Yohanes 2:15 - Eipomek

¹⁵ Sik nirya wininmeka ati, Yesus ara yu ubukba, tapu dobukabukce, ninye libukne ning pibuka, anang sik nong deice libuklobuka, bai tam yakuka dopkwetebuk. Ara, ‘Allah arena aik dam ara, apil kum dopnuyak’ tenen, anang ap, sik sapi basam ap, domba basam ap nirya, bai tam dolkwetenmok. Sik yo bok dekuka dekenmek nang ati aning ara, sik meja tomobuka yamuplopbukce, sik keil uang nirya yamubuka donokuk. Aning dekne nang babye, anyasik dam arye bai tam yakuka dopkwetebuk.

Yohanes 2:15 Referans Kwoze

2 Korintus 10:4

Diba tenena kum ninye arye, ‘Opsilye ning malye kipnamap’ tenen, talye tukwak yin talibuka olbalamak touk kum unyabe. Sikda, talye tukwak yin talibuka olbalamak bukni, nun talinyap ning ara, pia yuke. Allah arye el im deice mikip ulul ning melisiliba, malye ning malye kina ati aning winibuka yanilongonyabe. Yin talin nang arye, anggunti opsikce ninye ati, sik domikce asik mikip asik uptu babye, anyasik nirya uluplobikirye amutuku ninye nirya obuka sirya daklamak touk, Allah melisilyeba, nunce im deice mikip ulye ning talibirye, Allah yupu yanina ninye nyanyak yupu nirya malye kibuka yaninyabe.

Yohanes 18:6

Yesus arye, “Na aunmane,” nyabukopura, anang nirya arye, ilil ubukba, mitik otam memeprobikce, tukwak poubik.

Zakaria 4:6

Amalaikat arye, na Zakaria biti, nyapnuke. “Anda, ninye si Zerubabel dam binuka, elti, Allah Yahweh arye, nyapdeibuk yupu ara laka nyapnulyame,” nyapnuke. Ara, ance elti, nyapnalam yupu ara, ani. “Zerubabel an teleb winipnamlam ning ara, an mutuku yin talen nang, sik mikip weik deice arye, mambul pil kum dopnamlame. Aning atonun, ancuk mikip deice arye, kum winipnamlame. Aning kum bukni, na Allah Yahweh arye, na mikip weik ulul Pia Teleb, Lek Dip Kanye, el mikip weik, an deice deipkiniba, aning aryuk, narye, ‘Anye apil dopnamnile,’ tenepkise mambul ning ara, winipnamlame. Nara, Allah Yahweh, im deice unyak yin talen malaikat nirya, sik deiyoknye ununa ati, anyapmakin yupu ara, dipkoprob nong upnamlarya!

Matius 21:12

Yesus arye, Yahudi yala nang Allah ati arelbalamikce, el si erelamik aik buplan dam biyuk. Tikilbiyukce, Yahudi yala nang, ‘Allah arye, nun malye wininyap ning kum daneipsilirye, lyepnamsil’ tenen, kam ning obuka, Allah arilamik ning, kambing ato ning, ara, domba totoa opnamik ning dekenmek nang ati, Yesus derebukce, yakuka buru tam dopkwetebuk. Tonda, yuk mutuku nang arye sik yo bok dopdeibikba, Yerusalem mutuku nang yo bok arye dekelanmek nang nirya ati, sik yolana dalubuka yamupdonokra biyuk. Tonda, yalma maka atonun maka dekenmek nang, sik bukmek ning babye, danguplobuknin biyuk.

Yohanes 2:14

Yahudi yala ninye arye, Allah arena ati, weik domik aik dam ara, ninye weik bulubuka unmek. Anyasik dam ara, kam ulul ning dekne nang weik bukmek. Ara, Yahudi ninye arye, ‘Allah arye nun malye winin ning ati oplopsutu bukni, nun malye winilamap ning kilibuka lyena ati, kam ning obibirye, elti, aribibyopura, nun malye ning kum kipdeipnamsile’ tenen, aning obuka arilamik. Tonda, ‘Allah el si erena ati, kam ning obuka, Allah arepnamak anya arye, aning deknuyak’ tenen, kam ning dekna deiyok nang weik anyasik dam unmek. Anang arye, sapi basam ap, domba basam ap, yalma maka ap, dekenmek. Tonda, aninye dana-dana tam mutuku nirya arye arilyanganmeka ati, yo bok dekuka boyangalamik nang ap, Allah el si erena asik damuk, sik meja deibuka pil donmek.

Yohanes 2:16

Yalma maka dekenmek nang ati, “Amaka dobuka, bobilulume. Na ni Allah, el mambul aik ara, talye aning-aning nirya deknak, pasar atonun aik kum ati, anggun yata ati, anyaik dam aning-aning bobuka dekelyangalulum do?” nyabuka wenebuk.

Rasul 27:32

Nyabuka ati, ayin talin nang arye mitik kapal kirikdongopmek tapu ya arye sekwetebikura, mekwen wekukba. Weik kapal talina deiyok nang nirye ara, weik kapal batakuka kum biyik. Atupa unmek.