Yohanes 20:13 - Eipomek

¹³ Maria arye eibukba, amalaikat bitinye arye elti, asipderik. “Akilo, anda yata deiyok ati engenmalam do?” nyabuka asipderik. Asipderikbuk, Maria arye, “Kume, na deiyoknye Yesus, el nong asukumuk weipmangu bukni, winira yuk nang arye dobuka, yukak bobinuka weipmakak ara, na walwale,” nyabuk.

Yohanes 20:13 Referans Kwoze

Yohanes 20:15

Yesus arye elti, “Akilo, yata deiyok ati engenmalam do? Yatanye biti elyanmalam do?” nyabuka asipdeyuk. Asipdeyukura, Maria arye, ‘Ayupu nyapmalamnye bira, ayo kan-kan noutam ninye weinak pil dona deiyoknye,’ tenebukce, nyabuk. “Amio, Yesus el nong dobuka yukak akunum deipmarumunyopura, el nong weipmarumunyak laka nyapnutumtoura, narye el nong dolbitinye,” nyabuk.

Yohanes 2:4

Nyabukura, Yesus arye tamubuka nyabuk. “Nongo, yata ati ayupu nyapmanilam do? Allah arye teneamnuk talak kabula dam kum upmanile,” nyabuk.

1 Samuel 1:8

Winipna talak ara, el domuknye, Elkana birye Hanna ati nyalamuk. “Yata deiyok ati, Hana anda engenauk umince, din nun ap neika kum dinyap do? Tonda, yata deiyok ati, ikin kanye boplum do? Tonda, anda, ‘Mapu tagu barye (10) deiptinyeura, kanye telebe tenelyam do? Ara, mitik ikin bukni, nara weik mambule,’ kum tenemince do?” nyabuka asilelamuk.

Rasul 21:13

Malye nyabuka morobupubuk, Paulus arye tamubuka nyapsuk. “Na akunum tenepsirye binamna anya arye, anggun malye nyabuka, engenmaluma deice arye, anggunce nati mitang kipdeipmanuluma ara, yata ati do? Tonda, Yesus el si ati ara, Yerusalem mutuku binibuk, tapu kouna babye, na nong ona babye, dawinipnamniake. Na akunum tenepsa ati, aning nirya ara, telebuka,” Paulus arye nyabuk.

Yohanes 20:2

Aning eipmoka ati, Simon Peterus ap, Yesus el yupu kekelamukba, kanye deiyamuknye ap, sik dam bik-bik abuka biyuk. Biyukura, nyabuk, “Se, nun deiyoknye Yesus, el nong ara yuk nang arye ubula dobuka bobinmaka anya arye, el nong weipmongak ara nun walwale,” nyabuk.

Yohanes 19:26

Sik nirya tikmeka noutamak arye, Yesus el lin Maria ap, Yesus wipdeiamuknye, el kanye weik arye deiyamuknye ap, neika tikrikba, Yesus arye eibuk. Eibukce, el lin biti nyabuk. “Nongo, an mi atia,” nyabuk.

Lukas 24:17

Sik banmeka ani, bisik noutam ara, Yesus arye abitinye nang ati, asipdeyuk. “Anggun bisik banmarumce, yata yupu talipdanin banmarum do?” nyabuka asipdeyuk. Asipdeyukura, sik bitinye nang atikilbirikce, ‘Se’ tenen, koupdongobuka tukwak dinmarik.

Penghotbah 3:4

Tonda, engen talak ap, akutun talak ap, engelamak talak ap, kanye deibuka mot selamap talak ap nirya ara, Allah arye tenelye touk, lo arisiliba wininyabe.

Yeremia 31:16

Na Allah Yahweh arye, nyapkine. “An engenmalam ning ara, asing maka kilipminba, cepropnamkile. An ikin kanye bopmalam ning ara, bataknulame. An mapu ara, anggun mal olan nang arye tomobuka, wenen aik deibik ning ara, batakdongobikiba, amutuku tamubuka yanganamakca, nyapkine. Na Allah Yahweh arye nyapkine anya arye, dipkoprob nong upnamlarya.