Yohanes 8:40 - Eipomek

⁴⁰ Abraham winilamuk touk kum bukni, anggunce nati, ‘Anye bira dipkoprop opnamabe’ tenen, akunum kintinipmanulume. Allah arye nyapdeiamnuk yupu nirya, anggunti peteresunun bukni, anggunce, ‘El opnuyabe,’ tenenululume. Abraham arye aning atonun ning pia kum winilamuke.

Yohanes 8:40 Referans Kwoze

Yohanes 8:26

Anggun malye winilulum ninye ati ara, yupu weik arye nyapsinirye, wenebuka yupu bokeipnamsine. Na dopdeipnuknye bira, el yupu nyalye touk, anirya dipkoprop ulule. Talye yupu kum nyaltakalule. Elce nyapdeiamnuk yupu nirya ara, narye anggunti ayupu uk nyasunune.” Yesus arye nyabuk.

Galatia 4:29

Minop talak ara, Abraham birye Hagar domukce, talye deibuk mi el si ara, Ismael deibuk. Ton mi ara, Allah arye Abraham biti, “An mi arepnamkine,” nyalilamuka deice arye, Allah El Dib Kanye el mikip melibukba, Sara birye Isak deibuk. Talye pil melina kil Hagar domukce deibuk mi, Ismael bira, nepnin balamuka ani, akunum nebukopura, Sara birye deibuk mi Isak biti, el nong deice ikin ning weika arye delilamuk. Aning minop talak winilamuk touk, wini talak babye, atonun wininyabe.

Galatia 4:16

Peterelamsise talak ara, winibuka weik arye kanye deiyamnulum bukni, wini talak ara, anggun malye winipmalum ning ati, wenebuka dipkoprop yupu nyapmasina ati ara, anggunce, ‘Anye bira, nun like,’ tenenamnulum do, kum do?

Wahyu 12:17

Winibukba, Weik Mem Kwatima Urasin Atonye birye akil ati, yu weik ubukba, ‘Akil min arye deiyamuk mapu nirya epnirye oplopnun’ tenen, yukak biyuk. Akil arye deiyamuk mapu nyabuk ning ara, yuk nang ati kume. Ara Allah arye, ‘Wininamlulume, aning ara kum wininamlulume,’ nyabuka, nyalisulul yupu diba tenebuka ayupu dobolbanyakce, Yesus el laka teleb yupu talibuka, pia peterenyak ninye ati nyabuk.

Wahyu 12:4

AMem Yu Kwatima el amu cang mikip asa arye donmoka deice arye, im noutamak tuba uamuk kurya weika arye dobukabukce, tuku deice dopkwetebuk. Winibukopura, ami bomuk kil tikmokak, urasin dam tam kalikuka tikmok. Asukum tikmoka deiyok ara, ‘Akil arye mi deipkweteplyopura, na adiparyuk ami obuka dipnune,’ tenebukce, akil dam kalikuka tikmokak, eipse.

Roma 4:12

Aning atonun, nun Yahudi yala ninye babye, nun apu kopropa Abraham arye den bam bol sekna pil min kum doprobuk talak bukni, Allah ati weik arye diba tenyamuk touk, nun babye diba tenebibyopura, dipkoprop, “Nun apu kopropa Abraham usulule,” nyaptibye. Den bam bol sekenyap ning awamsilya babye, aning ara nong bol deice ninguk ulula ati, aning ara weik mambul kume.

Yohanes 8:56

Anggun apu koprop Abraham arye, ‘Anye bira aminyan talak yanamle,’ tenyamukce, kanye deibuka ulamuka ani, yase talak ara eibukce, weik arye kanye deibuk, nyapsine. Yesus arye nyabuk.

Mazmur 37:32

Malye winin ninguk, talibuka wininyak ninye arye, sik diksukumuk wininyak ninye ati, ‘Se, anang ara, nun like ati, lo dan talak ton uptuba, aninye optibye do?’ tenen, tuba kalikinyake. ‘Anang optipya’ tenen, patalyeba, duknunyakce, sik diksukum wininyak ninye ati, pia dinauk unyake.

Mazmur 37:12

Malye winin ninguk, talibuka wininyak ninye nirya arye, diksukumuk wininyak ninye ati, ‘Sik anang ara, yata wiriptibya deice arye optibye do?’ tenenyake. Tonda, ‘Anang ara, yata wiribuka opnamap do?’ tenen, sik malye wininyak ninye arye, anggun teleb winimunye nang ati, yu kanye bobikirye, malye yupu nyasinyake.

Yohanes 7:1

Yesus el melilamik nang weik, lik ubukba, batakik talak arye dipdongobuka anoutamak ara, Yesus arye Galilea mutuku noutam akuk peterepra balamuk. Sik Yudea tam noutamak ulamik nang, Yahudi yala nang arye, ‘Yesus optibye’ tenen, elti, kalikinmek ning ara, Yesus akunum bikmoka anya arye, Yudea tam kum banmok.