Yohanes 4:31 - Eipomek

³¹ Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.

Yohanes 4:31 Referans Kwoze

Yohanes 1:38

Melibuka banmarikbuk, Yesus arye el aminyan tamubuka dipdeyukce, abitinye nang dobolyanganmarikba eibukce, ayupu nyabuk. “Anggunda yata ning patasiliba, dobolyanganmanurum do?” nyabuka, asipdeyuk. Asipdeyukura, sik yupu deice arye, “Rabi Anda dan mutuku binuka unulam do?” nyabuka asipderik.

Kejadian 24:33

Aning nirya akunum winibikopura, anang sik dipnuyika ati, din ning boyayikce, sik bukmekak urasin dam kintinibuka deibik. Deibikura, Abraham el pil melinanye birye nyabuk. “Kume, amapo. Min yuma na yupu akunum nyapnyopura, aminyan ara, din ning dipnamne,” nyabukura, sikce, “Telebe, ati an tenepmalam yupu ara, nyapsiminyeba, kekepnuyabe,” nyabik.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Matius 26:25

Nyabukura, Yudas, ara Yesus yupu deipnamuknye birye, nyabuk. “Naie narye yupu delilbikiniba opnamkiyak do?” Nyabukba, Yesus arye tamubuka nyabuk, “Diba, ance yupu deipniminyeura, opnamaniyake.”

Matius 26:49

Yudas birye ayupu nyapdeipnuyuka ati, adiparyuk Yesus dam yayukce, “Na nie, na peterena deiyoknye,” nyabuka Yesus mutubuk.

Markus 9:5

“Naio, nun aunmaba ara, pia teleb ati, nun winilye nang arye buru aik ton doptibiba, asukumuk ulamtibye. Ton aik ara, anti, ton aik ara, Musa biti, ton aik ara, nabi Elia biti doptibye,” Peterus arye nyabuk.

Markus 11:21

Eibikce, Yesus nyapmok yupu kekepmoka anya arye, Peterus tenebukce Yesus ati nyabuk. “Naie, ayo dipdelyame. ‘Duk kum moupmenyeba ninye arye kum dakuka dinamkiyake,’ nyapmom yo ara, akunum kolupmale,” nyabuk.

Markus 14:45

Yudas arye ayupu nyapdeibuk ati, adiparyuk Yesus dam yayukce, “Na naie,” nyabuka Yesus ati mutubuk.

Yohanes 1:49

Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.

Yohanes 3:2

Lukunyan noutamak arye, Yesus dam yanmokce, Yesus ati ayupu nyabuk. “Naio, ance ninye arye winipmanto kum ning, mambul pil weik dominya ati ara, yatanye do nirya, Allah el mikip deice kum meliptopura, ato pil kum doptue. Talinye birye, apil kum dopmanto anya arye, nun kele. Allah arye dopdeipkukba, anda Allah yupu peterena deiyoknye ulyame.” Nikodemus arye, Yesus ati nyabuk.

Yohanes 3:26

Anang ara, Yohanes el dam yanmekce nyabik. “Anda, peterena deiyoknye ulyame. Ance nyapsulumnye, Yordan mek otam, an ap neika unmarumnye bira, ninye weik mek dongonmale. Tonda, ninye weik arye, ‘El yupu kekepnuyap’ tenen, el damuk yanganmake. Aning ara, teleb do, malye do. Anda yata tenepmalam do?” nyabuka asildenmek.

Yohanes 4:30

Nyabukura, anyasik ninye nirya sik asik batakuka, Yesus bukmokak dilbiyik.

Yohanes 4:32

Nyabikura, Yesus arye tamubuka nyabuk. “Na dina atonun upmanil ning ara, anggunda kum bikmaluma anya arye, kum tenipmalume,” nyabuk.

Yohanes 6:25

Sik Betsaida mutuku ninye arye, mekwen deice banmeka ani, mekwen otam Kapernaum mutuku yayikce, Yesus enmeka ani, Yesus aunmoka ak, eibik. Eibikce, Yesus ati asipdeyik. “Nun Peterena Deiyoknye, anda yata talak arye amutuku yanmomu do?” nyabuka asipdeyik.

Yohanes 9:2

Yesus wipdeiyamuk nang, 12 nang ap, Yesus ap banmeka anya arye, sikce Yesus ati asipdeyik. “Naio, anye birye asing kun mi deibika deiyok ara, yata arye do? Deiyok ara, el li ap, el lin ap malye winilamrika deice arye, asing kun mi deiprik do? Anye bira elcuk malye ulamukba, adeiyok arye asing kunanye ulul do?” nyabuka asipdeyik.

Yohanes 11:8

Bukni, Yesus el mapu arye, “Kume, Naio. Winiryuk talak ara, sik Yahudi deiyok nang arye anti, ‘Anye opnuyap’ tenen, keil dobuka kintinipmek bukni, anda ‘Tamubuka binune,’ tenepmalama ara yata ati do?” nyabik.