Yohanes 5:43 - Eipomek

⁴³ Nara, na ni koprop Allah, el si deice arye yase bukni, anggunce, ‘Yesus ara dipnye ulule’ kum tenenululume. Bukni, yuk talinye bira, el bidamnye si deice aryuk yatopura, anggunce, ‘Elda dipnye’ tenen, dib tenepnamlume.

Yohanes 5:43 Referans Kwoze

Yohanes 10:25

Nyabikba, Yesus arye tamubuka anang ati nyabuk. “Na akunum nyapsise bukni, anggunda dib kum tenepnulume. Na ni koprop, el si deice arye, ninye kum winipmanto pil donuna ara, aning deice arye akunum laka upsile.

Matius 24:5

Atilila nang nyanamsiyaka deice arye, anggun kanye talima nirya lipdakuka, yuk tam bobicak ati, anggun kanye talima kalikdamunce, moubuka unamlulume. Atilila yupu nyanamak nang ara, sik yupu kekebuka, sik tam nang kum kilonamlulume.

Yohanes 6:38

Anyapmasin yupu deiyok ara, im deice arye tukwak mutuku yasirye, ‘Na dopdeipnuknye, Allah el tenenilye piluk donamne,’ tenepsirye yase. Nara, ‘Na kanye aryuk tenenun ninguk tenebuka wininamne’ tenen, kum yase.

Yohanes 12:28

Ati na ni Allah, ‘Ninye nirya an pia teleb winiminya ara, lak kibuka eibikirye, kel kipnamak’ tenen, ance anminingsi erepnamlyame.” Yesus arye nyabuk. Yesus arye nyabukba, im deice noutamak arye, ninye yupu atonun yupu arye, Allah arye nyabuk. “Akunuma minop talak noutamak arye na si ereipse. Ila tonap na si ereipnamne,” nyabuk.

Yohanes 3:16

Allah arye diba tenen ninye nirya ati, kam pia bukeipnamsila deiyok ara nyapnusine. Ara, Allah arye ninye mutuku-mutuku nirya ati, bico tenenyamsukce, kanye weik arye areamsuka ati, el Mi Koprop tonokuk ulamuk bukni, tukwak ninye lyena ati arepsuke. Ara, ‘Yata ninye do nirya, el Mi Koprop ati, diba tenebicopura, pia kum dipnamak bukni, bol koplobuka kam una deiyok ning arepnibuk, pia kam unamak’ tenen, el mi tonok arepsuke.

Rasul 21:38

Min arye Mesir mutukunye, ‘Amutuku talilyanganyak nang obuka bisipnamap’ tenen, ninye on nang yupa weik 4 ribu nang bulubukaplumce, buru mutuku bobilumnye bira, an do? Yuknye do?” nyabuka asipdeyuk.

Yehezkiel 23:21

Winilamuka ati ara, akunum bikse. Oholiba! wel talak, Mesir mutuku ulamuk talak ara, el patana ap, tenena ap, winina ap nirya ara, pia malye weik ulamuk touk, wini talak babye, tuba winilule. Elce, ‘Se, sik Mesir mutuku nang arye, na moum talilamnikba, neika yolanauk ulamupu touk, amutuku nang babye, na dam yatingura, neika maptibyeʼ tenen, tuba tenelule. Aning ara, akunum tukwak uple. Allah arye nyabuk.

Yohanes 5:42

Anggun Yahudi yala deiyok nang ara, anggun winilulum ning ara akunum kel bikamsise. Na kele. Anggun kanye talima noutamak ara, Allah ati, dipkoprop kanye kum delilulume. Elti ara, dipkoprop dib kum tenelulume.