Daud biti nyabuk.

Yosua 1:16

Yosua birye nyabukopura, sik Ruben yala nang ap, Gad yala nang ap, tonda Manasye yala nang noutamak, bokuka wilibik nang ap arye, Yosua biti tamubuka nyabik. “Telebe, ance nunti, yata pil yala arepnamsilam ning ara, nunce dukdongobuka, pil donamabe. Tonda, ‘Amutuku bilulume,’ nyapsiminyopura, amutuku uk banamabe.

Yosua 1:18

Nyabikopura, ayupu ton nyabik. “Yatanye do nirya, ance, ‘Winiplulume,’ nyabuka nyapminye yupu, kum kekeplirye, yaniplinye bira, nunce wenebuka oplopnamabe. Winipnamap bukni, anda ilil una kum aryuk, mikip aniryuk, Allah el pil dobuka unamlyame,” nyabik.

Bilangan 27:18

Nyabuka morobukba, Allah el si Yahweh arye Musa biti nyabuk. “Ance ninye si, Nun el mi Yosua yukupminyeba yanule. Yosua bira, na Dib Kanye akunum arepsiba, el talima noutam wekuka langdibukak ulule. El ti wibuka wipdeipnulama ati, an taruk el kisok deice deipmince wipnulyame,” Allah arye nyabuk.

Bilangan 27:20

“Nyabuka laka nyapminyopura, ‘Israel ninye nirya arye, el nyalul yupu kekebikirye, namin asa arye el amu tam dobolbanamak’ tenen, ance, na arepkise mikip dobuka, el deice deipnalyame.”

Ulangan 34:9

Ura, Musa tuba kam ulamuk talak noutamak arye, ‘Anye birye, na donun pil punuplirye dopnamle’ tenen, Yosua wipdeibuk. Yosua el li si ara, Nun nyalamik. Anye el mi Yosua biti, Musa birye, el dolamuk pil punubuka dona ati wibukce, el taruk Yosua deice deibukce, wipdeibukura, elti Allah morobuk. Winibukura, Allah arye Yosua bira, weik kel kina deiyok ning weik areamukba, weik kelnye ulamuk. Ati, Israel ninye arye, Yosua nyalamuk yupu kekelamikce, melibuka balamik. Ara, Allah arye, ‘Aning wininamlulume,’ nyabuka, Musa deice nyapdeibukba, Musa birye laka nyalamuk yupu nirya, kekebuka dobolbalamik. Allah arye Yosua deice meliamukba, Israel ninye bobuka balamukba, sik Israel ninye, el aminyan tam yangalamik.

Yosua 4:14

Asum ara, Allah arye Musa biti, meliyangalamuka atonun, Allah el si Yahweh arye, Yosua biti melibuk deice arye, Israel nang nirya ara, Yosua biti, ‘Se, elda pia weik mambulnye,’ tenelamikce, Yosua kam ulamuk talak nirya ara, anyuk tenelamik. Sikce, ‘Musa bira, pia weik mambulnye,’ tenelamika atonun, ‘Yosua babye, elda pia weik mambulnye,’ tenelamikce, Yosua eililamikce, sik ilil ulamuk.

1 Samuel 17:37

Ara, urdem ati kum nyapne. Kume, Allah el si Yahweh arye, nati lopdeipmanukba, weik yu kuse singa kus ap, bai ulamle kam ap, opse touk, Allah arye melipnilaba anye, Goliat babye, talye parapkabuka, oplopnamane. Daud birye nyabukopura, Saul birye, “Telebe, aning ati, Allah arye pia melinamkile anya arye, anye olbilyame,” nyabuk.

2 Samuel 14:17

Tonda, na akunum tenepse ning ara, ani. Ara, ninye deiyoknye Raja ance, nati, ‘Melipnamkine,’ nyapnuniminye yupu ara, dipkoprob anyalin yupu nyapdeipnunilam ning ara, melipnamnile. ‘Na kanye kwa dipnamnil,’ tenepse. Ara, talye ati kum nyapkine. Na kanye ara, nia anda, Allah el pil don nang malaikat atonunye ulyama ati, anda dipkoprob akunum kel bikmince, ‘Aning ara, teleb ning, aning ara, malye ning,’ tenepminyakarye, nyasilyame. Ati an si erelyamnye, Allah Yahweh arye, tuba kalikuka melipkilyeura, an wininalam ning nirya ara, ‘Telebuk unamleʼ tenen, Allah morokunune,” aTekoa mutuku kil arye, Daud biti ayupu nyabuk.