Yohanes 7:29 - Eipomek

²⁹ Anggun kum kel bikamlum bukni, na dopdeipnuknye Allah ara, elce dopdeipnukba, nara el damak arye yanamse ati, el bikamse,” Yesus arye nyabuk.

Yohanes 7:29 Referans Kwoze

Yohanes 8:55

Anggunce Allah ati dipkoprop kum kel kilulumce, el ap talima dukdongobuka kum ululum bukni, nara Allah dipkoprop kelnye unune. Nun neika unyame. Narye, “Allah na walwale, min kum kel kipne,” nyaptinya babye, ayupu dipkoprop kum uptu. Ayupu nyapnyopura, anggunda tilila yupu nyaninye ulalum tonun uptinye. Bukni, ayupu kum nyanamne. Allah ara na dipkoprop bikinune. El yupu nirya talibuka pia diksukumuk unune.

Matius 11:27

Allah morobukopura, el yupu kekenmek nang ati ayupu ton nyabuk. Na ni Allah arye, ‘Na mi Yesus, aning-aning nirya talibuka deiyoknye unamle’ tenen, akunum arepnuke. Ninye nirya tonoknye ton, Allah el Mi Koprop arye, el kanye talima noutamak tenelul ning ara, kum kel biktinge. Allah el Mi Koprop kanye talima ulye ning ara, Allah elcuk kel bikilulue. Ninye nirya tonoknye ton, na ni Allah el kanye talima noutamak tenelul ning ara, kum kel biktinge. Na ni Allah, el talima noutamak ulye ning ara, tukwak ninye ton kum bukni, nauk ara, el Mi Koprop arye kel bikinune. Tonda, ‘Narye peterenunba, na ni ulye ning kel kipnamak’ tenen, wibuka deipse nanguk, na ni Allah arye pataplyeba, tenelul ning kel biktinge.

Yohanes 17:18

Ance na dobuka, tukwak mutuku noutamak dopdeipnulum touk, narye na mapu ati dobuka, ‘Tukak mutuku noutamak, mutuku-mutuku nirya na laka teleb yupu, ninye lyen yupu nyalbinamak’ tenen, dopdeipne.

Yohanes 6:46

Allah im deice arye dopdeibuknye, elcuk Allah elilamuk. Yuk ninye nirya arye, Allah pia kum elilamik. Allah arye wipdeibukce, sik ak dopdeibuknye, eluk Allah eililule.

Yohanes 1:18

Minop talak arye dipdongobuka, wini talak noutamak nirya arye, nun tukwak ninye arye, Allah el urasin pia kum elilamubu. Bukni, nun ni Allah, el ulyak ululnye, el Mi Koprop, Allah ap neika ururaknye bira, Yesus arye Allah el ulul ning laka elilule. Yesus el ulamuk ning ap, yupu nyalamuk ning ap deice arye, Allah el ulul ning lak kibuka laka nyalamsuke.

1 Yohanes 4:14

Tonda, nun ni Allah arye, ‘Na Mi Koprop ninye mutuku-mutuku nirya lyepnamle,’ tenebuk ning ap, utenebukce Yesus dokwetepsuke deice arye batakukbuk, eibupe ning ap, ayupu bitinye tuba laka nyanyabe.

1 Yohanes 4:9

Allah arye utenebuk. ‘Yesus pil dopnamle deice arye, sik pia kam bukuka, Yesus mikip deice unamak’ tenen, Allah el Mi Koprop tonokuk ulamuk bukni, nun tukwak mutuku noutamak, nun tukwak nang nirya ati, Yesus akunum arepsuke. Yesus arepsuka deice arye, ‘Allah arye nunti, pia bico tenesulule’ tenen, kel kinyabe.

1 Yohanes 1:2

Kam Una Deiyoknye, Yesus tukwak mutuku yayukba, eibupopura, Yesus arye nun 12 nang wipdeiamsuke. Winyamsuk talak arye, el ulamuk ning nirya ati, laka nyabuka peterenyabe. Pia Kam Una Deiyoknye bira, el Li Allah ap neika deiulamrik bukni, nun dam yayukura, elilamupe. Elilamuburye, tonda, Pia Kam Una Deiyoknye, Yesus ati, laka nyabuka peteresinyabe.

Yohanes 13:3

Yesus ara, akunum kel bikamuk. Ara, ‘Allah el ulyak arye yase touk, tuba tamubuka el dam welepnamne. Na ni koprop arye, aning-aning nirya na amu tam akunum deipmanilba, na mikip deice arye aning-aning nirya malye kibuka bisiptinye,’ akunum tenyamuk.

Yohanes 10:15

Aning nirya atonun, na Ni Koprop Allah arye kel bikamnuke. Tonda, narye na Ni Koprop Allah ati, akunum bikamse. Narye, na domba basam ati ara, na talima ap, na kam un ning ap arenune. Ati, ‘Opnikcak’ tenena kum arye, na domba ati, pia kalekuka melinune.