Yohanes 6:35 - Eipomek

³⁵ Nyabikba, Yesus arye tamubuka adomon yupu nyabuk. Roti kwaning kam una deiyok ning ara, na uka. Yuknye ton kume. Yata ninye do nirya, nati moropnikirye, na dam yanamniyak ninye ara, wini talak arye dipdongobuka, doyanamle talak nirya ara, din pia kum patapnamle. Tonda, nati diba tenepnice ninye nirya ara, doyanamle talak nirya ara, mek pia kum patapnamle.

Yohanes 6:35 Referans Kwoze

Wahyu 22:17

“Allah El Dib Kanye ap, tonda Domba Mi Atonye birye, el dopnamle kil ato nang, sik diba tenenyak ninye ap, sik nirya arye nati, ‘Yanamle,’ nyabuka moroninyake. Ayupu kekebikirye, diba tenenyak ninye nirya arye nati, ‘Yalyame,’ nyabuka moroninyake. Yata ninye do nirya, kam una deiyok mek ati patalul ninye nirya ara, na dam yangana telebe. Tonda, ‘Se, amek ara dobuka diptinye’ tenen, pia pataliba, kanye talima engelul nang nirya ati, narye kam una deiyok mek, dekna kum urdem arye kwebuka arenamsin ati, amek patalul ninye nirya arye kam una deiyok mek dolyangana telebuka.”

Yohanes 6:41

Nyabukopura, sik Yahudi yala nang arye, Yesus ati yu ubukba, malye kanye bobuka, yuprobikce malye nyanmek. Yesus arye, “Nara, im deice arye yayuk kwaning, kam un kwaning roti deiyok ara, na uka,” nyabuka ati, sik yuk anye bopmek.

Yesaya 49:10

Sik aninye ara, din ap, mek ap, ton kum patapnamle. Tonda, mek kumak, pia pata mutuku unamak bukni, sik nong deice keting kum dinamle. Ara, narye sikti, bico tenebuka lyepromsinye, na Allah arye sikti, pia tuba kalikuka melinamne. Pata mutuku noutam unamak bukni, narye sik aninye bobukapnirye mek pu dam delilbanamne.

Wahyu 7:16

Allah arye aninye ati, pia melilamlya ani, atalak arye dipdongobuka aminyan doryanamle talak nirya ara, din ap, mek ap, pia kum patanamle. Keting bupu din ning, sik nong deice pia kum teng-teng anamle. Aning atonun, yuk weik tin ning nirya arye, sikti, tin upliba, uk kum dinamle.

Yohanes 6:37

Yata ninye do nirya, na ni koprop Allah arye arinilye ninye nirya ara, nati dib tenepnikirye, na dam yanganamniake. ‘Elcuk lyepnamsil’ tenen, na dam yanganamniyak ninye nirya ara, ‘Sikda na lik,’ nyabuka kum batakanamne.

Matius 11:28

Anggun kanye imun kanye bobuka ululum ninye ap, nong ap didik usilye ninye ap, ikin ululum ninye ap, anggunce anggun kanye imun usulul ning na nong deice deipnumunce, moropnumunyopura, narye melisiniba, ikin kanye bona kumce, teleb kanyeuk bobuka unamlulume.

Lukas 6:25

Anggun wini talak aning-aning nirya dimunyeura, bousulul ninye ara, kwaning patapsilyebuk, unamluma ati, se tenebuka kanye imun unamlume. Tonda, anggun wini talak arye, ‘Mambul ning anye’ tenena kum aryuk, talye kanye bobuka, teleb arye kanye deibuka pin-pin asa ulamlum ninye ara, aminyan ara imun kanye bobuka engenauk unamluma ati, se tenebuka kanye imun asa unamlume.

Yohanes 6:65

Aminyan ara dukdongobuka ayupu ton nyabuk. “Anggun kan-kan arye, ton nang ara dib kum tenenyaka anya arye, arup arye ayupu nyapmasine. ‘Yata ninye do nirya, na ni koprop Allah arye, ‘Yesus diba tenepnamake’ tenen, sik kanye talima kum tamuplyopura, nati diba kum tenepnamniyake,’ nyapmasine.” Yesus arye awekmek ninye nirya ati nyabuk.

Yohanes 5:40

Ayupu nirya ara, nati nyalul bukni, anggunce, ‘Kam una deiyok ning dolona ati ara, anye bira Yesus ati, dib kum tenepnamabe. Elda nun lik’ tenen, batakanululume. Nati, dib tenepnutumopura, kam una deiyok ning arepsitinye bukni, dib kum tenenululume. Yesus arye sik Yahudi yala deiyok nang ati nyabuk.

Yohanes 4:15

Nyabukura, akil mankau arye, ‘Mek sirika ati nyapmanile’ tenen, tamubuka nyabuk. “Ati naio, ance nyapmanilam mek arepnilyame. Aripniminyeura, mek pia kum patanamnile, asum-asum nirya tuku lukamuk mek kum kwelyanganamne,” nyabuk.