Yohanes 3:26 - Eipomek

²⁶ Anang ara, Yohanes el dam yanmekce nyabik. “Anda, peterena deiyoknye ulyame. Ance nyapsulumnye, Yordan mek otam, an ap neika unmarumnye bira, ninye weik mek dongonmale. Tonda, ninye weik arye, ‘El yupu kekepnuyap’ tenen, el damuk yanganmake. Aning ara, teleb do, malye do. Anda yata tenepmalam do?” nyabuka asildenmek.

Yohanes 3:26 Referans Kwoze

Yohanes 1:7

Yohanes yayuka deiyok ara, Allah arye, ‘Ninye talima Dirina Deiyoknye biti, Yohanes birye laka nyabuka petereplibuk, ninye mutuku-mutuku nirya kekebikirye, adirina deiyoknye dib tenebica deice arye, kam unamak’ tenen, dopdeibukba, Yohanes yayuke.

Yohanes 12:19

Ninye yupa weik arye Yesus dam balamikbuk, sik Farisi nang arye nyapdayik. “Se, anye biti yupu sekmaba ara, nong kum upnamsile. Dipdelulume, amutuku-amutuku ninye nirya ara, el tam kipropmaka atia,” nyabuka nyaldanmek.

Yohanes 11:48

Elce pil donmala ara, yupu kum sekipyopura, apil atonun tuba doplyopura, amutuku ninye nirya arye elti, dib tenepnamake. Elti dib tenebikirye, el si erebikcopura, akunuma, amutuku nirya talisinyaka deiyok nang, sik Roma mutuku nang arye wenelyanamsiyake. Sikce, nun Yerusalem dobupu aik, Allah el si erena ati, weik mambul aik daklopsikirye, nun Yahudi yala ninye nirya yanisikirye nun wenena ati, amutuku arye yaknamsiake,” nyanmek.

Yohanes 1:15

Dib tenelamik ninye ati, mek dongolamuknye Yohanes Pembaptis birye, ninye kanye noutamak dirina deiyok ning aresululnye biti, weik yupu arye nyalamuk. “Ayanmalba, eipmalumnye bira, akunuma. Min arye elti, nyalamsise. Na min yasibuk aminyan tam yanamlanye bira, na min kum deiamnik talak, el akunum kam ulamuka anya arye, elda weik mambulnye ulirye, na deice tam ulule. Nara, mambul kumnye binya arye, elda na deice tam ulule. Nara, mambulnye kum bukni, elda weik mambulnye ulule.” Yohanes birye nyabuk.

Yesaya 45:23

Dipkoprop, na Allah Yahweh arye akunum nyapsine. Pia teleb koprop diksukum yupu uk nyapmasina ati, kume kum danamle. Na nyapsinye yupu ara, dipkoprob unamle. Na aryuk nyasunun ati, na nyapsise yupu ara, tuba tonap tamubuka kum doropnamne. Ati, ninye mutuku-mutuku nirya arye, na dam yanuka, gutam tuku dipdongobikirye, natibuk si erenamniyake.”

Yohanes 3:2

Lukunyan noutamak arye, Yesus dam yanmokce, Yesus ati ayupu nyabuk. “Naio, ance ninye arye winipmanto kum ning, mambul pil weik dominya ati ara, yatanye do nirya, Allah el mikip deice kum meliptopura, ato pil kum doptue. Talinye birye, apil kum dopmanto anya arye, nun kele. Allah arye dopdeipkukba, anda Allah yupu peterena deiyoknye ulyame.” Nikodemus arye, Yesus ati nyabuk.

Yohanes 1:9

Ninye mutuku-mutuku nirya sik melina ati, dirina deiyok ning arena deiyoknye, Dib Koprop Dirina Deiyoknye yanamuka ati, Yohanes bira, kintinilina ap, laka lena ap ati yayuke.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Penghotbah 4:4

Tonda, yuk ning ton tenipsi ning ara, ani. Ara, na kanye ara, yata nang do nirya, sik mikip arye pil donyak ning ara, winibuka tenepse. Ara, sikcuk, ‘Sik yuk nang arye talinyak ning ara, na babye ton taliptinyeʼ tenen, sik kwit capu arye do, yuk talya daunyak nang arye do, anang arye talibuka ulamne ning tonok tenekirye, ‘Na ton, aning nirya ara taliptinyeʼ tenen, mikip arye pil donyake. Aninguk tenebuka ulamikce ning nirya ara, talye nong una kum ninguk teninyake. Winipmanto ara, kumanya mikip arye lulukunmaliba, ‘Aning talipnunʼ tenen, bikbik abuka dobolbatinga babye, kumanya ara kum talipmanto ati, atenen ning ap, mikip arye pil donyak ning ara, nong kum upnamle! Aning nirya ara, talye uka.

Mazmur 65:2

Nun nirya arye, “Nun ni Allah antibuk, nun deiyoknye pia teleb ulyame,” nyabuka, Sion mutuku noutamak arye, an siuk pia erenamkiyabe. Tonda, nunce anti, “Nun ni koproba Allah, el siuk erebibirye, el yupu kekebuka unamabe. El amu tam ubirye, el piluk donamabe,” nyabuka, nyalin yupu deice arye nyabupu touk, dipkoprob aninguk, talibuka wininamabe.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Yohanes 4:1

Ura, yuk talak ara, ninye arye, “Kume, Yohanes arye peterelululba, ninye mitik tonun dem arye, el yupu dib tenebuka, elti, dobolyanganyakba, mek dongolul bukni, Yesus ara, el yupu petereliba, ninye yupa weik arye elti, diba tenebuka, el yupu ati melinyakba, ninye weik arye mek dongolule,” nyanmek. Sik nyanmekak, Farisi nang arye kekebik.

Yohanes 4:2

Dipkoprop ning ara, Yesus elcuk ninye dobuka mek kum dongolamuk bukni, elce, ‘Na yupu dobuka peterelbinamak’ tenen, wipdeiyamuk mapu arye, diba tenyamik ninye dobuka mek dongolamik.

Yohanes 4:31

Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.

Yohanes 5:33

Aning atonun, anggunce Yohanes dam ninye dopdeiplumba, nati asipdeyikopura, Yohanes arye dipkoprop yupu akunum nyapsukba, kekeplume.