Yohanes 9:32 - Eipomek

³² Anggun deiamsik talak arye diprongobuka, atalak nirya asing kuamuknye, talye ninye arye kwetelamikbuk, ayupu ton kekelamubu do? Kume, ara kum winipmanto ning anya arye, aning ara pia kum kekelamubu.

Yohanes 9:32 Referans Kwoze

Yesaya 64:4

Minopa donirye dipdongobuka wini talak babye, an Allah uminya atonunye ton ulamukba ninye elilamikce, laka nyalamikba, kum kekelamike. An tonok ulyama atia. Allah anti diba tenekinyak nang arye, ‘Allah aryuk melibuka lyepnamsile,’ tenekirye, kintinibuka dinauk unyak ninye ati, lyesilyamnye atonun ton pia kum ulule. An tonok ulyame.

Wahyu 16:18

Nyabukura, adiparyuk liman ap, bebeya lakna ap, weik lelim ap, weik mutuku lulukna ap ubukba eipse. Allah arye aning-aning nirya kwepdeibukce, ninye kwepdeibukba tukwak mutuku noutamak deibuk talak arye dipdongobuka, wini talak anoutamak talak nirya ara, mutuku lulukna weik aulamuk bukni, anirya talak nirya ara mitik tonun luluklamuk. Bukni, asirya daknamle talak luluknamle ning ara, mikip pia weika arye luluknamlarya. Amutuku lulukna, weik arye lulukunmokak na Yohanes arye eipse.

Ayub 20:4

Bukni, minop talak ara, Allah arye ninye tukwak nang kwepdeiamuk amutuku noutam deiamuk talak arye dipdongobuka, anoutam talak nirya ara, kel nang nirya arye akunum bikamik ning ara, an Ayub ton min kum biklum do?

Yohanes 9:31

Nun nirya kele. Malye tuba wininyak ninye arye Allah ati moroptinga babye, sik morobice ning Allah arye kum kekelule. Allah el ulul ning ap, el nyasilye yupu ap ulye touk, aninguk talibuka diksukumuk ululnye birye morolye yupu ara, Allah arye kekelule.

Yohanes 9:33

Anye Yesus ara, Allah arye kum dopdeiamtopura, ninye kum winipmanto ning, weik mambul pil tonok ning babye kum doptue,” nyabuk.

Yohanes 10:21

Nyabik bukni, ton nang ara, “Kume, amapo, elce nyapmasil yupu ara, isa arye ayupu atonun yupu kum nyaptue. Isa Mutuku Dongonye el mikip deice arye asing kuamuknye kweteptuba, teleb ubuka eiptu do? Kume. Anye bira isa talyamuknye kume,” nyabik.