Yohanes 9:6 - Eipomek

⁶ Yesus arye nyabukopura, si maka tuku deice tulupdongobuka, Yesus el maka ap, tuku ap tabakukce, bental atonun winibuk ning dobuka, asing kunanye, el asing deice likdeibuk.

Yohanes 9:6 Referans Kwoze

Markus 8:23

Morobikbuk, Yesus arye anye binyuk taruk talipdongobuka, asik domikak batakuka, bai tam biyuk. Biyukopura, Yesus arye asing kuamuknye, asing bam bol deice Yesus si maka tuleibuk. Tuleibukopura, Yesus arye anye bira nong deice taruk talibukopura, asipdeyuk. “Aning-aning nirya eipmalam do?” nyabuka asipdeyuk.

Markus 7:33

Yesus arye anang abatakuka, anye el tonok dobuka, yukak bobiyuk. Bobiyukce, Yesus el taruk arye, anye amul pum bisik dana-dana kunukdongobuk. Kunukamuk buk, Yesus el taruk duk deice, si maka tulubuka deibukce, anye el sitang deice taruk duk deibuk.

Wahyu 3:18

Ati ara, narye anggunti nyapsine. Emas ning dobukapnarye, ‘Malye ning nirya kum danul’ tenen, uku dongopnaba, malye ning nirya uku dipliba, pia teleb uplye ning ara, anggunce na dam dekelyanganulum. Aning winipnumunyopura, dipkoprop bona uto-uto talin ninye atonun unamlume. Na dam yanuka pia lek kurun baju dekmunyopura, anggun talye nong demuk balamunye ninye ara, anggun nong bol lelna ati, teleb koprop kurun baju ongopmunce, teleb unamlume. Tonda, na dam yanuka asing likne obat, kweten ning dekmunyopura, anggun asing likmunyeba, teleb upsilyopura, teleb kibuka elinamlum. Wini talak ara, anggunce malyeuk winimunye ning ara, bita kum dilalulume.

Yesaya 35:5

Atalak ara, asing kuamlye ninye asing lapdeipliba elinamake. Amul kunukamlye ninye ara amul pakeipliba kekenamake.

Yohanes 9:11

Asipdeyikura, anye birye nyabuk. “Kume, el si ara Yesus nyanyaknye birye, maka tulupdeibuka, na asing deice likdeipnukce, ‘Anda Siloam mekwen dam mek likilbilyame,’ nyapnue. Nyapnua anya arye, Siloam mekwen binuka mek likmanuba, na asing akunum teleb upnile,” nyabuk.